ଗୁରୁଜଙ୍ଗ ପଟ୍ଟନାୟକ ଜୁଏଲାରୀ ଦୋକାନରୁ ଲକ୍ଷାଧିକ ଟଙ୍କାର ଗହଣା ଲୁଟ
ଖୋର୍ଦ୍ଧା : ୦୭/୦୭(ପ୍ରବାହ ନିଉଜ୍) ଖୋର୍ଦ୍ଧା ପୌର ପରିଷଦ ଅନ୍ତର୍ଗତ ଗୁରୁଜଙ୍ଗ ପତିତପାବନ ଛକ ନିକଟରେ ଥିବା ଏକ ସୁନା ଅଳଙ୍କାର ଦୋକାନରୁ ବଡଧରଣର ଲୁଟ୍ ହୋଇଥିବା ଜଣାପଡିଛି । ସୁନାଚୁଡ଼ି, ମଙ୍ଗଳସୂତ୍ର, ମୁଦି, କାନଫୁଲ ଓ ଅନେକ ରୁପା ଅଳଙ୍କାର ପରି ଲକ୍ଷାଧିକ ଟଙ୍କାର ଅନେକ ସୁନାଗହଣା ଚୋରି ହୋଇଥିବା ନିଜେ ସୂଚନା ଦେଇଛନ୍ତି ପଟ୍ଟନାୟକ ଜୁଏଲାରୀର ମାଲିକ ଶ୍ୟାମ ସୁନ୍ଦର ପଟ୍ଟନାୟକ । ଲକଡାଉନରେ ଦୋକାନ ବନ୍ଦ ରହୁଥିବା କାରଣରୁ କେହି ଦୁର୍ବୃତ୍ତ ଏହାର ସୁଯୋଗ ନେଇ ଦୋକାନର ସଟର ତାଡ଼ି ଲୁଟ କରିଥିବା ଅନୁମାନ କରାଯାଉଛି ।
ଲୁଟ ସମ୍ପର୍କରେ ଖବର ପାଇ ଘଟଣା ସ୍ଥଳରେ ଟାଉନ ଥାନା ଅଧିକାରୀ ସଞ୍ଜୟ ପଟ୍ଟନାୟକ ଏବଂ ପୋଲିସର ଏକ ଟିମ ସହିତ ସାଇଣ୍ଟିଫିକ ଟିମ ପହଞ୍ଚି ଦୋକାନର ମାଲିକଙ୍କୁ ପଚରାଉଚରା କରିବା ସହିତ ସିସିଟିଭି ଡିଭିଆରକୁ ଜବତ କରି ତଦନ୍ତ ଆରମ୍ଭ କରିଛି । ଏନେଇ ଗହଣା ଦୋକାନର ମାଲିକ ଶ୍ୟାମସୁନ୍ଦର ପଟ୍ଟନାୟକ ଥାନାରେ ଲିଖତ ଅଭିଯୋଗ କରିଥିବା ଜଣାଯାଇଛି।
