ଟଙ୍କା
ପଙ୍କଜ କୁମାର ପାଣିଗ୍ରାହୀ
ଚତୁର ବ୍ୟାପାରୀଙ୍କ ଷଡ଼ଯନ୍ତ୍ରର ସୀମାହୀନ ଛନ୍ଦ ଭରା ପ୍ରରୋଚନାରେ ନିର୍ବୋଧଙ୍କ ପ୍ରତାରଣାର ସମୀକ୍ଷା କରିବା ଏତେ ସହଜ ନୁହେଁ ଏତିକି ଲେଖା ମାଧ୍ୟମରେ ଯାହା ସମସ୍ତେ ନିଜେ ନିଜେ ବୁଝିବାକୁ ଚେଷ୍ଟା କରିବା ଆବଶ୍ୟକ । ନତୁବା ଚିରକାଳ ଅସ୍ଥିରତା, ଅପ୍ରାକୃତିକ ଜୀବନ ଯାପାନ କରି ଯଥେଷ୍ଟ ଟଙ୍କା ଆଦାୟ କରି କେବଳ ଚତୁର ବ୍ୟାପାରିଙ୍କୁ ପୋଷିବା ଛଡା ସାଧାରଣ ମନୁଷ୍ୟ କେବେହେଲେ ସୁଖ, ଶାନ୍ତି ପାଇପାରିବେ ନାହିଁ ଯାହା ଆହୁରି ଜଟିଳରୁ ଜଟିଳତ୍ତର ସମସ୍ୟା ସୃଷ୍ଟି କରିବ ଆଗକୁ । ତେଣୁ ସେଥିପ୍ରତି ସାଧାରଣ ଲୋକେ ସଚେତନ ନହୋଇ ସମୟ ସ୍ରୋତରେ ନିଜକୁ ପରିଚାଳିତ କଲେ ନିଜର ଏବଂ ଭବିଷ୍ୟ ପିଢିଙ୍କ ଭବିଷ୍ୟତ ଅନ୍ଧକାର ହେବ ସୁନିଶ୍ଚିତ ।
ଲୋକଙ୍କ ଆଦାୟକୁ ବୃଦ୍ଧି କରି ଟଙ୍କାର ମୂଲ୍ୟ ହ୍ରାସଃ କରିବା ଦ୍ୱାରା ବ୍ୟପାରୀଙ୍କୁ କିଭଳି ଲାଭ ହୋଇଥାଏ ସେସବୁ ସାଧାରଣରେ ବୁଝିବା ସହଜ ନୁହେଁ । ତେଣୁ ସେମାନେ ବିଭିନ୍ନ ଷଡ଼ଯାନ୍ତ୍ରୀକ ଉପାୟରେ ଲୋକଙ୍କୁ ଟଙ୍କାର ମୂଲ୍ୟାଙ୍କନ ଆକଳନ କରିବା କ୍ଷମତା ବହିର୍ଭୁତ ରଖି କେବଳ ସଂଖ୍ୟା ଗଣନାଙ୍କ ଉପରେ ଶିକ୍ଷା ଦେଇ ମାନସିକ ସ୍ତରରେ ଖୁସି କରାଇ ସମସ୍ତ ଅର୍ଥ ହାତେଇବାରେ ସମର୍ଥ ଆଜିର ସାମାଜିକ ସ୍ଥିତିର ସମୀକ୍ଷା କରନ୍ତି ନାହିଁ କେହି । ସାଧାରଣ ଲୋକେ ନିଜସ୍ୱ ସମ୍ପତ୍ତିର ଆକଳନ କୋଟି କୋଟିରେ କରି ସନ୍ତୁଷ୍ଟ ହେଉଥିବା ବେଳେ ଅନୁରପ ଅନୁପାତଠାରୁ ଆଶାତୀତ ପରିମାଣର ବୃଦ୍ଧି ହେଉଛି ବ୍ୟପାରୀଙ୍କ । କେମିତି ବୁଝିବା କଷ୍ଟ, କିନ୍ତୁ ସତ୍ୟ । ତେଣୁ ପ୍ରଥମେ ବଜାରରେ ଚାହିଦା ଏବଂ ଅଭାବନିୟତା ସୃଷ୍ଟି କରି ପରବର୍ତୀ ସମୟରେ ଲୋକଙ୍କ ଆଦାୟକୁ ବୃଦ୍ଧି