ଓପି ଜିନ୍ଦଲ ସ୍ମାରକି ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ

ଯୋଡା; ୧୨/୦୨; କେନ୍ଦୁଝର ଜିଲ୍ଲା ଯୋଡା ବ୍ଲକ ଅନ୍ତର୍ଗତ ଦେଓଝର ପଞ୍ଚାୟତ ଠାରେ ଅବସ୍ଥିତ ଜିନ୍ଦଲ ଷ୍ଟିଲ ଏଣ୍ଡ ପାୱାର ଲିମିଟେଡ କମ୍ପାନୀ ଅଧିନରେ ଥିବା କାଶିଆ ଲୌହ ଖଣି ପକ୍ଷରୁ ଓପି ଜିନ୍ଦଲ ସ୍କାରକି ଫୁଟ୍ବଲ ଟୁର୍ଣ୍ଣାମେଣ୍ଟ ଉଦଜାପିତ ହୋଇ ଯାଇଛି । କମ୍ପାନୀ ପକ୍ଷରୁ ଏହି ଟୁର୍ଣ୍ଣାମେଣ୍ଟଟି କାଶିଆ ଫୁଟବଲ ଖେଳ ପଡିଆରେ ଆୟୋଜନ କରାଯାଇଥିଲା ।

ଗତ ଫେବୃଆରୀ ୮ ତାରିଖରୁ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟରେ ସେରେଣ୍ଡା ଓ ଭଦ୍ରାସାହି ଗ୍ରାମ ପଂଚାୟତର ୧୬ ଗୋଟି ଦଳ ଅଂଶ ଗ୍ରହଣ କରିଥିବା ଜଣାପଡିଛି । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ରୂପେ କାଶିଆ ଖଣିର ମୁଖ୍ୟ ଅଜିତ କୁମାର ପାତ୍ର ଓ ଦେଓଝର ପିଲେଟ ପ୍ଲାଣ୍ଟର ମୁଖ୍ୟ ଏମ ଡି ପୁରୁଷୋତ୍ତମ ଯୋଗ ଦେଇ ଆନୁଷ୍ଠାନିକ ଭାବେ ଏହି ଖେଳଟିକୁ ଉଦଘାତନ କରିଥିବା ବେଳେ ସମ୍ମାନିତ ଅତିଥି ଭାବେ ସେରେଣ୍ଡା ପଞ୍ଚାୟତର ସରପଞ୍ଚ ସସ୍ମିତା ସିଦ୍ଧୁ , ଭଦ୍ରାସାହି ସରପଞ୍ଚ ପ୍ରମିଳା ନାଏକ , ଭଦ୍ରାସାହି ସମିତି ସଭ୍ୟ ଯଶବନ୍ତ ପାତ୍ର , ସେରେଣ୍ଡା ସମିତି ସଭ୍ୟ ସଙ୍କର ଚାତମ୍ବା , ଭଦ୍ରାସାହି ନାଏବ ସରପଞ୍ଚ ସୁରେସ ମୁଣ୍ଡା ଏବଂ ସେରେଣ୍ଡା ନାଏବ ସରପଞ୍ଚ ରାମ ମୁଣ୍ଡା ପ୍ରମୁଖ ଯୋଗ ଦେଇଥିବା ଦେଖିବାକୁ ମିଳିଛି ।

ଫାଇନାଲ୍ ମ୍ୟାଚରେ ଏମ୍ ଟି ଆର୍ ସି ସେରେଣ୍ଡା (ଖ) ଏକାଦଶ ଚମ୍ପିଆନ୍ ହୋଇଥିବା ବେଳେ ଏମ୍ ଟି ୱାଇ ସି ସୋୟାବଲି ଦଳ ଦ୍ୱିତିୟ ସ୍ଥାନ ଓ ୟୁଥ୍ କ୍ଲବ ଆଜାଦ ବସ୍ତି (ଭଦ୍ରାସାହି) ତୃତୀୟ ସ୍ଥାନ ଅଧିକାର କରିଥିବା ଜଣାପଡିଛି । ଟୁର୍ଣ୍ଣାମେଣ୍ଟର ଉଦଜାପାନୀ ଉତ୍ସବରେ ମୁଖ୍ୟ ଅତିଥି ଭାବେ ଚମ୍ପୁଆ ନିର୍ବାଚନ ମଣ୍ଡଳିର ପୂର୍ବତନ ବିଧାୟକ ଧନୁର୍ଜୟ ସିଦ୍ଧୁ ଯୋଗଦେଇ ଥିବାବେଳେ ସମ୍ମାନିତ ଅତିଥି ଭାବେ ସେରେଣ୍ଡା ସରପଞ୍ଚ ସସ୍ମିତା ସିଦ୍ଧୁ , ପୂର୍ବତନ ଜିଲ୍ଲା ପରିଷଦ ଜୟନ୍ତି ବାନାରା , ଜିନ୍ଦଲ କମ୍ପାନୀର ମାନବ ସମ୍ବଳ ଅଧିକାରୀ ଆଶିଷ ରଞ୍ଜନ ମହାନ୍ତି , ମାନବ ସମ୍ବଳ ମୁଖ୍ୟ ପ୍ରବନ୍ଧକ ସରତ କିଶୋର ପଣ୍ଡା ପ୍ରମୁଖ ଯୋଗ ଦେଇ ଚମ୍ପିଆନ୍ ଦଳକୁ ଟ୍ରଫି ସହିତ ନଗଦ ୧୫ ହଜାର ଅର୍ଥରାଶି , ଦ୍ୱିତୀୟ ସ୍ଥାନ ଅଧିକାର କରିଥିବା ଦଳକୁ ୧୩ ହଜାର ଟଙ୍କାର ଅର୍ଥ ରାଶି ସହିତ ଟ୍ରଫି, ତୃତୀୟ ସ୍ଥାନ ଅଧିକାର କରିଥିବା ଦଳକୁ ଟ୍ରଫି ସହିତ ନଗଦ ୧୦ ହଜାର ଟଙ୍କାର ଅର୍ଥରାଶି ଓ ଚତୁର୍ଥ ସ୍ଥାନ ଅଧିକାର କରିଥିବା ଦଳକୁ ଟ୍ରଫି ସହିତ ୮ ହଜାର ଟଙ୍କାର ଅର୍ଥରାଶି ପ୍ରଦାନ କରାଯାଇଥିବା ଦେଖିବାକୁ ମିଳିଛି ।

କମ୍ପାନୀର ଖେଳ ଓ ଖେଳାଳୀଙ୍କ ପ୍ରତି ଥିବା ଭଲ ପାଇବା ଆଗାମୀ ଦିନର ଯୁବପିଢି ମାନଙ୍କୁ ପ୍ରେରଣା ଯୋଗାଇବ ବୋଲି ପୂର୍ବତନ ବିଧାୟକ ଧନୁର୍ଜୟ ସିଦ୍ଧୁ କହିଥିଲେ । ଏଥି ସହିତ ଆଗାମୀ ଦିନରେ ବିଭିନ୍ନ ପଞ୍ଚାୟତରେ ଲୁଚି ରହିଥିବା ହକି ପ୍ରତିଭା ମାନଙ୍କୁ ଖୋଜି ବାହାର କରିବା ସହିତ ହକି ଖେଳକୁ ପ୍ରାଧାନ୍ୟ ଦେବାକୁ କମ୍ପାନୀ ପକ୍ଷରୁ କୁହାଯାଇଛି ।