ଷ୍ଟେଟ ବ୍ଯାଙ୍କ ଦ୍ଵାରା ଆନ୍ତର୍ଜାତିକ ମହିଳା ଦିବସ ପାଳିତ

ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳ ଦ୍ଵାରା ଆନ୍ତର୍ଜାତିକ ମହିଳା ଦିବସ 2023 ପାଳିତ ହୋଇଯାଇଛି । ଏହି ଉପଲକ୍ଷେ ସ୍ଥାନୀୟ ପ୍ରଧାନ କାର୍ଯ୍ଯାଳୟ ଠାରେ ତା 7  ମାର୍ଚ 2023 ଦିନ ମଣ୍ଡଳର ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦର ଶେଖର ଶର୍ମା , ନେଟୱର୍କ 1 ମହାପ୍ରବନ୍ଧକ ଶ୍ରୀ ପି ମୁରୂଗନ , ନେଟୱର୍କ 2 ମହାପ୍ରବନ୍ଧକ ଶ୍ରୀ ଉତ୍ତମ କୁମାର ହାଜରା ଚୌଧୁରୀ ଏବଂ ଅନ୍ୟ ଷ୍ଟାଫ୍ ସଦସ୍ୟଙ୍କ ଉପସ୍ଥିତିରେ ଏକ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା । ଷ୍ଟେଟ ବ୍ଯାଙ୍କ ମହିଳା ଷ୍ଟାଫ୍ ମାନଙ୍କ ମଧ୍ୟରେ ତା 1 ରୁ 7 ମାର୍ଚ ମଧ୍ୟରେ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା । ଏହି ଅବସରରେ , ଷ୍ଟେଟ ବ୍ଯାଙ୍କ ପକ୍ଷରୁ ଓଡିଶାର ବିଭିନ୍ନ ସ୍ଥାନରୁ ଆସିଥିବା 4 ଗୋଟି ସଫଳ ସ୍ଵୟଂ ସହାୟିକା ଗୋଷ୍ଠୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ସେହି ଦିନ ପୂର୍ବାହ୍ନରେ ଭୁବନେଶ୍ଵର ର ଯାଁଳା ସ୍ଥିତ ମିଶନ ଆଶ୍ରା ଠାରେ ମାନସିକ ଅସୁସ୍ଥ ଓ ନିରାଶ୍ରିତ 221 ମହିଳାଙ୍କୁ ଆବଶ୍ୟକୀୟ ସାମଗ୍ରୀ ଯଥା ଶାଢୀ , ଚପଲ , ଚାଦର , ମସିଣା ଓ ଖାଦ୍ୟ ସାମଗ୍ରୀ ଷ୍ଟେଟ ବ୍ଯାଙ୍କ ମଣ୍ଡଳ ବିକାଶ ଅଧିକାରୀ ଶ୍ରୀ ମନୋଜ କୁମାର ସିଂହଙ୍କ ଦ୍ଵାରା ବଣ୍ଟନ କରାଯାଇଥିଲା ।