ଖୋର୍ଦ୍ଧା ରୋଡ ରେଲୱେ ଷ୍ଟେସନରେ ମଲ୍ଟି ବ୍ରାଣ୍ଡେଡ୍ ରେଲ୍ କୋଚ୍ ରେଷ୍ଟୁରାଣ୍ଟ
ପ୍ରବାହ ନ୍ୟୁଜ୍ : ରେଳ ଷ୍ଟେସନରେ ଯାତ୍ରୀମାନଙ୍କୁ ଏକ ନିଆରା ଖାଦ୍ୟପାନୀୟର ଅଭିଜ୍ଞତା ଯୋଗାଇବା ପାଇଁ ଏକ ଅଭିନବ ପ୍ରୟାସରେ, ଖୋର୍ଦ୍ଧା ରୋଡ ରେଳ ଷ୍ଟେସନରେ ଏକ “ମଲ୍ଟି ବ୍ରାଣ୍ଡେଡ୍ ରେଳ କୋଚ୍ ରେଷ୍ଟୁରାଣ୍ଟ” ଖୋଲା ଯାଇଛି | ଯାତ୍ରୀମାନେ ବର୍ତ୍ତମାନ ଏହି ସୋନ୍ଦର୍ଯ୍ୟମୟ ଭାବରେ ପରିକଳ୍ପିତ ରେଳ କୋଚ୍ ଭିତରେ ଭୋଜନ କରିପାରିବେ କିମ୍ବା ଖୋର୍ଦ୍ଧା ରୋଡ ରେଳ ଷ୍ଟେସନ ରୁ ଯାତ୍ରା କରିବା ପୁର୍ବ ରୁ ଖାଇବା ଅର୍ଡର୍ କରିକି ନେଇପାରିବେ | ଏହି ରେଳ କୋଚ୍ ରେଷ୍ଟୁରାଣ୍ଟ ରେ ଚାରୋଟି ପ୍ରସିଦ୍ଧ ବ୍ରାଣ୍ଡର ସୁସ୍ବାଦୁ ଶାକାହାରୀ ଏବଂ ଅଣ-ଶାକାହାରୀ ଖାଦ୍ୟ ଯଥା ପିଜା ହାଟ, ୱାଓ ମୋମୋସ୍, ନେସ୍କାଫେ ଏବଂ ନାରୁଲା ମିଠା ଓ କୁଲ୍ଫି ଉପଲବ୍ଧ |ଶ୍ରୀମତୀ ଗୁର୍ ସିମ୍ରନ୍ କୌର୍, ପୂର୍ବ ତଟ ରେଲୱେ ମହିଳା କଲ୍ୟାଣ ସଂଗଠନର (ECORWWO) ସଭାନେତ୍ରୀ, ପୂର୍ବ ତଟ ରେଳ ମହିଳା କଲ୍ୟାଣ ସଂଗଠନ, ଖୋର୍ଦ୍ଧା ରୋଡ, ଉପ ସଭାନେତ୍ରୀ, ECORWWO ଏବଂ ପୂର୍ବ ତଟ ରେଳବାଇ ମହିଳା କଲ୍ୟାଣ ସଂଗଠନର ଅନ୍ୟ ସଦସ୍ୟଙ୍କ ଉପସ୍ଥିତିରେ ରେଳ କୋଚ୍ ରେଷ୍ଟୁରାଣ୍ଟ ଉଦଘାଟନ ହୋଇଥିଲା ।ପୁରୁଣା ରେଳ କୋଚରେ ତିଆରି ହେଇଥିବା ଏହି ଅନନ୍ୟ ରେଷ୍ଟୁରାଣ୍ଟ ରେଳ ଷ୍ଟେସନର ସ ସୋନ୍ଦର୍ଯ୍ୟମୟ ବର୍ଦ୍ଧନ କରୁଛି | ରେଳ କୋଚ ରେଷ୍ଟୁରାଣ୍ଟର, ଭିତର ଅଂଶକୁ ଏୟାରକଣ୍ଡିଶନ୍, ଉଷ୍ମ ଆଲୋକ ଏବଂ ସଜବାଜ ସହିତ ଆରାମଦାୟକ ବସିବା ବ୍ୟବସ୍ଥା କରାଯାଇଛି ଯାହା ପ୍ରତ୍ୟେକ ଖାଦ୍ୟ କୁ ସ୍ୱତନ୍ତ୍ର ଅନୁଭବ କରାଇଥାଏ |
ଏହି କୋଚ୍ ରେଷ୍ଟୁରାଣ୍ଟ ଭିତରେ 56 ଜଣ ଏକା ସାଙ୍ଗରେ ବସିକି ଖାଇପରିବେ ଏବଂ କୋଚ୍ ବାହାରେ ଥିବା କିଓସ୍କ ଗୁଡିକରୁ ମଧ୍ୟ ଖାଦ୍ୟର ମଜା ନେଇ ପାରିବେ | ଏହି କୋଚ୍ ରେଷ୍ଟୁରାଣ୍ଟ ସକାଳ 6 ଟାରୁ ରାତି 11 ଟା ପର୍ଯ୍ୟନ୍ତ ଖୋଲା ରହିବ ଏବଂ ଯାତ୍ରୀ ଏବଂ ସ୍ଥାନୀୟ ଜନସାଧାରଣଙ୍କ ଆବଶ୍ୟକତା ଅନୁଯାୟୀ ଏହାର ଖୋଲିବାର ସମୟ ବୃଦ୍ଧି କରାଯିବ |
ପୂର୍ବ ତଟ ରେଲୱେ ଖୋର୍ଦ୍ଧା ରୋଡ ମଣ୍ଡଳ ବାଣୀଜ୍ୟ ବିଭାଗ ଦ୍ୱାରା ପରିଚାଳିତ ଏହି ପଦକ୍ଷେପ କେବଳ ଯାତ୍ରୀଙ୍କ ଅଭିଜ୍ଞତାକୁ ବଢ଼ାଇବ ନାହିଁ ବରଂ ଅତିରିକ୍ତ ରାଜସ୍ୱ ପାଇବା ପାଇଁ ରେଳ ଭିତ୍ତିଭୂମିକୁ ସୃଜନଶୀଳ ଭାବରେ ବ୍ୟବହାର କରିଥାଏ | ଆଗାମୀ ଦିନରେ ଡିଭିଜନ୍ ରେ କେତେକ ଗୁରୁତ୍ୱପୂର୍ଣ୍ଣ ରେଳ ଷ୍ଟେସନରେ ଏଭଳି ରେଳ କୋଚ୍ ରେଷ୍ଟୁରାଣ୍ଟ ଖୋଲିବାକୁ ଖୋର୍ଦ୍ଧା ରୋଡ ମଣ୍ଡଳ ଯୋଜନା କରୁଛି।
