ଆକ୍ସନ ମୋଡ଼ରେ ନୟାଗଡ ଏସପି ରାହୁଲ ଜୈନ

ଭାପୁର, ପ୍ରବାହ ନ୍ୟୁଜ୍‌ : ଆକସନ ମୂଡ଼ରେ ନୟାଗଡ ପୋଲିସ l ନୟାଗଡ ଏସପି ଶ୍ରୀ ରାହୁଲ ଜୈନ ଙ୍କ ନିର୍ଦେଶ କ୍ରମେ ଗତ କାଲି ରାତିରେ ନୟାଗଡ ଅଂଚଳର ପ୍ରାୟ ସମସ୍ତ ଥାନା ରେ ଆଇନ ଶୃଙ୍ଖଳା ପରିସ୍ଥିତି, ବେଆଇନ ନିଶା କାରବାର ଓ ମଦପି ଗାଡି ଚଳାଇବା ଉପରେ ରୋକ ଲଗାଇବା ନେଇ ବ୍ଲକିଙ୍ଗ ଏବଂ ଚେକିଂ କରାଯାଇଥିଲା l ଅତ୍ୟଧିକ ଦୁର୍ଘଟଣା କୁ ଆଖି ଆଗରେ ରଖି  ମଦ ପି ଗାଡି ଚଳାଇବା ଉପରେ ଏସପି ଶ୍ରୀ ଜୈନ ବିଶେଷ ଗୁରୁତ୍ୱ ଭାବେ ନେବା ସହ ମଦ ପି ଗାଡି ଚଳାଉଥିବା ଲୋକ ଉପରେ କଡା କାର୍ଯ୍ୟାନୁଷ୍ଠାନ ନେବା ପାଇଁ ଥାନା ଗୁଡିକୁ ନିର୍ଦେଶ ଦେଇଛନ୍ତି l ଗତକାଲି ନୟାଗଡ ର ବିଭିନ୍ନ  ଥାନା ଅଂଚଳରୁ ରୁ ପ୍ରାୟ 13ଜଣ ମଦ ପି ଗାଡି ଚଲlଉଅଥିବା ଡ୍ରାଇଭର କୁ ଗିରଫ କରିବା ସହ ସେମାନଙ୍କ ବିରୁଦ୍ଧରେ କେଶ ହୋଇଥିବା ସହ ଗାଡି ଗୁଡିକୁ ସିଜ଼ କରାଯାଇଅଛି l ସେଇଭଳି ଏକ  ଚୋରା ମଦ ବେପାରୀକୁ ଗିରଫ କରିବା ସହ ତା ଠାରୁ 30ଲିଟର ମଦ ଜବତ କରିଥିବା ଜଣାପଡିଛି ଏବଂ ଟ୍ରାଫିକ ନିୟମ ଉଲଂଘନ କରିଥିବା ଉପରେ ପ୍ରlୟ 25000 ଜୋରିମାନା ଆଦାୟ ହୋଇଥିବା ଜଣାପଡିଛି l  ଏସପି ଶ୍ରୀ ଜୈନ ଙ୍କ କହିବା ଅନୁଯାଇ ଦୟାକରି ନିୟମ ଭାଙ୍ଗିବା ପରିବର୍ତ୍ତେ ଏକ ଆଇନ ପାଳନ କରୁଥିବା ନାଗରିକ ହୁଅନ୍ତୁ |