ସୁରକ୍ଷା ଦାବୀରେ ଏସ୍.ପି ଙ୍କ ନିକଟରେ ସାଉଣ୍ଡ ଓ ଲାଇଟ ମାଲିକ ସଂଘର ସଭାପତି ଓ ସଦସ୍ୟ
ଖୋର୍ଦ୍ଧା : ୨୫/୦୨/୨୦୨୧ : ଗତ ଏକୋଇଶି ତାରିଖ ରାତିରେ ଖୋର୍ଦ୍ଧା ସଦର ଥାନା ତୋଟାପଡ଼ା ଠାରେ ଡିଜେ ଭ୍ୟାନ ପୋଡି ଘଟଣାରେ କାର୍ଯ୍ୟାନୁଷ୍ଠାନ ସହିତ ସୁରକ୍ଷା ଦାବି କରି ଅ।ଜି ଅଲ୍ ଓଡ଼ିଶା ଡିଜେ ଲାଇଟ୍ ଅ।ଣ୍ଡ ସାଉଣ୍ଡ ମାଲିକ ସଂଘ ପକ୍ଷରୁ ସଭାପତି ବିଶ୍ୱରଞ୍ଜନ ସାମନ୍ତରାୟ ଙ୍କ ସହିତ କୋଡିଏ ଜଣ ସଦସ୍ୟ ଆଜି ଜିଲ୍ଲା ଅ।ରକ୍ଷୀ ଅଧିକ୍ଷକଙ୍କ ସହ ସାକ୍ଷାତ କରି ଲିଖିତ ଅଭିଯୋଗ କରିଛନ୍ତି ।
ସୂଚନା ମୁତାବକ ଗତ ରବିବାର ଏକୋଇଶ ତାରିଖ ରାତିରେ ପୁରୀ ଜିଲ୍ଲା ଡେଲାଙ୍ଗ ସ୍ୱାତ୍ତ୍ୱିକପୁର ଅଞ୍ଚଳର ସୁନିଲ କୁମାର ରଥଙ୍କ ଡିଜେ ଗାଡି ଖୋର୍ଦ୍ଦା ଧଉଳିମୁହଁ ପଞ୍ଚାୟତ ବାରଘରପାଟଣା ଗ୍ରାମକୁ ବରଯାତ୍ରୀ ଶୋଭାଯାତ୍ରାରେ ଅ।ସିଥିଲା । ସେଠାରେ ବରଯାତ୍ରୀ ରେ ଆସିଥିବା ମୋଟରି ଗ୍ରାମର କିଛି ଅସାମାଜିକ ଯୁବକଙ୍କ ସହିତ ଗୀତ ପରିବେଷଣ କୁ ନେଇ ବଚସା ହୋଇଥିଲା । କିନ୍ତୁ ସେଠାରେ ଉପସ୍ଥିତ ଥିବା ଅନ୍ୟ ବରଯାତ୍ରୀଙ୍କ ମଧ୍ୟସ୍ଥତାରେ ମାମଲା ଶାନ୍ତ ପଡିଥିଲା । ହେଲେ ପ୍ରାୟ ରାତି ଗୋଟାଏ ସମୟରେ ମୋଟରି ଗ୍ରାମର ବାପୁନି ଜେନା ସହିତ କିଛି ଅସାମାଜିକ ବ୍ୟକ୍ତି ଦୁଇଟି କାର ରେ ପିଛାକରି ସୁନିଲଙ୍କ ଡିଜେଗାଡି କୁ ଦଳେଇପୁଟ ନିକଟରେ ଅଟକାଇ ଗାଡ଼ିରେ ଥିବା କର୍ମଚାରୀଙ୍କୁ ମରଣାନ୍ତକ ଆକ୍ରମଣ କରିଥିଲେ ଯାହାଦ୍ୱାରା ଡିଜେ ଗାଡ଼ି କର୍ମଚାରୀ ମାନେ ପ୍ରାଣ ବିକଳରେ ନିକଟରେ ସଦର ଥାନା ପରିସର ଭିତରକୁ ନିଜ ଜୀବନ ବଞ୍ଚାଇବା ପାଇଁ ପଶି ଯିବାରୁ ଅନ୍ୟ ଉପାୟ ନପାଇ ବାପୁନି ଓ ତାର ସହଯୋଗୀ ଘଟଣା ସ୍ଥଳରୁ ଡିଜେ ଗାଡିକୁ ନିଜେ ଚଳାଇ ନେବା ସହିତ ତୋଟାପଡ଼ାଛକ ନିକଟସ୍ଥ ଇସ୍କନ ମନ୍ଦିର ପାଖରେ ଗାଡ଼ିରେ ନିଆଁ ଲଗାଇଥିଲେ । ଖବର ପାଇ ଅଗ୍ନିଶମ ବିଭାଗ ନିଆଁକୁ ଆୟତ କରିଥିଲେ ମଧ୍ୟ ଗାଡ଼ିଟି ସମ୍ପୁର୍ଣ୍ଣ ଜଳି ଯାଇଥିଲା । ଯାହା ଫଳରେ ଉକ୍ତ ଗାଡ଼ି ସହିତ ସେଥିରେ ଥିବା ପ୍ରାୟ ପନ୍ଦର ଲକ୍ଷ ଟଙ୍କାର ସାଉଣ୍ଡ ସରଞ୍ଜାମ ଜଳି ପୋଡ଼ି ଛାରଖାର ହୋଇ ଯାଇଥିଲା ।
ଏହି ଘଟଣାରେ ସଦର ଥାନାରେ ଡିଜେ ମାଲିକ ସୁନିଲଙ୍କ ଲିଖିତ ଅଭିଯୋଗ ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନହେବାରୁ ଆଜି ଅଲ ଓଡିଶା ଲାଇଟ ଓ ସାଉଣ୍ଡ ମାଲିକ ସଂଘ ଏସ୍ପିଙ୍କ ନିକଟରେ ଅଭିଯୁକ୍ତ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅଭିଯୋଗ କରିବା ସହିତ ଭବିଷ୍ୟତରେ ଡିଜେ ଗାଡି ଓ ନିଜର କର୍ମଚାରୀଙ୍କ ସୁରକ୍ଷା ଦାବି କରିଛି ।
ଏ ପଟେ ସୁନୀଲଙ୍କ ଅଭିଯୋଗ କ୍ରମେ ପପୁନି ସମେତ ଅନ୍ୟ ଅଭିଯୁକ୍ତ ମାନଙ୍କ ନାମରେ ଏକ ମାମଲା (୫୨୨୧) ରୁଜ୍ଜୁ କରାଯାଇ ତଦନ୍ତ ଚାଲିଥିବା ସଦର ଥାନା ଅଧିକାରୀ ଅନୀତା ସାହୁ ପ୍ରକାଶ କରିଛନ୍ତି ।
