ଖୋର୍ଦ୍ଧା ଜିଲ୍ଲା ବିଜେପି ପକ୍ଷରୁ ସାଙ୍ଗଠନିକ କାର୍ଯ୍ୟକ୍ରମ ଓ ବନ୍ଧୁମିଳନ ଉତ୍ସବ ଅନୁଷ୍ଠିତ

ଖୋର୍ଦ୍ଧା : ୨୦/୦୧/୨୦୨୧ : ଖୋର୍ଦ୍ଧା ଜିଲ୍ଲା ଭାରତୀୟ ଜନତା ପାର୍ଟି ପକ୍ଷରୁ ନୂତନ ବର୍ଷ ଅବସରରେ ଏକ ବନ୍ଧୁ ମିଳନ କାର୍ଯ୍ୟକ୍ରମ ସହିତ ସାଙ୍ଗଠନିକ ବୈଠକ ସ୍ଥାନୀୟ ବରୁଣେଇ ପୀଠ ପରିସରରେ ଅନୁଷ୍ଠିତ ହୋଇଯାଇଛି ।
ଜିଲ୍ଲା ସଭାପତି ଶ୍ରୀ ରଶ୍ମିରଞ୍ଜନ ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଭୁବନେଶ୍ୱର ସାଂସଦ ଶ୍ରୀମତୀ ଅପରିଜିତା ଷଡ଼ଙ୍ଗୀ, ସମ୍ମାନୀତ ଅତିଥିଭାବେ ରାଜ୍ୟ ଉପ ସଭାପତି ତଥା ଜିଲ୍ଲା ପ୍ରଭାରୀ ଶ୍ରୀଯୁକ୍ତ ଭୃଗୁ ବକ୍ସିପାତ୍ର ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅନୁ ଚୌଧୁରୀ ପ୍ରମୁଖ ଯୋଗ ଦେଇଥିଲେ ।
ଏହି ବୈଠକରେ ବରିଷ୍ଠ ବିଜେପି ନେତା ସୁଦୀପ୍ତ ରାୟ, ଅଜୟ ମିଶ୍ର, ବେଗୁନିଆ-ବୋଲଗଡ ବିଧାୟକ ପ୍ରାର୍ଥୀ ଋଷଭ ନନ୍ଦ, ଜଟଣୀ ଵିଧ୍ୟାୟକ ପ୍ରାର୍ଥୀ ତଥା ରାଜ୍ୟସ୍ତରୀୟ ଯୁବ ସଂଗଠକ ବିଶ୍ୱରଞ୍ଜନ ବଡ଼ଜେନା, ପୂର୍ବତନ ଜିଲା ସଭାପତି ନିକୁଞ୍ଜ କିଶୋର ପଟ୍ଟନାୟକ, ଖୋର୍ଦ୍ଧା ବିଧାୟକ ପ୍ରାର୍ଥୀ କାଳୁଚରଣ ଖଣ୍ଡେଇତ ରାୟ , ଜିଲ୍ଲା ବିଜେପି ମହିଳା ମୋର୍ଚ୍ଚା ସଭାନେତ୍ରୀ ପ୍ରବୀଣା ପ୍ରିୟଦର୍ଶିନୀ ଭଞ୍ଜଦେଓ, ଜିଲ୍ଲା ମହିଳା ମୋର୍ଚ୍ଚା ର ଉପ-ସଭାନେତ୍ରୀ ରୋଜିନା ରାଣୀ ଦାଶ, ସାଂସଦ ପ୍ରତିନିଧି ଅବନିକାନ୍ତ ଜେନା ପ୍ରମୁଖ ଯୋଗଦେଇଥିଲେ ।

ସାଂସଦ ଅପରିଜିତା ଷଡ଼ଙ୍ଗୀ ନିଜ ଅଭିଭାଷଣରେ ଉପସ୍ଥିତ କର୍ମୀମାନଙ୍କୁ ସଙ୍ଗଠନ କୁ ସୁଦୃଢ କରିବା ସହିତ ଏକଜୁଟ ହୋଇ ଆସନ୍ତା ନିର୍ବାଚନରେ ସଂଖ୍ୟା ଗରିଷ୍ଠତା ହାସଲ କରି ସମସ୍ତ ପୌରପରିଷଦ ଓ ପଞ୍ଚାୟତ ଦାଖଲ ପାଇଁ ଆହ୍ୱାନ ଦେବା ସହିତ ସଙ୍ଗଠନ ର ମୂଳ ଲକ୍ଷ୍ୟ ସରକାର ଗଠନ କରିବା ଲକ୍ଷ୍ୟ ନେଇ କାର୍ଯ୍ୟ କରିବା ପାଇଁ ନିଜ ଅଭିଭାଷଣ ରେ ପରାମର୍ଶ ଦେଇଥିଲେ ଓ ତା ସହିତ ଅଯୋଧ୍ୟା ରେ ନିର୍ମାଣଧୀନ ଭବ୍ୟ ରାମ ମନ୍ଦିରର ନିର୍ମାଣ କାର୍ଯ୍ୟ ରେ ସହାୟତା ଯୋଗାଇଦେବା ନିମନ୍ତେ ରାଜ୍ୟବ୍ୟାପୀ ନିଧି ସଂଗ୍ରହ ଉଦେଶ୍ୟ ରେ ବିଶ୍ଵ ହିନ୍ଦୁ ପରିଷଦ ପକ୍ଷରୁ ପ୍ରସ୍ତୁତ ନିଧିରଥ କୁ ପତ୍ୟେକ ଘରକୁ ପହଞ୍ଚାଇବା ସହିତ ଅର୍ଥରାଶି ସଂଗ୍ରହ କରିବାରେ ସାହାଯ୍ୟ କରିବାକୁ ଅନୁରୋଧ କରିଥିଲେ ।

ଏହି ବୈଠକରେ ଜିଲ୍ଲାର ବିଭିନ୍ନ ମଣ୍ଡଳ ପ୍ରଭାରୀ ଓ ମଣ୍ଡଳ ସଭାପତିଙ୍କ ସମେତ ଜିଲ୍ଲାର ବହୁ କର୍ମୀମାନେ ଯୋଗ ଦେଇଥିଲେ ।