ଓ.ପି. ଜିନ୍ଦଲ ସ୍କୁଲ : ନବମ ପୁସ୍ତକ ମେଳା ଆୟୋଜିତ

ଅନୁଗୋଳ, ୨୦/୧୧/୨୦୨୩ :ଓ.ପି. ଜିନ୍ଦଲ ସ୍କୁଲ ଅନୁଗୋଳ ପରିସରରେ ୯ମ ପୁସ୍ତକ ମେଳା ଆୟୋଜିତ ହୋଇଯାଇଅଛି | ନଭେମ୍ବର ୧୭ ତାରିଖରୁ ଆରମ୍ଭ ହୋଇ ୧୯ ତାରିଖ ପର୍ଯ୍ଯନ୍ତ ଆୟୋଜିତ ହୋଇଥିବା ଏହି ପୁସ୍ତକ ମେଳାକୁ ଅନୁଗୋଳ ମହିଳା ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ମେଜର ଧନେଶ୍ୱର ଦାସ ଉଦଘାଟନ କରିଥିଲେ l ଏହି ପୁସ୍ତକ ମେଳା ସମସ୍ତ ପୁସ୍ତକ ପ୍ରେମୀ, ଛାତ୍ର ଛାତ୍ରୀ, ଶିକ୍ଷକ – ଶିକ୍ଷୟତ୍ରୀ, ଅଭିଭାବକ ତଥା ଓପି ଜିନ୍ଦଲ ପରିବାରର ସଦସ୍ୟ ମାନଙ୍କୁ  ଆକର୍ଷିତ କରିଥିଲା l ଏହି ମେଳାରେ ବିଭିନ୍ନ ପ୍ରକାରର ପୁସ୍ତକ ପ୍ରଦର୍ଶିତ ହେବା ସହିତ ଯୁବ ପାଠକଙ୍କୁ ଆକର୍ଷିତ କରିବା ଭଳି ପୁସ୍ତକ ମଧ୍ୟ ପ୍ରଦର୍ଶିତ କରାଯାଇଥିଲା l

ବିଦ୍ୟାଳୟର ଅଧ୍ୟକ୍ଷା ଡଃ ସୋନାଲି ବାସୁ ଛାତ୍ର ଛାତ୍ରୀଙ୍କୁ ଜୀବନ ବ୍ୟାପୀ ପୁସ୍ତକ ପଠନର ଅଭ୍ଯାସ ନିୟମିତ କରିବା ନିମନ୍ତେ ପରାମର୍ଶ ପ୍ରଦାନ କରିବା ସହ ଭଲ ପୁସ୍ତକ ଚୟନ ଉପରେ ମଧ୍ୟ ଗୁରୁତ୍ଵ ପ୍ରଦାନ କରିଥିଲେ l ‘ପୁସ୍ତକ ହିଁ ଜ୍ଞାନର ସାକାର ପ୍ରକାଶ” ବୋଲି କହିବା ସହ ବିଦ୍ୟାଳୟ ସର୍ବଦା ଯୁବ ପାଠକଙ୍କ ପଠନ ଅଭ୍ଯାସକୁ ଗୁରୁତ୍ଵ ପ୍ରଦାନ କରେ ବୋଲି କହିଥିଲେ l ଏହି ନବମ ପୁସ୍ତକ ମେଳା ବିଦ୍ୟାଳୟର ଗୌରବଶାଳୀ ଉପଲବ୍ଧିର ଏକ ଅନ୍ୟତମ ଯୋଗଦାନ ଅଟେ l