କରି ଯଥେଷ୍ଟ ଲାଭ ହାସଲ କରିବା ପ୍ରଣାଳୀ ପ୍ରୟୋଗ କଲେ ବ୍ୟବସାୟୀ । ସାଧାରଣ ଲୋକେ କିନ୍ତୁ ସେମାନଙ୍କ ସେହି ଷଡ଼ଯାନ୍ତ୍ରୀକ ପ୍ରରୋଚନରୁ ମୁକୁଳିବା ପରିବର୍ତେ ଦିନକୁ ଦିନ ଅଧିକରୁ ଅଧିକ ଲିପ୍ତ ହେଉଥିବା ଦେଖିବାକୁ ମିଳୁଛି ଆଜି ସମୟରେ । ଟଙ୍କାର ମୂଲ୍ୟ ଏବଂ ଗଣନାଙ୍କ ମଧ୍ୟରେ ପାର୍ଥକ୍ୟ ବୁଝିବା ଏତେ ସହଜ ନୁହେଁ । ତେଣୁ କେବଳ ଗଣନାଙ୍କ ବୃଦ୍ଧି କରି ଟଙ୍କାର ମୂଲ୍ୟକୁ ହ୍ରାସଃ କରି ବ୍ୟପାରୀ ଯେଉଁ ଚାଲ ଚଳାଇଛନ୍ତି ସେଇଥିରୁ ଶିକ୍ଷିତ, ଅଶିକ୍ଷିତ, ନିର୍ବୋଧ କେହି ବାଦ ପଡି ନାହାନ୍ତି ଆଜି ସମୟରେ । ସାମାଜିକ ବ୍ୟବସ୍ଥାର ଶୀର୍ଷସ୍ଥାନିତ ମଣିଷ ଗୁଡିକୁ ବିଭିନ୍ନ ସୂତ୍ରରେ କରାୟତ କରିବାରେ ସମର୍ଥ ଚତୁର ବ୍ୟପାରୀ ଯେ ବର୍ତମାନ ସମାଜକୁ ଚଳାଉଛନ୍ତି ଏକଥା କିଛି ଲୋକ ବୁଝୁଥିଲେ ମଧ୍ୟ ସମସ୍ତେ ଜାଣନ୍ତି ନାହିଁ । ତେଣୁ ବ୍ୟବସ୍ଥା ମଧ୍ୟ ସେମାନଙ୍କ ଚତୁର ଷଡ଼ଯନ୍ତ୍ରରୁ ବହିର୍ଭୁତ ନଥାଇ ଯାହାସବୁ ସାମାଜିକ ପ୍ରଚାର ପ୍ରସାର ହେଉଛି ସେଗୁଡିକ ପ୍ରତି ସଚେତନ ହେବା ନିହାତି ଆବଶ୍ୟକ । ଅଥବା ସାଧାରଣ ଲୋକେ ଆସନ୍ତା ସମୟରେ ଅସ୍ଥିରତା ପ୍ରବଣ କ୍ରିତଦାସ ଭଳି ବଂଚିବା ଛଡା ମଣିଷ ଜୀବନର ପ୍ରାକୃତିକ ସୁଖ ପାଇବା ସମ୍ଭବ ହେବନାହିଁ ।
ଟଙ୍କାର ପ୍ରକୃତ ମୂଲ୍ୟ ହ୍ରାସଃ କରିବା ସହିତ ମଣିଷ ଜୀବନର ଅପରିହାର୍ଯ୍ୟ ତଥା ଶିକ୍ଷା, ସ୍ୱାସ୍ଥ୍ୟ ଏବଂ କୃଷି କ୍ଷେତ୍ର ଗୁଡ଼ିକରୁ ଯଥେଷ୍ଟ ଆର୍ଥିକ ଲାଭ ପାଇବାରେ ଚତୁର ବ୍ୟପାରୀଙ୍କ ହସ୍ତକ୍ଷେପ ଯେତିକି ଲୋକଙ୍କ ଭାଗିଦାରୀତା ମଧ୍ୟ ତାହାଠାରୁ ଯଥେଷ୍ଟ ଅଧିକ ସହାୟକ ହୋଇଥାଏ ସେମାନଙ୍କୁ ଲାଭ କରାଇବାରେ । ଅହେତୁକ ମାନସିକତା ସୃଷ୍ଟି କରିବା ତଥା ଲୋକଙ୍କୁ ଭୟଭୀତ କରାଇବା ଏବଂ ଅତ୍ୟଧିକ ଲାଭ କରାଇବାର ସୁଯୋଗ ସୃଷ୍ଟି କଲାଭଳି ଯୋଜନା ପ୍ରସ୍ତୁତ କରି ଲୋକଙ୍କ ଠାରୁ ଠକି ଯଥେଷ୍ଟ ଲାଭବାନ ହୋଇଥା’ନ୍ତି ବ୍ୟାପାରୀ । ଅଧିକନ୍ତୁ ଏହି କ୍ଷେତ୍ର ଗୁଡିକର ବାସ୍ତବ ଉତ୍ପାଦତା ତଥା କାର୍ଯ୍ୟ କ୍ଷମତାକୁ ସଂକୁଚିତ କରି ଅଧିକ ପ୍ରଦର୍ଶନ କରିଥା’ନ୍ତି ବ୍ୟାପାରୀ ଯାହା ଦ୍ୱାରା ସେମାନଙ୍କୁ ବିଭିନ୍ନ ଉପାୟରେ ଅଧିକ ଲାଭ ମିଳିଥାଏ । ପ୍ରତ୍ୟେକ କ୍ଷେତ୍ରରେ ଷଡ଼ଯାନ୍ତ୍ରୀକ ଯୋଜନା ମାଧ୍ୟମରେ ଲୋକଙ୍କ ଅର୍ଥକୁ ହାତେଇବାରେ ସମର୍ଥ ବ୍ୟପାରୀଙ୍କ ଷଡ଼ଯନ୍ତ୍ରକୁ ବୁଝିବା ଏତେ ସହଜ ନୁହେଁ । ଇତି ମଧ୍ୟରେ ସାଧାରଣ ଲୋକେ କେବଳ ପ୍ରଚୁର ଟଙ୍କା ଅର୍ଜନ କରିବା ଏବଂ ଯେତେ ସମ୍ଭବ କମ୍ ଖର୍ଚ୍ଚ କରି ଯଥେଷ୍ଟ ପରିମାଣରେ ସଂଚୟ କରିବା ଲକ୍ଷ ରଖି ପରୋକ୍ଷରେ ବ୍ୟପାରୀଙ୍କୁ କେମିତି ଲାଭବାନ କରିଥା\’ନ୍ତି ତାହାରି ଉପରେ ସାମ୍ୟକ ଧାରଣା ମଧ୍ୟ ନଥାଏ କାହାର । ତେଣୁ ବ୍ୟପାରୀ ବିଭିନ୍ନ ଉପାୟ ତଥା ଯୋଜନା ପ୍ରସ୍ତୁତ କରି ଆବଶ୍ୟକ ସ୍ଥଳେ ସରକାରୀ କଳର ସହଯୋଗୀତାରେ ସାଧାରଣ ଲୋକଙ୍କ ପାଖରେ ସେସବୁର ପ୍ରାଧାନ୍ୟତା ବଳବତ୍ତର ରଖି ବ୍ୟାପକ ଲୁଟି ଥା\’ନ୍ତି ସମାଜକୁ । ଲୋକଙ୍କ ନିର୍ବୋଧତା ସହିତ ସେମାନଙ୍କ ଆଡ଼ମ୍ବରପୂର୍ଣ୍ଣ ପ୍ରଚାର ପ୍ରସାରରେ ସାଧାରଣ ନିର୍ବୋଧ ବଳି ପଡ଼ିଥା\’ନ୍ତି ସେମାନଙ୍କୁ ଲାଭବାନ କରାଇବାରେ ସହାୟକ ହୋଇ । ଟଙ୍କାକୁ ଖୋଲା ବଜାରରେ ଶସ୍ତା କରିଦେଇ ଲୋକଙ୍କ ପାରିଶ୍ରମିକକୁ କେମିତି ଲୁଟିଥା\’ନ୍ତି ସେମାନେ ତାହା ଅକଳନୀୟ । ଲୋକଙ୍କୁ କିନ୍ତୁ ଟଙ୍କା ପ୍ରତି ରହିଥିବା ପ୍ରେମ ଓ ଦୁର୍ବଳତା ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଅହେତୁକ ଭାବେ । ହେଲେ କଠିନ ପରିଶ୍ରମ କରି ମୁଣ୍ଡ ଝାଳ ତୁଣ୍ଡରେ ମାରି କିଂଚିତ ଟଙ୍କା ରୋଜଗାର କରୁଥିବା ସାଧାରଣ ଶ୍ରମିକ ସ୍ତରର ଲୋକଙ୍କ ଠାରୁ ଠକି ଟଙ୍କା ଲୁଟିବାରେ କୌଣସି ଦ୍ୱିଧା ସୃଷ୍ଟି ହେବା ବଦଳରେ ଆନନ୍ଦିତ ହୋଇଥା\’ନ୍ତି ଲୁଟେରା ଯାହାଙ୍କୁ କୌଣସି ପ୍ରକାର ଆଇନ ସମ୍ମତ ନକରାଯିବା ବ୍ୟବସ୍ଥାର ଦୁର୍ବଳତା ନା କେତେକ ସ୍ୱାର୍ଥନ୍ୱେଷୀ ମଣିଷ ସମାଜର ଶୀର୍ଷ କ୍ଷେତ୍ରରେ ରହି ଏହାକୁ ଆଢୁଆଳରେ ରଖିଛନ୍ତି ବୁଝିବା କଷ୍ଟ । ହେଲେ, ତଥାପି କାହାର ଚେତା ପସୁନାହିଁ ଟଙ୍କାକୁ ବହ୍ନିବା ପାଇଁ କି ନିଜର ରୋଜଗାର ଅର୍ଥକୁ ଉପଯୁକ୍ତ ମାର୍ଗରେ ପରିଚାଳିତ କରିବା ପାଇଁ । ଏହାର ସୁଯୋଗ ନେଇ ସମାଜରେ ଯିଏ ଯାହାକୁ ଯେମିତି ଠକି ପାରିଲା ଠକି ଚାଲିଛନ୍ତି ।
କଥା ପ୍ରସଙ୍ଗରେ ଲୋକେ କୁହନ୍ତି ଟଙ୍କାର ମୂଲ୍ୟ କିଛି ନାହିଁ ତ ଆଉ କେତେବେଳେ କୁହାଯାଏ ଟଙ୍କାହିଁ ଜୀବନର ସର୍ବେସର୍ବା । ଏହି କଥାର କୌଣସି ମହତ୍ୱ ଅଛି ନା ଏହା କେବଳ ଗୋଟିଏ ଗୁଲି ଗପ ସଦୃଶ୍ୟ, ବିଚାର କରିବା । ବାସ୍ତବିକ ଟଙ୍କା ଆଜି ସମୟରେ ମଣିଷକୁ ସର୍ବଦିଗ ସୁଖ ପ୍ରଦାନ କରିପାରୁଥିବା ସର୍ବଜନ ଗ୍ରହଣୀୟ ବିଷୟ । ଟଙ୍କାକୁ ବ୍ୟବହାର କରି ମଣିଷ ମନ ମୁତାବକ ଯାହା ଯେତେବେଳେ ଇଛା କରିପାରୁଥିବା କୌଣସି ମିଥ୍ୟା କଥା ନୁହେଁ । ତେଣୁ ସମସ୍ତଙ୍କ ମନରେ ଟଙ୍କାର ମାନ୍ୟତା ସର୍ବାଗ୍ରେ ରହିଥିବା ଏକ ସାମାଜିକ ମାନ୍ୟତା । କହିବାକୁ ଗଲେ ଟଙ୍କା ଦ୍ୱାରା ଶିକ୍ଷା, ସ୍ୱାସ୍ଥ୍ୟ, ଖାଦ୍ୟ, ବସ୍ତ୍ର, ବାସଗୃହ ଇତ୍ୟାଦି କ’ଣ କିଛି କିଣି ହେଉନାହିଁ ?!! ସଂସାରର ସବୁ ଜିନିଷ ନିମିଷକ ମଧ୍ୟରେ କିଣି ହୁଏ ଟଙ୍କା ମାଧ୍ୟମରେ । ତେଣୁ ଟଙ୍କାର ମାନ୍ୟତା ସାମାଜିକ ସ୍ତରରେ ସର୍ବାଗ୍ରେ ରହିଥବା ଅନୁଭବ ହେଉଛି ସମସ୍ତଙ୍କ । (କ୍ରମଶଃ)
