ଖୋର୍ଦ୍ଧା ରାମେଶ୍ୱର ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା : ଜଣେ ମୃତ ଜଣେ ଗୁରୁତର
ଖୋର୍ଦ୍ଧା : ୦୮/୦୨/୨୦୨୧ : ୧୬ ନମ୍ବର ଜାତୀୟ ରାଜପଥ ରେ ସଡ଼କ ଦୁର୍ଘଟଣା ରେ ଯୁବକ ମୃତ ଓ ଜଣେ ମହିଳା ଗୁରୁତର ।
ଆଜି ସକାଳ ୧୦ ଟା ସମୟରେ ଜଙ୍କିଆ ଥାନା ଅନ୍ତର୍ଗତ ରାମେଶ୍ୱର ଛକ ମଲାଗୁଣି ବ୍ରିଜ ନିକଟ ୧୬ ନଂ ଜାତୀୟ ରାଜପଥରେ ଜାତୀୟ ରାଜପଥ ନିର୍ମାଣକାରୀ ଘରୋଇ ଠିକା ସଂସ୍ଥା ଅଗ୍ରୱାଲ ଇନ୍ଫ୍ରାଷ୍ଟକଚର ପ୍ରାଇଭେଟ ଲିମିଟେଡ଼ ର ଏକ ବାଲି ବୋଝେଇ ହାଇୱା ଧକ୍କାରେ ବାଇକ୍ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ବାଇକରେ ଥିବା ମହିଳା ଗୁରୁତର…ମ୍ରୁତକଙ୍କ ପରିଚୟ ଜଣା ପଡିନଥିବା ବେଳେ ଦୁର୍ଘଟଣା ଗ୍ରସ୍ତ ବାଜାଜ ଆଭେଞ୍ଜର ବାଇକ ଟି ଗଞ୍ଜାମ ଅଞ୍ଚଳର ବେଲାଲ ଅହମ୍ମଦଙ୍କ ନାମରେ ପଞ୍ଜିକୃତ ହୋଇଥିବା ଜଣାପଡିଛି ।
ଘଟଣା ସ୍ଥଳରେ ଜଙ୍କିଆ ପୋଲିସ ପହଞ୍ଚି ଟ୍ରାଫିକ ନିୟନ୍ତ୍ରଣ କରିବା ସହିତ ମୃତ ବ୍ୟକ୍ତିଙ୍କ ଶବକୁ ବ୍ୟବଛେଦ ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟ କୁ ପଠାଇଥିବା ଜଣା ପଡ଼ିଛି ।
