ପିଭିଆର ଆଇନକ୍ସ ୪ କେ ଲେଜର ସ୍କ୍ରିନ ପ୍ରୋଜେକ୍ଟ ସହିତ ଭୁବନେଶ୍ୱରରେ ହାଇଟେକ ସିନେମା ଆରମ୍ଭ କରିଛି

ଭୁବନେଶ୍ୱର, ନଭେମ୍ବର ୧୪, ୨୦୨୩ : ଭାରତର ବୃହତ ତଥା ପ୍ରିମିୟମ ସିନେମା ପ୍ରଦର୍ଶକ ପିଭିଆର ଆଇନକ୍ସ ଭୁବନେଶ୍ୱରରେ ନୂଆ ୪ର୍ଥ ସ୍କ୍ରିନ ମଲଟିପ୍ଲେକ୍ସ ସହିତ ତାର ଚତୁର୍ଥ ସଂପତିର ଶୁଭାରମ୍ଭ କରିଛି । ଏଥିରେ ୪କେ ଲେଜର ସ୍କ୍ରିନ ରହିଛି । ଏହି ନୂଆ ଥିଏଟର ସହରବାସୀଙ୍କୁ ନୂଆ ଅନୁଭୂତି ଓ ପରିବେଶରେ ଫିଲ୍ମ ଦେଖିବା ପାଇଁ ସୁଯୋଗ ଦେବ ।
ଏହି ଶୁଭାରମ୍ଭ ସହିତ ପିଭିଆର ଆଇନକ୍ସ ଓଡ଼ିଶାରେ ୭ଟି ପ୍ରପର୍ଟିରେ ୨୯ ସ୍କ୍ରିନ ଖୋଲିଛି । ପୂର୍ବ ଭାରତରେ ଏହା ସହ ୩୬ଟି ପ୍ରପର୍ଟିରେ ୧୩୮ଟି ସ୍କ୍ରିନକୁ ପ୍ରସାରିତ ହୋଇଛି ।

ରଣନୀତିକ ଭାବରେ ଉତ୍କଳ କନିକା ଗ୍ୟାଲେରିଆ ମଲ ଭୁବନେଶ୍ୱର କଳ୍ପନା ଛକରେ ଅବସ୍ଥିତ ଏଠାରେ ୬୮୨ ଦର୍ଶକ ବସିବା ପାଇଁ ସିଟ ରହିଛି । ଏହା ଏକ ଚିତାକର୍ଷକ ଭାବରେ ପରିକଳ୍ପିତ ଅଡିଟୋରିୟମ ଓ ଆରାମଦାୟକ ସିଟ ବ୍ୟବସ୍ଥା ସହ ୪କେ ଲେଜର ପ୍ରୋଜେକ୍ଟର ସହିତ ସଜ୍ଜିତ । ଏଠାରେ ଅଲଟ୍ରା ହାଇ ରିଜୋଲ୍ୟୁସନର ଚିତ୍ର ପ୍ରଦାନ କରାଯାଇଥାଏ । ଏହା ବ୍ୟତୀତ ଅତ୍ୟାଧୁନିକ ବୈଷୟିକୀର ଉନ୍ନତ ଡଲବି ସାଉଣ୍ଡ ଓ ଦୃଶ୍ୟମାନ ୩ଡି ବିଷୟବସ୍ତୁ ସହ ୩ଡି ସ୍କ୍ରିନ ବୈଶିଷ୍ଟ ରହିଛି ।

