ଅଚାନକ ମେଡିକାଲ ପରିଦର୍ଶନ କଲେ ବିଧାୟକ

ହାଟଡିହି : କେନ୍ଦୁଝର ଜିଲ୍ଲା ଆନନ୍ଦପୁର ବିଧାନସଭା କ୍ଷେତ୍ରର ବିଧାୟକ ଅଭିମନ୍ୟୁ ସେଠି ରବିବାର ଅଚାନକ ଭାବେ ହାଟଡିହି ବ୍ଲକ ଶାଳନିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିଦର୍ଶନ କରିଛନ୍ତି l ରୋଗୀ ମାନଙ୍କୁ ସ୍ୱାସ୍ଥ୍ୟ ସେବା କିପରି ଦିଆଯାଉଛି ସେ ବିଷୟରେ ପଚାରି ବୁଝିବା ସହ ଉପଯୁକ୍ତ ଚିକିତ୍ସା ସେବା ସଦା ସର୍ବଦା ଯୋଗାଇ ଦେବାକୁ କର୍ମଚାରୀଙ୍କୁ କହିଥିଲେ l କେତେକ ରୋଗୀଙ୍କୁ ସ୍ୱାସ୍ଥ୍ୟ ସେବା ବିଷୟରେ ପଚାରି ସେମାନଙ୍କ ମତାମତ ସଂଗ୍ରହ କରିଥିଲେ l ସ୍ୱାସ୍ଥ୍ୟ କେନ୍ଦ୍ରର ବିଭିନ୍ନ ବିଭାଗ, ରୋଗୀଙ୍କ ୱାର୍ଡ, ଷ୍ଟାଫ କ୍ଵାଟର ସ୍ଥିତି ବୁଲି ଦେଖିଥିଲେ l ବହୁ ସମୟରେ ରୋଗୀ ସେବାରେ ବିଭ୍ରାଟ ଉପୁଜୁଥିବା ଅଭିଯୋଗ ହେଉଥିବାରୁ ଏଥିପ୍ରତି ଯତ୍ନବାନ ହେବାକୁ ପରାମର୍ଶ ଦେଇଥିଲେ l ଏଥିସହ ସ୍ୱାସ୍ଥ୍ୟ କେନ୍ଦ୍ରରେ ବିଭିନ୍ନ ସମସ୍ୟା ଉପରେ ଅନୁଧ୍ୟାନ କରିବା ସହ ଏହାର ସମାଧାନ ପାଇଁ ପଦକ୍ଷେପ ନିଆଯିବ ବୋଲି କହିଥିଲେ l ପରିଦର୍ଶନ ସମୟରେ ସ୍ଥାନୀୟ ଲୋକ ମାନେ ଉପସ୍ଥିତ ରହି ବିଭିନ୍ନ ସମସ୍ୟା ଦର୍ଶାଇ ଏହାର ସମାଧାନ ପାଇଁ ଦାବୀ ମଧ୍ୟ ଜଣାଇଥିଲେ l