ଜେଲରୁ ଫେରି ଅପରାଧୀ ପୁଣି କରିଲେ ସଙ୍ଗୀନ ଅପରାଧ
ଖୋର୍ଦ୍ଧା : ୨୧/୦୨/୨୦୨୧ : ବିଭିନ୍ନ ଅପରାଧିକ ମାମଲାରେ ଗିରଫ ହୋଇ ଖୋର୍ଦ୍ଧା ସବ-ଜେଲରେ ସଜ୍ଜା କାଟି ନିକଟରେ ଜେଲରୁ ଫେରିଥିବା ଅପରାଧୀ ମାନେ ପୁଣି ଘଟାଇଛନ୍ତି ସଙ୍ଗୀନ ଅପରାଧ ।ଘଟଣା ଘଟିଛି, ଖୋର୍ଦ୍ଧା ସଦର ଥାନା ଅନ୍ତର୍ଗତ ଧଉଳିମୁଁହ ଓ ଜଙ୍କିଆ ଥାନା ଅନ୍ତର୍ଗତ ମଳିପଡ଼ା ଗ୍ରାମାଞ୍ଚଳରେ ।
ପୂର୍ବରୁ ବିଭିନ୍ନ ଡକାୟତି ଘଟଣା, ରାହାଜାନି, ହତ୍ୟା ଉଦ୍ୟମ ଭଳି ସାଙ୍ଘାତିକ ଅପରାଧିକ ଘଟଣାରେ ସଦର ପୋଲିସ ଓ ଜଙ୍କିଆ ପୋଲିସର ମିଳିତ ଚଢ଼ାଉ ଦ୍ୱାରା ଗିରଫ ହେଲେ ଚାରି ଡକାୟତ ଓ ଜବତ ହେଲା ଚାରଟି ବାଇକ ସହିତ ପାଞ୍ଚଟି ମୋବାଇଲ, କଟୁରି ଓ ଖଣ୍ଡା ଭଳି ମାରଣାସ୍ତ୍ର, ଆଠଟି ଜୀବନ୍ତ ବୋମା, ଦୁଇ ପ୍ୟାକେଟ ଲଙ୍କା ଗୁଣ୍ଡ ଓ ତା ସହିତ ନଗଦ ୨୧ ହଜାର ୩୫୦ଟଙ୍କା ।
ଗିରଫ ଡ଼କାୟତ ମାନେ ହେଲେ ଖୋର୍ଦ୍ଧା ସଦର ଥାନା ଅନ୍ତର୍ଗତ ଦେଉଳିଟାଙ୍ଗି ର ସୁନିଲ କୁମାର ପ୍ରଧାନ ଓରଫ ସୂର୍ଯ୍ୟ ହାତଖଣ୍ଡି , ଦ୍ୱିତୀୟ ଅଭିଯୁକ୍ତ ଜଟଣୀ ଥାନା ଅନ୍ତର୍ଗତ ଅରଗୁଳ ଗ୍ରାମର ଆଦିତ୍ୟ ସାହୁ ଓରଫ ପପୁ, ତୃତୀୟରେ ସୁଭେନ୍ଦୁ ସାମନ୍ତରାୟ ଓରଫ ପିଙ୍କୁ ର ଘର ସଦର ଥାନା ଅଞ୍ଚଳର ଦଳେଇପୁଟ ଓ ବାରଘରପାଟଣା ର ଶିବ ସୁନ୍ଦର ଦାଶ ଓରଫ ଶିବ ।
ଗିରଫ ଡକାୟତ ମାନଙ୍କ ନାମରେ ପୂର୍ବରୁ ଜଙ୍କିଆ ଓ ଖୋର୍ଦ୍ଧା ଥାନାରେ ଏକାଧିକ ମାମଲା ଥିବା ତଦନ୍ତ ରୁ ଜଣାପଡିଛି। ଅଭିଯୁକ୍ତ ମାନେ ଜେଲରୁ ମୁକୁଳିବା ପରେ ଚଳିତ ମାସ ୧୬ ତାରିଖରେ ମଳିପଡ଼ା ଅଞ୍ଚଳର ରସାନନ୍ଦ କଳସଙ୍କ ଘରେ ଜୋର ଜବରଦସ୍ତ ପଶି ବନ୍ଧୁକ ମୁନରେ ଲକ୍ଷାଧିକ ଟଙ୍କା ସହିତ ଦୁଇଟି ମୋଟର ସାଇକେଲ ଲୁଟି ନେଇଥିବା ବେଳେ ଗତ ଉଣେଇଶ ତାରିଖ ଦିନ ଚାରିଟା ସମୟରେ ଜଗନ୍ନାଥପୁର ର ସନ୍ତୋଷ କୁମାର ସାହୁଙ୍କୁ ନରଣଗଡ ବ୍ୟାଙ୍କରୁ ଫେରୁଥିବା ବେଳେ ସ୍ପଷ୍ଟ ଦିବାଲୋକରେ ପୁଣି ଜନ ଗହଳି ପୂର୍ଣ ଜାଗାରେ ଭଙ୍ଗା କାଚ ବୋତଲରେ ମରଣାନ୍ତକ ଆକ୍ରମଣ ସହିତ ବୋମାମାଡ କରି ଉପସ୍ଥିତ ଲୋକଙ୍କୁ ଭୟଭୀତ କରିଥିବା ଅଭିଯୋଗ ହୋଇଥିଲା ।
ଅଭିଯୋଗକୁ ଭିତ୍ତି କରି ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ଗିରଫ ଡକାୟତ ମାନେ ଧଉଳିମୁଁହ ରେଲୱେ କ୍ରସିଂ ପାଖରେ ଥିବା ନିକାଞ୍ଚନ ସ୍ଥାନରେ ବସି ଡକାୟତି କରିବା ନେଇ ଯୋଜନା କରୁଥିବା ଖବର ପାଇ ଖୋର୍ଦ୍ଧା ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ସମସ୍ତ ଡକାୟତଙ୍କୁ ଗିରଫ କରିଥିବା ସହିତ ଏମାନଙ୍କ ନାମରେ ମାମଲା ରୁଜ୍ଜୁ କରି ସମସ୍ତଙ୍କୁ ବିଚାର ବିଭାଗୀୟ ଅଦାଲତକୁ ପଠାଯିବା ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଖୋର୍ଦ୍ଧା ଜିଲ୍ଲା ଆରକ୍ଷୀ ଅଧୀକ୍ଷକ ଶ୍ରୀ ରାଜ କିଶୋର ଦୋରା।
