ରିଅଲ୍ଟ୍ୟୁନ୍ ପକ୍ଷରୁ ବର୍ଷା ଉତ୍ସବ
ଭୁବନେଶ୍ୱର, ପ୍ରବାହ ନ୍ୟୁଜ୍ : ରାଜ୍ୟର ଏକ ପ୍ରମୁଖ ସାମାଜିକ-ସାଂସ୍କୃତିକ ସଂଗଠନ ରିଅଲ୍ଟ୍ୟୁନ୍ ପକ୍ଷରୁ ‘ବର୍ଷା ଉତ୍ସବ’ ମାଷ୍ଟରକ୍ୟାଣ୍ଟିନ୍ ଛକ ସ୍ଥିତ ବୁଲନ୍ଭାଇ ସେବା ଭବନଠାରେ ଅନୁଷ୍ଠିତ ହୋଇଯାଇଅଛି । ଏଥିରେ ଶ୍ରୀ ସଂଗ୍ରାମ କେଶରୀ ମହାପାତ୍ର, ଅତିରିକ୍ତ ସଚିବ ବିଦ୍ୟାଳୟ ଓ ଗଣଶିକ୍ଷା ମୁଖ୍ୟ ଅତିଥି, ବିଶିଷ୍ଟ କଣ୍ଠଶିଳ୍ପୀ ଓ ସଂଗୀତ ନିର୍ଦ୍ଦେଶକ ଲକ୍ଷ୍ମୀକାନ୍ତ ପାଲିତ୍, ବରିଷ୍ଠ ସାମ୍ବାଦିକ ପରମେଶ୍ୱର ଦାସ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ, ଅନୁଷ୍ଠାନର ଉପଦେଷ୍ଟା ମନୋଜ ଦାସ ଉତ୍ସବ ପରିଚାଳନା କରିଥିବା ବେଳେ ଅନୁଷ୍ଠାନର ମୁଖ୍ୟ ଜଗନ୍ନାଥର ଦାଶ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ମୁଖ୍ୟଅତିଥି ସଂଗ୍ରାମ କେଶରୀ ମହାପାତ୍ର, ବିଶିଷ୍ଟ ତବଲାବାଦକ ଡକ୍ଟର ତାପସ ପାଲ୍, ଉଦୀୟମାନ କଣ୍ଠଶିଳ୍ପୀ ଓ ସଂଗୀତ ନିର୍ଦ୍ଦେଶକ ଅଭିଜିତ୍ ମିଶ୍ର ଓ କଣ୍ଠଶିଳ୍ପୀ ଡ. ସୁଶାନ୍ତ ପାଣି (ରାଉରକେଲା)କୁ ସମ୍ମାନିତ କରାଯାଇଥିଲା । କଣ୍ଠଶିଳ୍ପୀ ଗୁରୁ ଲକ୍ଷ୍ମୀକାନ୍ତ ପାଲିତ୍, ବୈଷ୍ଣବ କୈଳାସ, ଅଭିଜିତ୍ ମିଶ୍ର, ସୁଶାନ୍ତ ପାଣି, ମିତାଲି ପଟ୍ଟନାୟକ, ସଂସ୍କାର ମହାନ୍ତି, ଆଦିତ୍ୟ ନାୟକ ପ୍ରମୁଖ ସଂଗୀତ ପରିବେଷଣ କରିଥିଲେ । ବାଦ୍ୟଯନ୍ତ୍ରରେ ରତିକାନ୍ତ ତ୍ରିପାଠୀ ସୁଧାଂଶୁ ଜେନା, ନିକୁଞ୍ଜ ବିହାରୀ ସାମଲ ପ୍ରମୁଖ ଯୋଗଦାନ କରିଥିଲେ । ଅନୁଷ୍ଠାନ ପକ୍ଷରୁ ସମସ୍ତ କଳାକାରଙ୍କୁ ପ୍ରୀତି ଉପାହାର ପ୍ରଦାନ କରାଯାଇଥିଲା ।
