ଖୋର୍ଦ୍ଧା ୮ ନମ୍ବର ୱାର୍ଡରେ ସାଂସଦ ଅପରାଜିତାଙ୍କ ପଦଯାତ୍ରା

ଖୋର୍ଦ୍ଧା : ୦୯/୦୧(ପ୍ରବାହ ନିଉଜ୍) ଖୋର୍ଦ୍ଧା ଜନସାଧାରଣଙ୍କ ମୌଳିକ ସୁବିଧା, ଅଧିକାର ତଥା ବିକାଶର ଅନେକ କାର୍ଯ୍ୟକ୍ରମ ଶିଥିଳ ହୋଇ ଫାଇଲ ରେ ବନ୍ଦ ହୋଇ ପଡ଼ି ରହିଥିବା ବେଳେ ପ୍ରଶାସନିକ ଅଧିକାରୀଙ୍କ ଉଦାସୀନତା ଯୋଗୁ ଆଗେଇ ପାରୁନଥିବା ବେଳେ ଏହି ସମସ୍ୟା ବାବଦରେ ଅବଗତ ହେବା ପାଇଁ ଖୋର୍ଦ୍ଧା ପୌରାଞ୍ଚଳର ୮ ନମ୍ବର ୱାର୍ଡ଼ରେ ନିଜ ସମର୍ଥକଙ୍କ ଗହଣରେ ଭୁବନେଶ୍ବର ଲୋକସଭା ସାଂସଦ ଅପରାଜିତା ଷଡଙ୍ଗୀ ଏକ ଜନସମ୍ପର୍କ ପଦଯାତ୍ରା କରିଛନ୍ତି ।

ରାଜ୍ୟସ୍ତରୀୟ ଦକ୍ଷ ସଂଗଠକ ଓ ବିଜେପିର ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ବିଧାୟକ ପ୍ରାର୍ଥୀ କାଳୁ ଚରଣ ଖଣ୍ଡେଇତରାୟ ଙ୍କ ନେତୃତ୍ବରେ ଏହି ପଦଯାତ୍ରା କାର୍ଯ୍ୟକ୍ରମରେ ମାନନୀୟା ସାଂସଦ ଅପରିଜିତା ଷଡ଼ଙ୍ଗୀ ଖୋର୍ଦ୍ଧା ନୂଆ ବସ ଷ୍ଟାଣ୍ଡ ଠାରୁ ଏକ ପଦଯାତ୍ରାରେ ସାମିଲ ହୋଇ ଖୋର୍ଦ୍ଧା ପୌର ପରିଷଦ ର ୮ନମ୍ବର ୱାର୍ଡ ପରିଦର୍ଶନ କରିବା ସହ ୱାର୍ଡ ବାସିନ୍ଦାଙ୍କ ଅସୁବିଧା ବାବଦରେ ଅବଗତ ହୋଇଥିଲେ । ଏହି ଅବସରରେ ୱାର୍ଡ ବାସିନ୍ଦାଙ୍କ ତରଫରୁ ବିଭିନ୍ନ ସ୍ଥାନରେ ଶ୍ରୀମତୀ ଷଡଙ୍ଗୀଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରାଯାଇଥିଲା ।

ପଦଯାତ୍ରାରେ ଅନ୍ୟମାନଙ୍କ ମଧ୍ୟରେ
ଖୋର୍ଦ୍ଧା ଜିଲ୍ଲା ବିଜେପି ସଭାପତି ରଶ୍ମି ରଞ୍ଜନ ମହାପାତ୍ର, କାର୍ଯ୍ୟକାରିଣୀ ସଦସ୍ୟ ନିକୁଞ୍ଜ ପଟ୍ଟନାୟକ, ବିଧାୟକ ପ୍ରାର୍ଥୀ କାଳୁ ଚରଣ ଖଣ୍ଡେଇତରାୟ , ସାଂସଦ ପ୍ରତିନିଧି ଅବନିକାନ୍ତ ଜେନା ଓ ଲୋକନାଥ ପ୍ରଧାନ, ଦେବବ୍ରତ ଆଚାର୍ଯ୍ୟ, ରାଧାମୋହନ, ଅଭିଷେକଙ୍କ ସମେତ
ସମେତ ବହୁ ଦଳୀୟକର୍ମକର୍ତ୍ତା ମାନେ ସାମିଲ ହୋଇଥିଲେ ।