କେଶୁରା ଛକରେ ନୂତନ ଶାଖା କାର୍ଯ୍ୟାଳୟ ଉଦ୍ଘାଟନ
ଭୁବନେଶ୍ୱର (ପ୍ରବାହ ନ୍ୟୁଜ୍) : ଭାରତୀୟ ଷ୍ଟେଟ୍ ବ୍ୟାଙ୍କ କେଶୁରା ଶାଖା ଏବେ କଟକ ପୁରୀ ବାଇପାସ୍ ରୋଡ ତଥା କେଶୁରା ଛକ ପାଖକୁ ସ୍ଥାନାନ୍ତରିତ ହୋଇ ଯାଇଛି ।ଗ୍ରାହକ ମାନଙ୍କ ସୁବିଧା ପାଇଁ ଏହି ନୂତନ ଶାଖା ତଳ ମହଲାରେ କରାଯାଇଛି ତଥା ପର୍ଯ୍ୟାପ୍ତ ସ୍ଥାନ ସହିତ ଇ- କର୍ଣ୍ଣର ସୁବିଧା ମଧ୍ୟ ଉପଲବ୍ଧ ଅଛି । ଷ୍ଟେଟ୍ ବ୍ୟାଙ୍କ୍ ଭୁବନେଶ୍ୱର ମଣ୍ଡଳର ମୁଖ୍ୟ ମହାପ୍ରବନ୍ଧକ ଶ୍ରୀ ଦିନେଶ ପରୁଥି ଆଜି ଜୁନ୍ ୧୧ ତାରିଖ ଦିନ ନୂତନ ଶାଖା କାର୍ଯ୍ୟାଳୟକୁ ଉଦ୍ଘାଟନ କରିଥିଲେ । ଏହି ଅବସରରେ ଶ୍ରୀ ପ୍ରଶାନ୍ତ କୁମାର ଉପ ମହାପ୍ରବନ୍ଧକ ଭୁବନେଶ୍ୱର ଅଞ୍ଚଳ ଓ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ଶ୍ରୀ ପରୁଥୀ ଗ୍ରାହକ ସେବା ଦିଗରେ ଷ୍ଟେଟ୍ ବ୍ୟାଙ୍କର ବିଭିନ୍ନ ପଦକ୍ଷେପ ବିଷୟରେ ଗ୍ରାହକ ମାନଙ୍କୁ ଜଣାଇଥିଲେ ତଥା ଯୋଗ୍ୟ ଗ୍ରାହକ ମାନଙ୍କୁ ଋଣ ମଞ୍ଜୁରୀ ପତ୍ର ପ୍ରଦାନ କରିଥିଲେ ।
