ଏସବିଆଇ ଦ୍ଵାରା 30.00 ଲକ୍ଷ ଟଙ୍କାର ବୀମା ଦାବି ପ୍ରଦାନ କରାଗଲା

ଭାରତୀୟ ଷ୍ଟେଟ ବ୍ଯାଙ୍କର ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦର ଶେଖର ଶର୍ମା ଏବଂ ପୋଲିସ କମିଶନର ଶ୍ରୀ ସୌମେନ୍ଦ୍ର ପ୍ରିୟଦର୍ଶୀ, ସ୍ୱର୍ଗତ ସରୋଜ କୁମାର କୁମାର ପ୍ରଧାନ, ହାବିଲଦାରଙ୍କ ପତ୍ନୀ ଶ୍ରୀମତୀ ସ୍ୱର୍ଣ୍ଣପ୍ରଭା ସାହୁଙ୍କୁ 30.00 ଲକ୍ଷ ଟଙ୍କାର ଏକ ଚେକ୍ ପ୍ରଦାନ କରିଛନ୍ତି। କର୍ତ୍ତବ୍ୟ ସମ୍ପାଦନ କରିବା ସମୟରେ ଦୁର୍ଘଟଣାରେ ଶ୍ରୀ ପ୍ରଧାନଙ୍କର ମୃତ୍ୟୁ ହୋଇଥିଲା। ସ୍ଵର୍ଗତ ଶ୍ରୀ ପ୍ରଧାନଙ୍କ ପୁଲିସ ସାଲାରି ପ୍ୟାକେଜ୍ ଆକାଉଣ୍ଟ ଭାରତୀୟ ଷ୍ଟେଟ ବ୍ଯାଙ୍କରେ ଥିଲା। ତେଣୁ ପରିବାରବର୍ଗ 30.00 ଲକ୍ଷ ଟଙ୍କାର ଦୁର୍ଘଟଣା ବୀମା ଦାବି ପାଇ ପାରିଲେ। ପୋଲିସ୍ ଦରମା ପ୍ୟାକେଜ୍ ଆକାଉଣ୍ଟ ଅଧୀନରେ ଉପଲବ୍ଧ ଅନେକ ସୁବିଧା ମଧ୍ୟରୁ ଏହା ଅନ୍ୟତମ ବୋଲି ଭାରତୀୟ ଷ୍ଟେଟ ବ୍ଯାଙ୍କର ମୁଖ୍ୟ ମହାପ୍ରବନ୍ଧକ କହିଛନ୍ତି।