ଆଳିରୁ ପ୍ରତାପ ଦେବ ବିଜୟୀ

ଆଳି : କେନ୍ଦ୍ରାପଡ଼ା ଲୋକସଭା ଆସନ ଅଧିନସ୍ଥ ଆଳି ବିଧାନସଭା ସଭା କ୍ଷେତ୍ର ପ୍ରତ୍ୟେକ ନିର୍ବାଚନରେ ରାଜ୍ୟ ରାଜନୀତିରେ ଚର୍ଚ୍ଚାରେ ରହିଥାଏ l 2024 ସାଧାରଣ ନିର୍ବାଚନ ମଧ୍ୟ ସେତିକି ଚର୍ଚ୍ଚା ଘେରରେ ରହିଥିଲାl ମଙ୍ଗଳବାର ଦିନ ନିର୍ବାଚନ ଫଳାଫଳ ପ୍ରକାଶ ପାଇବା ପରେ ରାଜ୍ୟ ରାଜନୀତିରେ ଅନେକ ବିଧାନସଭା ସଭା ଆସନ ଭାଜପା ହାତକୁ ଚାଲି ଯାଇଥିବା ବେଳେ ଆଳି ବିଧାନସଭା ଆସନକୁ ପୁନର୍ବାର ଦଖଲ କରିଛି ବିଜେଡି l ବିଜେଡିର ପ୍ରାର୍ଥୀ ପ୍ରତାପ କେଶରୀ ଦେବ ତାଙ୍କ ନିକଟତମ ପ୍ରତିଦ୍ବନ୍ଦି କଂଗ୍ରେସ ପ୍ରାର୍ଥୀ ଡାକ୍ତର ଦେବସ୍ମିତା ଶର୍ମାଙ୍କୁ 19628 ଖଣ୍ଡ ଭୋଟରେ ହରାଇ ବିଜୟ ଲାଭ କରିଛନ୍ତି l ପ୍ରତାପ କେଶରୀ ଦେବ ମୋଟ 73678 ଖଣ୍ଡ ଭୋଟ ପାଇଥିବା ବେଳେ କଂଗ୍ରେସର ଡାକ୍ତର ଦେବସ୍ମିତା ଶର୍ମା 54050 ଓ ଭାଜପା ପ୍ରାର୍ଥୀ 44852 ଖଣ୍ଡ ଭୋଟ ପାଇଥିବା ସୂଚନା ମିଳିଛି l ସେହିପରି ସ୍ୱାଧୀନ ପ୍ରାର୍ଥୀ ପର୍ଶୁରାମ ଦାସ 272, ଶ୍ରୀରାମ ପାଣ୍ଡେ 215 ଓ ବହୁଜନ ସମାଜ ପାର୍ଟିର ପ୍ରଶାନ୍ତ ସେଠୀ 305 ଭୋଟ ପାଇଥିବା ଜଣାପଡିଛି l ଆଳିରେ ବିଜେଡି ପ୍ରାର୍ଥୀ ପ୍ରତାପ କେଶରୀ ଦେବ ବିଜୟ ଲାଭ କରିବା ପରେ ବିଜେଡି କର୍ମୀ ମାନେ ବାଣ ଫୁଟାଇ ଖୁସି ମନାଇଛନ୍ତି l ପ୍ରତାପ ଦେବ ଆଳିରେ ପହଞ୍ଚିବା ପତ୍ରପୁର ସେତୁ ନିକଟରୁ ଏକ ବିଶାଳ ଶୋଭାଯାତ୍ରାରେ ଆଳି ପର୍ଯ୍ୟନ୍ତ ଆଣିଥିଲେ l