ଓଏସ୍ଏଲ୍ ଗ୍ରୁପ୍ ପ୍ରତିଷ୍ଠାତା ମହିମାନନ୍ଦ ମିଶ୍ରଙ୍କୁ ‘ଲାଇଫ୍ ଟାଇମ୍ ଆଚିଭମେଣ୍ଟ ଆୱାର୍ଡ’
ଭୁବନେଶ୍ୱର : ଚତୁର୍ଥ ସମ୍ମାନଜନକ ଟାଇମ୍ସ ବିଜନେସ୍ ଆୱାର୍ଡ ଓଡ଼ିଶା-୨୦୨୩ ପ୍ରଦାନ ଅବସରରେ ଓଡ଼ିଶା ଷ୍ଟିଭେଡର୍ସ ଲିମିଟେଡ୍ (ଓଏସ୍ଏଲ୍)ର ପ୍ରତିଷ୍ଠାତା ଶ୍ରୀ ମହିମାନନ୍ଦ (ମହିମା) ମିଶ୍ରଙ୍କୁ ପୂର୍ବ ଭାରତରେ ଜାହାଜ ଚଳାଚଳ ଓ ଲଜିଷ୍ଟିକ୍ କ୍ଷେତ୍ରକୁ ନୂଆ ରୂପ ଦେବା ପାଇଁ ସମ୍ମାନଜନକ ‘ଲାଇଫ୍ ଟାଇମ୍ ଆଚିଭମେଣ୍ଟ୍ ଆୱାର୍ଡ’ ପ୍ରଦାନ କରାଯାଇଛି ।
ସ୍ଥାନୀୟ ମେଫେୟାର ହୋଟେଲର ସେଣ୍ଟ୍ରାଲ ହଲରେ ଟାଇମ୍ସ ଗ୍ରୁପ୍ ପକ୍ଷରୁ ଆୟୋଜିତ ଏକ ଭବ୍ୟ କାର୍ଯ୍ୟକ୍ରମରେ ଓଏସ୍ଏଲ୍ ଗ୍ରୁପ୍ ପ୍ରତିଷ୍ଠାତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି ।
ସୂଚନାଯୋଗ୍ୟ ଯେ ଏକ ପ୍ରସିଦ୍ଧ ଗବେଷଣା ସଂସ୍ଥାର ନିଷ୍ପତ୍ତି ଆଧାରରେ ନିଜସ୍ୱ କ୍ଷେତ୍ର ଓ ସମାଜ ପାଇଁ ଉଲ୍ଲେଖନୀୟ ଅବଦାନ ରଖିଥିବା ବ୍ୟବସାୟିକ ସଂସ୍ଥା ଓ ପ୍ରତିଷ୍ଠିତ ବ୍ୟବସାୟିକ ମୁଖ୍ୟଙ୍କୁ ସମ୍ମାନିତ କରିବା ପାଇଁ ଟାଇମ୍ସ ଗ୍ରୁପ୍ ଏଭଳି ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରିଥାଏ ।
