ଭାରତୀୟ ଷ୍ଟେଟ ବ୍ୟାଙ୍କ ତରଫରୁ ପଶ୍ଚିମ ଓଡିଶାରେ ୩୫୪୦ ବୃକ୍ଷ୍ୟରୋପଣ
ପ୍ରବାହ ନ୍ୟୁଜ୍, ଭାରତ ସରକାରଙ୍କ ‘ଏକ ପେଡ ମା କେ ନାମ’ ଅଭିଯାନ କ୍ରମେ ଭାରତୀୟ ଷ୍ଟେଟ ବ୍ୟାଙ୍କ ଭୁବନେଶ୍ବର ମଣ୍ଡଳ ଦ୍ଵାରା ପଶ୍ଚିମ ଓଡିଶାର ବିଭିନ୍ନ ଓଡିଶା ଆଦର୍ଶ ବିଦ୍ୟାଳୟ ମାନଙ୍କରେ ତା ୧ ଅଗଷ୍ଟ ୨୦୨୪ ଦିନ ୩୫୪୦ ଟି ବିଭିନ୍ନ କିସମର ଚାରାଗଛ ରୋପଣ କରାଯାଇଛି । ସମ୍ବଲପୁର ଜିଲ୍ଲାର ରେଙ୍ଗାଲି ଓ କୁଚିଣ୍ଡା , ବଲାଙ୍ଗୀର ଜିଲ୍ଲାର ଟିଟିଲାଗଡ ଓ କଣ୍ଟାବାଞ୍ଜି , ବରଗଡ ଜିଲାର ବରଗଡ ଓ ବରପାଲି ତଥା ଦେବଗଡ ଜିଲ୍ଲାର ବାରକୋଟ ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ମାନଙ୍କରେ ଏହି କାର୍ଯ୍ଯକ୍ରମ ଏକକାଳୀନ ଅନୁଷ୍ଠିତ ହୋଇଯାଇଛି । ଷ୍ଟେଟ ବ୍ଯାଙ୍କ ସମ୍ବଲପୁର ଅଞ୍ଚଳର ଉପ ମହାପ୍ରବନ୍ଧକ (ବ୍ୟବସାୟ ଓ ପରିଚାଳନା ) ଶ୍ରୀ ସଞ୍ଜୟ କୁମାର ଝା ଓ କ୍ଷେତ୍ରୀୟ ପ୍ରବନ୍ଧକ ଶ୍ରୀ ମାନସ କୁମାର ପ୍ରଧାନ ରେଙ୍ଗାଲି ସ୍ଥିତ ଆଦର୍ଶ ବିଦ୍ୟାଳୟରେ ଚାରାରୋପଣ କରିଥିଲେ । ସେହିପରି କ୍ଷେତ୍ରୀୟ ପ୍ରବନ୍ଧକ ବରଗଡ ଶ୍ରୀ ମଧୁସୂଦନ ରଥ ସ୍ଥାନୀୟ ବରଗଡ ଆଦର୍ଶ ବିଦ୍ୟାଳୟରେ ଓ କ୍ଷେତ୍ରୀୟ ପ୍ରବନ୍ଧକ ବଲାଙ୍ଗୀର ଶ୍ରୀ ପ୍ରଦ୍ଯୁମ୍ନ କୁମାର ସ୍ଵାଇଁ କୁର୍ସୁଡ ଟିଟିଲାଗଡ ଆଦର୍ଶ ବିଦ୍ୟାଳୟ ଠାରେ ଉପସ୍ଥିତ ରହି ବୃକ୍ଷ୍ୟରୋପଣ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଭାରତୀୟ ଷ୍ଟେଟ ବ୍ୟାଙ୍କର କୋର୍ପୋରେଟ ସାମାଜିକ ଦାୟିତ୍ଵ ପାଳନ ଅନୁକ୍ରମେ ଓ ସାର୍କ ସମ୍ବଲପୁର ସ୍ଵେଚ୍ଛା ସେବୀ ଅନୁସ୍ଥାନର ସହଯୋଗରେ ଏହି ବୃକ୍ଷ୍ୟରୋପଣ କାର୍ଯ୍ଯକ୍ରମ ଆୟୋଜିତ ହୋଇଥିଲା ।