ଶୁଭାରମ୍ଭ ସଂପର୍କରେ ସୂଚନା ଦେଇ ପିଭିଆର ଆଇନକ୍ସ ଲିମିଟେଡର ପରିଚାଳନା ନିର୍ଦ୍ଦେଶକ ଶ୍ରୀ ଅଜୟ ବିଜଲି କହିଛନ୍ତିଯେ ଓଡ଼ିଶାର ରାଜଧାନୀ ତଥା ବୃହତମ ସହର ଭୁବନେଶ୍ୱରରେ ଆମର ୪ ସ୍କ୍ରିନ ପ୍ରପର୍ଟି ଖୋଲିଥିବାରୁ ଆମେ ଆନନ୍ଦିତ । ପୂର୍ବରୁ ଦ୍ରୁତଭାବେ ବୃଦ୍ଧି ପାଉଥିବା ବାଣିଜ୍ୟିକ ହବ ମଧ୍ୟରୁ ଗୋଟିଏ ଅଂଶ ଭୁବନେଶ୍ୱର ସ୍ମାର୍ଟ ସିଟିରେ ଲୋକମାନଙ୍କ ଚାହିଦା ଅନୁସାରେ ଆମେ ଏହାକୁ ଆରମ୍ଭ କରିଛୁ ।

ସିନେମା ଭଳି ମନୋରଞ୍ଜନ ହେଉଛି ଆମ ଜୀବନ ଶୈଳୀର ଏକ ଅବିଛେଦ୍ୟ ଅଙ୍ଗ ଓ ସହରରେ ପ୍ରଥମ ୪କେ ଲେଜର ସିନେମା ସହିତ ମନୋରଂଜନ ମାଧ୍ୟମରେ ଏକ ନୂଆ ମାନଦଣ୍ଡ ସୃଷ୍ଟି କରି ଆମେ ଗର୍ବିତ ।
ବିଜୁ ପଟନାୟକ ଆନ୍ତର୍ଜାତୀୟ ବିମାନ ବନ୍ଦରରେ ଅବସ୍ଥିତ ମଲଟିପ୍ଲେକ୍ସକୁ ଏକ ସମସାମୟିକ ଶୈଳୀରେ ପ୍ରସ୍ତୁତ କରାଯାଇଛି । ଏହାର ବିଶାଳଗେଟରେ ଏଲଇଡିର ଶୋଭା ଦର୍ଶକଙ୍କୁ ମୋହିତ କରିବ । ଯେଉଁଠାରେ ଏଲଇଡି ପ୍ରଦର୍ଶନୀରୁ ଦର୍ଶକ ଭରପୁର ମଜା ଉଠାଇପାରିବେ । ଅଡିଟୋରିୟମର ସବୁ ଅଂଶରେ ଏକ ଗ୍ଲାମର ସୃଷ୍ଟି କରିବା ପାଇଁ ସାଇଟ ୱାଲକୁ ଉନ୍ନତ ଶୈଳୀରେ ସଜା ଯାଇଛି ।

ଉନ୍ମୋଚନ ଅବସରରେ ନିଜର ମତ ଦେଇ ପିଭିଆର ଆଇନକ୍ସର ପରିଚାଳନା ନିର୍ଦ୍ଦେଶକ ଶ୍ରୀ ସଞ୍ଜିବ କୁମାର ବିଜଲି କହିଛନ୍ତିଯେ ବ୍ୟବସାୟ କରିବାର ପ୍ରମୁଖ ଗନ୍ତବ୍ୟସ୍ଥଳ ମଧ୍ୟରୁ ଓଡ଼ିଶାରେ ଆମର ଉପସ୍ଥିତି ଆଜି ଜନପ୍ରିୟତା ଲାଭ କରିଥିବାରୁ ଆମେ ଖୁସି । ଏହାର ବ୍ୟବସାୟିକ ଗଠନ ଓ ଅର୍ଥନୈତିକ ଅଭିବୃଦ୍ଧି ଓଡ଼ିଆ ସିନେମା ଶିଳ୍ପ ପାଇଁ ପ୍ରୋତ୍ସାହନ ଯୋଗାଇବ । ସହରର ପ୍ରଥମ ୪କେ ଲେଜର ସିନେମା ମାଧ୍ୟମରେ ଭୁବନେଶ୍ୱରରେ ମନୋରଂଜନର ପରିବେଶ ସୃଷ୍ଟି କରିପାରିଥିବାରୁ ଆମେ ଆନନ୍ଦିତ ।