ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳ ରେ 74ତମ ଗଣତନ୍ତ୍ର ଦିବସ ପାଳନ
ଭୁବନେଶ୍ଵର : ଷ୍ଟେଟ ବ୍ଯାଙ୍କ ସ୍ଥାନୀୟ ପ୍ରଧାନ କାର୍ଯ୍ଯାଳୟ ଭୁବନେଶ୍ବର ଠାରେ 74ତମ ଗଣତନ୍ତ୍ର ଦିବସ ପାଳିତ ହୋଇଯାଇଛି । ଏହି ପବିତ୍ର ଉତ୍ସବରେ ମଣ୍ଡଳର ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦରଶେଖର ଶର୍ମା ଜାତୀୟ ପତାକା ଉତ୍ତୋଳନ କରିଥିଲେ । ମହା ପ୍ରବନ୍ଧକ ଶ୍ରୀ ପୋନ୍ନମବଲମ ମୁରୂଗନ , ମଣ୍ଡଳ ବିକାଶ ଅଧିକାରୀ ଶ୍ରୀ ମନୋଜ କୁମାର ସିଂ , ଅନ୍ୟ ଉପ ମହାପ୍ରବନ୍ଧକ ମାନଙ୍କ ସହ ପାଖାପାଖି 200 ଜଣ କର୍ମଚାରୀ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ । ଷ୍ଟେଟ ବ୍ଯାଙ୍କ କର୍ମଚାରୀ ମାନଙ୍କ ମଧ୍ୟରେ ଆୟୋଜିତ ହୋଇଥିବା ସତର୍କତା ପ୍ରଶ୍ନୋତ୍ତରୀ ପ୍ରତିଯୋଗୀତା ଓ ତାଙ୍କ ପିଲାମାନଙ୍କ ମଧ୍ୟରେ ହୋଇଥିବା ଚିତ୍ରାଙ୍କନ ପ୍ରତିଯୋଗିତାର ବିଜେତା ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।
ସାମାଜିକ , କ୍ରିଡା ଓ ବିତ୍ତୀୟ ଖବର ପ୍ରସାରଣରେ ଉତ୍କୃଷ୍ଟ ବୃତ୍ତିଗତ ଦକ୍ଷତା ପାଇଁ ମୁଖ୍ୟ ମହାପ୍ରବନ୍ଧକ ଶ୍ରୀ ଶର୍ମା ଗଣମାଧ୍ୟମ କର୍ମୀମାନଙ୍କୁ ପୁରସ୍କୃତ କରିଥିଲେ । ଶ୍ରୀ ସଂବିତ ମହାପାତ୍ରଙ୍କୁ କ୍ରିଡା ଓ ଯୁବ ବ୍ୟାପାର ଖବର ପ୍ରସାରଣ ପାଇଁ କଳିଙ୍ଗ ଆୱାର୍ଡ , ଶ୍ରୀମତୀ ସୁଶ୍ରୀ ସଂଗୀତା ଦାସ ଓ ଶ୍ରୀ ସମୀର କୁମାର କରଙ୍କୁ ବିତ୍ତୀୟ ଖବର ପ୍ରସାରଣ ପାଇଁ ଆର କେ ତଲୱାର ଆୱାର୍ଡ ଓ ଶ୍ରୀ ଗୋପାଳ ମହାପାତ୍ରଙ୍କୁ ସାମାଜିକ ଖବର ପ୍ରସାରଣ ପାଇଁ ବିଜୁ ପାଟ୍ଟନାୟକ ଆୱାର୍ଡ ପ୍ରଦାନ କରାଯାଇଥିଲା । ଏହି ଅବସରରେ ଆୟୋଜିତ ହୋଇଥିବା ଏକ ଘରୋଇ ସାଂସ୍କୃତିକ କାର୍ଯ୍ଯକ୍ରମରେ ବହୁ ସଂଖ୍ୟକ କର୍ମଚାରୀମାନେ ଅଂଶଗ୍ରହଣ କରିଥିଲେ । ଗଣତନ୍ତ୍ର ଦିବସ ଓ ସରସ୍ଵତୀ ପୂଜା ଶୁଭ ଅବସରରେ ମୁଖ୍ୟ ମହାପ୍ରବନ୍ଧକ ଶ୍ରୀ ଶର୍ମା ସମସ୍ତ କର୍ମଚାରୀ ଓ ଓଡିଶାବାସୀଙ୍କୁ ସୁଖ ଓ ସମୃଦ୍ଧିର ଶୁଭକାମନା ଜଣାଇଛନ୍ତି ।
