ଆଧୁନିକ ପରମ୍ପରା ମଧ୍ୟରେ ଆଜି ମଧ୍ୟ ବଞ୍ଚିଛି କୁଆଁରୀ କନ୍ୟା ମାନଙ୍କ ଜହ୍ନି ଓଷା ବ୍ରତ

ଗଜପତି : (ପ୍ରବାହ ନିୟୁଜ୍) ବର୍ତ୍ତମାନ ର ଆଧୁନିକ ଯୁଗ ରେ ଆଜି ଭି କୁମାରୀ ଝିଅ ମାନେ ନିଜ ଓ ନିଜ ପରିବାରର କଲ୍ୟାଣ ପାଇଁ ବିଭିନ୍ନ ପ୍ରକାରର ଓଷା ଓ ପୂଜା ପାଳନ କରିଥାନ୍ତି । ସେଥିମଧ୍ୟରୁ କୁମାରୀ ଝିଅ ମାନଙ୍କ ଏକ ପ୍ରମୁଖ ବ୍ରତ ହେଉଛି ଜହ୍ନି ଓଷା । ଗଜପତି ଜିଲ୍ଲାର ପାରଳାଖେମୁଣ୍ଡି ଓ ବିଭିନ୍ନ ଗାଁ ଗହଳି ଅଞ୍ଚଲରେ ଆଜି ଭି ଏହି ବ୍ରତ ନିଷ୍ଠାର ସହ ପାଳନ କରାଯାଏ । ବିଶ୍ୱାସ ରହିଛି ଏହି ବ୍ରତ ପାଳନ କଲେ କୁମାରୀ ଝିଅ ମାନଙ୍କ ମନସ୍କାମନା ପୁରଣ ହେବା ସହ ନିଜ ପରିବାରର ଶୁଭ ହୋଇଥାଏ। ହିନ୍ଦୁ ଧର୍ମ ଅନୁସାରେ ଏହି ବ୍ରତ କୁମାରୀ ଝିଅମାନେ ନିଷ୍ଠାର ସହ ପାଳନ କଲେ କୁମାରୀ ଝିଅଙ୍କ ରହିଥିବା ବିଭିନ୍ନ ରୋଗ ଭଲ ହେବ ସହ ପରିବାରର ମଙ୍ଗଳ ହେବ ବିଶ୍ୱାସ ରହିଛି ।

ଆଶ୍ୱିନ ମାସ ପୂର୍ଣ୍ଣିମା ଠାରୁ ଭାଦ୍ରବ ମାସ ପୂର୍ଣ୍ଣିମା (କୁମାର ପୂର୍ଣ୍ମମା ) ଯାଏ ଏହି ଓଷା ଦୀର୍ଘ ୧ ମାସ ଧରି କୁମାରୀ ଝିଅ ମାନେ ନିଷ୍ଠାର ସହ ପାଳନ କରିଥାନ୍ତି। ଆଞ୍ଚଳିକ ଭାଷାରେ ମାଟିରେ ଏକ ଚଉରା ନିର୍ମାଣ କରି ସେଥିରେ ମା ବୃନ୍ଦାବତୀଙ୍କ ମାସ ଧରି ପ୍ରତିଦିନ ସକାଳ ଓ ସାନ୍ଧ୍ୟରେ ପୂଜା କରାଯାଏ । ଏହି ବ୍ରତ ପାଳନ ସମୟରେ କୁମାରୀ ଝିଅ ମାଟିରେ ନିର୍ମାଣ ହୋଇଥିବା ଚଉରାକୁ ସନ୍ଧ୍ୟା ସମୟରେ ରଙ୍ଗମାଟିରେ ଲିପା ପୋଛା କରି ସେଠାରେ ୫ ବର୍ଣ୍ଣ ରଙ୍ଗର ମୁରୁଜରେ ଝୋଟି ଦେଇ ଜହ୍ନି ଓଷା ପାଳନ ବିଧଙ୍କୁ ବିଭିନ୍ନ ପ୍ରକାରର ଗୀତ ମାଧ୍ୟମରେ ଗାଇଥାନ୍ତି।

ଏହି ବ୍ରତ ପାଳନ କରିବା ସମୟରେ ବ୍ରତ ଧାରୀ ମାନେ ଆମିଷ ଓ ଜହ୍ନି ଖାଇବା ନିଷେଧ ଓ ମା ବୃନ୍ଦାବତୀଙ୍କ ଏହି ସମୟର ପ୍ରିୟ ଫୁଲ ଜହ୍ନି ଫୁଲ ପୂଜା କରାଯାଏ। କୁମାର ପୂର୍ଣ୍ଣିମା ଅର୍ଥାତ ବ୍ରତ ପାଳନର ଶେଷ ଦିନରେ କୁମାରୀ ଝିଅ ମାନେ ବିଭିନ୍ନ ପ୍ରକାରର ଓଡ଼ିଆ ପୀଠ ତିଆରି କରି ବ୍ରତ ସମାପ୍ତ କରିବା ସହ ମା ବୃନ୍ଦାବତୀଙ୍କୁ ଜଳାଶୟରେ ବିସର୍ଜନ କରୁଥିବା କହିଛନ୍ତି ବ୍ରତ ଧାରୀ । ୧୩ ବର୍ଷରୁ ୧୫ ବର୍ଷ ର କୁମାରୀ କନ୍ୟା ମାନେ ଚନ୍ଦ୍ରଙ୍କୂ ପୂଜା କରିବା ଦ୍ୱାରା ମନ ବଞ୍ଚିତ ବର ପାଇଥାନ୍ତି । ଏହି ପୂଜା ମା ପାର୍ବତୀ ଯାହାର ଅନ୍ୟ ନାମ ଗୋରୀ ଏହି ବ୍ରତ ପାଳନ କରି ମହାଦେବ ଶିବଙ୍କୁ ପାଇ ଥିଲେ । ଏହି ବ୍ରତର ଅନ୍ୟ ନାମ ଗୌରୀ ପୂର୍ଣ୍ଣିମା ବୋଲି ମଧ୍ୟ ବୋଲି କହିଛି ପଣ୍ଡିତ ଜଗନ୍ନାଥ ରଥ ।