ଜିନ୍ଦଲ ଷ୍ଟିଲ ଆଣ୍ଡ ପାୱାର କମ୍ପାନୀର ଜେଏସପି ଫାଉଣ୍ଡେସନ ଦ୍ୱାରା ଦେଓଝର୍ ଠାରେ ନୂତନ ଦେବାଳୟ ଶିବ ମନ୍ଦିର ପାଇଁ ଭୂମି ପୂଜନ ଓ ଭିତ୍ତିପ୍ରସ୍ତର ସ୍ଥାପନ

ଖର୍ଚ୍ଚ ହେବ ୧୦ କୋଟି

କେନ୍ଦୁଝର : ଦେଓଝର ଠାରେ ଜିନ୍ଦଲ ଷ୍ଟିଲ ଆଣ୍ଡ ପାୱାର ର ସୋସିଆଲ ୱିଂ, ଜେଏସପି ଫାଉଣ୍ଡେସନ ପକ୍ଷରୁ ନୂତନ ଦେବାଳୟ, ବା ଶିବ ମନ୍ଦିର ନିର୍ମାଣ ହେବାକୁ ଯାଉଛି । ଏଥି ନିମନ୍ତେ ନୀତି କାନ୍ତି ଅନୁଯାୟୀ ଶୁକ୍ରବାର ଭୂମି ପୂଜନ ଓ ଭିତ୍ତିପ୍ରସ୍ତର ସ୍ଥାପନ ସମ୍ପନ୍ନ ହୋଇଯାଇଛି । ଏହି ଶିବ ମନ୍ଦିର ନିର୍ମାଣ ୨୪ ମାସ ମଧ୍ୟରେ ସମ୍ପୂର୍ଣ୍ଣ କରିବାକୁ ଲକ୍ଷ୍ୟ ରଖା ଯାଇଛି । ମନ୍ଦିରଟି ସଂପୂର୍ଣ୍ଣ ଭାବରେ ପଥରରେ ନିର୍ମାଣ ହେବାକୁ ଥିଲାବେଳେ, ଉଚ୍ଚତା ୬୦ ଫୁଟ ରହିବ ।

ଏଥିପାଇଁ ୧୦ କୋଟିରୁ ଉର୍ଦ୍ଧ୍ବ ଟଙ୍କା ଖର୍ଚ୍ଚ କରାଯିବ । ଏହି ଅବସରରେ ଆୟୋଜିତ ଏକ ସଭାକୁ ଜେଏସପି ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲ ଏବଂ ଜେଏସପି ଫାଉଣ୍ଡେସନର ଚେୟାରପର୍ସନ ଶ୍ରୀମତୀ ସାଲୁ ଜିନ୍ଦଲ ଭର୍ଚୁଆଲ ମାଧ୍ୟମରେ ସମ୍ବୋଧନ କରିଥିଲେ । ଏହି ଅବସରରେ ପଦ୍ମଶ୍ରୀ ତୁଳସୀ ମୁଣ୍ଡା ଅତିଥିଭାବେ ଯୋଗଦେଇଥିଲା ବେଳେ ସ୍ଥାନୀୟ ଗ୍ରାମବାସୀଙ୍କ ସହ ଜେଏସପିର ବରିଷ୍ଠ ଅଧିକାରୀ ଓ କର୍ମଚାରୀଗଣ ଉପସ୍ଥିତ ରହିଥିଲେ ।