କାର ନଈ ପୋଲ ରୁ ଝୁଲନ୍ତା ମୃତଦେହ ଉଦ୍ଧାର

ବଡ଼ବିଲ: ବଲାଣି ଥାନା ଅନ୍ତର୍ଗତ ବଡ଼ବିଲ-ବଲାଣି ମୁଖ୍ୟ ରାସ୍ତା, ଗ୍ରେଉଅଲ କାରଖାନା ନିକଟ ପୋଲ ରୁ ଗତ ୨୦.୦୧.୨୦୨୪ ତାରିଖ ଦିନ ଜଣେ ୬୨ ବର୍ଷୀୟ ବ୍ୟକ୍ତିଙ୍କ ଝୁଲନ୍ତା ମୃତଦେହକୁ ବଲାଣି ପୋଲିସ ଉଦ୍ଧାର କରିଥିବା ଜଣାଯାଇଛି। ତେବେ ଏହା ଆତ୍ମହତ୍ୟା ନା ହତ୍ୟା ତାହା ଜଣାପଡ଼ିନାହିଁ। ମୃତକ ଜଣକ ଝାଡେଶ୍ୱର ସାହୁ, ଯୋଡ଼ା ଟିସ୍କୋ କମ୍ପାନୀର ସ୍ବେଚ୍ଛାକୃତ ଅବସରପ୍ରାପ୍ତ କର୍ମଚାରୀ ଥିଲେ ଓ ସେ ବଡ଼ବିଲର ଏକ ଦୋକାନରେ କାର୍ଯ୍ୟ କରୁଥିଲେ। ତେବେ ତାଙ୍କର ମୃତଦେହ ଉକ୍ତ ପୋଲରେ ଝୁଲୁଥିବାନେଇ ସ୍ଥାନୀୟ ଲୋକେ ଦେଖିବାପରେ ପୋଲିସକୁ ଖବର ଦେଇଥିଲେ।

ପୋଲିସ ପହଞ୍ଚି ମୃତକଙ୍କ ପରିବାର ଲୋକଙ୍କୁ ଖବର ଦେବାପରେ ତାଙ୍କ ଉପସ୍ଥିତିରେ ମୃତଦେହ ତଳକୁ ଓହ୍ଲାଯାଇଥିଲା। ବଲାଣି ପୋଲିସ ଏକ ଆପମୃତ୍ୟୁ ମାମଲା ରୁଜ୍ଜୁ କରିବା ସହ ଶବ ବ୍ୟବଚ୍ଛେଦ କରାଇ ତଦନ୍ତ କରୁଥିବା ବଲାଣି ଥାନା ଅଧିକାରୀ ଭଜହରି ସାହୁ ସୂଚନା ଦେଇଥିଲେ। ମୃତକ ଝାଡେଶ୍ୱରଙ୍କ ଘର ଦେବଗଡ଼ ଜିଲ୍ଲା, ବାରକୋଟ ଥାନା, ସାଇଡ଼ା ଗ୍ରାମରେ ହୋଇଥିବାବେଳେ ବର୍ତମାନ ସେ ଯୋଡ଼ା ପୁରୁଣା ଥାନା ପଛ ଶାନ୍ତିନଗରରେ ରହୁଥିଲେ।