ପ୍ରଶାସନର ନିଷ୍କ୍ରିୟତା ବିରୁଦ୍ଧରେ ଆଦିବାସୀ କଲ୍ୟାଣ ସଂଘର ଖଡ଼ିଆଳ ଥାନା ଘେରାଉ

ନୂଆପଡ଼ା:୨୦/୮(ପ୍ରବାହ ନିଉଜ୍) ନୂଆପଡା ଜିଲ୍ଲାରେ ଆଦିବାସୀ ମାନଙ୍କ ପ୍ରତି ପୋଲିସ ପ୍ରଶାସନ ର ନିଷ୍କ୍ରିୟତା ବିରୁଦ୍ଧରେ ନୂଆପଡ଼ା ଜିଲ୍ଲା ଆଦିବାସୀ କଲ୍ୟାଣ ସଂଘ ତରଫରୁ ଏକଜୁଟ ହୋଇ ଖଡ଼ିଆଳ ଥାନା ଘେରାଉ କରାଯାଇଥିଲା । ପ୍ରଥମେ ଜିଲ୍ଲାର ପାଞ୍ଚଗୋଟି ବ୍ଲକ ଖଡ଼ିଆଳ , ସିନାପାଲି , ବୋଡେନ, କୋମନା ଓ ସଦର ବ୍ଲକ ନୂଆପଡ଼ାର ହଜାର ହଜାର ଆଦିବାସୀ ମହିଳା ଓ ପୁରୁଷ  ସାମିଲଥିଲେ । ପ୍ରଥମେ ଖଡ଼ିଆଳ ସ୍ଥିତ ଠାକୁରାଣୀ ମନ୍ଦିର ଠାରୁ ପାରମ୍ପରିକ ଆଦିବାସୀ ବେଶଭୂଷା ରେ ବାହାରି ଏକ ଶୋଭାଯାତ୍ରାରେ ଖଡ଼ିଆଳ ନଗର ପରିକ୍ରମା ପରେ  ଥାନା ପାଖରେ ପହଞ୍ଚି ଥାନା ଭିତରକୁ ଧସେଇ ପସିବାକୁ ଚେଷ୍ଟା କରିଥିଲେ ।

ପରେ ସମସ୍ତ ଆଦିବାସୀ ଖଡ଼ିଆଳ ଥାନା ସାମାନା ରେ ବିକ୍ଷୋଭ ପଦର୍ଶନ କରିବା ସହିତ ପୋଲିସ ବିରୋଧ ରେ ବିଭିନ୍ନ ନାରା ଦେଇଥିଲେ । ଆଦିବାସୀ ମାନଙ୍କ ଦାବୀ ହେଲା ଜିଲ୍ଲାର ବିଭିନ୍ନ ଥାନା ରେ ଧନଞୟ ଶବର, ଗୌରୀଶଙ୍କର ମାଝୀ, ଚନ୍ଦ୍ର ଶେଖର ଶବର ଏବଂ ଉଦୟ ମାଝି ଙ୍କ ଅଭିଯୋଗ କୁ ପୋଲିସ ନ ଶୁଣିବା , ଅଭିଯୁକ୍ତ ମାନଙ୍କୁ ପୋଲିସ ଗିରଫ କରୁ ନ ଥିବା ପ୍ରଭୁତି ଚାରି ଦଫା ଦାବି ନୂଆପଡ଼ା ଅତିରିକ୍ତ ଆରକ୍ଷୀ ଅଧିକ୍ଷକ ସୁନୀଲ କୁମାର ଆଚାର୍ଯ୍ୟ ଙ୍କୁ ମୁଖ୍ୟମନ୍ତ୍ରୀ ଙ୍କ ଉଦେଶ୍ୟ ରେ ଚାରି ଦଫା ଦାବିପତ୍ର ପ୍ରଦାନ କରିଛନ୍ତି ।

ଆଜିର ବିକ୍ଷୋଭ ଓ  ଥାନା ଘେରାଉ ସମୟରେ ନୂଆପଡ଼ା ଜିଲ୍ଲା ଆଦିବାସୀ କଲ୍ୟାଣ ସଂଘ ର ସଭାପତି ଭାନୁପ୍ରତାପ ସିଂ ମାଝୀ, ସମ୍ପାଦକ ବାଳକୃଷ୍ଣ ଶବର , ପଶ୍ଚିମ ଓଡିଶା ସଚିବ ନିରଂଜନ ବିଶି, ପରମାନନ୍ଦ ମାଝୀ କଳାହାଣ୍ଡି ଆଦିବାସୀ ସଂଘ ସଭାପତି, ହୋମସିଙ୍ଘ ମାଝୀ, ଜୟ ରାମ ଶବର ,ଚିତରଂଜନ ବନଗୋଲା ମହାସଚିବ ପଶ୍ଚିମ ଓଡିଶାଆଦିବାସୀ ସଂଘ ଙ୍କ ସମେତ ବହୁ ସଂଖ୍ୟା ରେ ଆଦିବାସୀ ମହିଳା ଓ ପୁରୁଷ ସାମିଲ ଥିଲେ ।