ଇଫକୋ ପକ୍ଷରୁ ତ୍ରୀଭୂବନ ସହକାରୀ ବିଶ୍ୱବିଦ୍ୟାଳୟ ବିଲ ୨୦୨୫ ଘୋଷଣାକୁ ସ୍ୱାଗତ

ଭୁବନେଶ୍ୱର: ପ୍ରବାହ ନ୍ୟୁଜ୍ : ଲୋକସଭାରେ ଘୋଷଣା କରାଯାଇଥିବା ତ୍ରିଭୂବନ ସହକାରୀ ବିଶ୍ୱବିଦ୍ୟାଳୟ ବିଲ ୨୦୨୫କୁ ଇଫକୋ ପକ୍ଷରୁ ସ୍ୱାଗତ କରାଯାଇଛି। ଏହା ୨୦୨୫ ମାର୍ଚ୍ଚ ୨୬ରେ ପାରିତ ହୋଇଥିଲା। ଏହି ବିଲ ସମ୍ପର୍କରେ ଘୋଷଣା କରି ଭାରତ ସରକାରଙ୍କ ସମବାୟ ଓ ଗୃହ ବ୍ୟାପାର ମନ୍ତ୍ରୀ ଶ୍ରୀ ଅମିତ ଶାହ କହିଥିଲେ ଯେ ଦେଶ ସ୍ୱାଧୀନ ହେବାର ୭୫ ବର୍ଷ ପରେ ଦେଶ ଏହାର ପ୍ରଥମ ସମବାୟ ବିଶ୍ୱବିଦ୍ୟାଳୟ ପାଇଛି। ଏହି ବିଲ ଆମ ଗ୍ରାମୀଣ ଅର୍ଥନୀତିକୁ ସୁଦୃଢ଼ କରିବ, ସ୍ୱାବଲମ୍ବୀ ଓ କ୍ଷୁଦ୍ର ଉଦ୍ୟୋଗୀଙ୍କ ବ୍ୟବସ୍ଥା ବିକାଶ କରିବ, ସାମାଜିକ ଅନ୍ତର୍ଭୁକ୍ତୀକରଣ ବଢ଼ାଇବ ଏବଂ ନବସୃଜନ ଓ ଗବେଷଣାରେ ନୂତନ ମାନକ ଧାର୍ଯ୍ୟ କରିବାର ସୁଯୋଗ ସୃଷ୍ଟି କରିବ।
ଇଫକୋର ପରିଚାଳନା ନିର୍ଦ୍ଦେଶକ ଡ. ଉଦୟ ଶଙ୍କର ଅବସ୍ଥି କହିଛନ୍ତି ଯେ, ‘ସମବାୟ ସମିତିର ଅଗ୍ରଣୀ ବିକାଶ ପାଇଁ ଏକ ଐତିହାସିକ ପଦକ୍ଷେପ ତ୍ରିଭୁବନ ସମବାୟ ବିଶ୍ୱବିଦ୍ୟାଳୟ ବିଲ୍ ୨୦୨୫କୁ ମୁଁ ପ୍ରଶଂସା କରୁଛି। ଏହି ବିଶ୍ୱବିଦ୍ୟାଳୟ ପ୍ରତିଷ୍ଠା ସମବାୟ କ୍ଷେତ୍ରରେ ଏକ ନୂତନ ବିପ୍ଳବ ଆଣିବ। ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ମାନ୍ୟବର ଗୃହ ଓ ସମବାୟ ମନ୍ତ୍ରୀ ଶ୍ରୀ ଅମିତ ଶାହଙ୍କ ଏହି ପ୍ରଶଂସନୀୟ ପଦକ୍ଷେପକୁ ମୁଁ ସ୍ୱାଗତ କରୁଛି । ଭାରତୀୟ କୃଷି, କୃଷକ ଓ ଗ୍ରାମୀଣ ବିକାଶ ପାଇଁ ଏହା ଏକ ବଡ଼ ପଦକ୍ଷେପ। ଏହା ଆମ ଗାଁଗୁଡ଼ିକୁ ଆହୁରି ସୁଦୃଢ଼ କରିବ।’’
ସାରା ଦେଶରେ କ୍ଷେତ୍ର ଭିତିକ ବିଦ୍ୟାଳୟ ପ୍ରତିଷ୍ଠା ସାର ସମବାୟ ବିଶେଷ କରି ଇଫକୋକୁ ସାହାଯ୍ୟ କରିବ। ଏହା ସାର ସମବାୟ ପରିଚାଳନା ଏବଂ ବିପଣନ କ୍ଷେତ୍ରରେ ନୂତନ ପିଢ଼ିର ବୃତିଜୀବୀଙ୍କ ସହ ସମବାୟ ସମିତିଗୁଡ଼ିକୁ ସଶକ୍ତ କରିବ ବୋଲି ସେ କହିଥିଲେ। ବିଦ୍ୟମାନ ସମବାୟ କର୍ମଚାରୀମାନଙ୍କ ପାଇଁ ସ୍ୱଳ୍ପ କାଳୀନ ପାଠ୍ୟକ୍ରମ ଏକ ଗେମ ଚେଂଜର ଏବଂ ଏକ ପଦକ୍ଷେପ ଯାହା ଏତେ ପରିମାଣରେ କେବେ କରାଯାଇନଥିଲା। ଏହି ବିଶ୍ୱବିଦ୍ୟାଳୟ ବର୍ତମାନର କର୍ମଚାରୀ ଏବଂ ସହଯୋଗୀମାନଙ୍କୁ ପ୍ରଶିକ୍ଷଣ ଦେବ ଏବଂ ସେମାନଙ୍କୁ ଦକ୍ଷ ଭାବରେ ଭାଇଚାରା ପାଇଁ ଏକ ମହାନ ସମ୍ପତି ଭାବରେ ଦକ୍ଷ କରିବ।
ସମବାୟ ପାଇଁ ସମବାୟ ସମିତି ଦ୍ୱାରା ପରିଚାଳିତ ବ୍ୟବସ୍ଥା ଅଧୀନରେ ସମବାୟ ନେତୃତ୍ୱର ପରବର୍ତୀ ପିଢିର ବିହନର ପୋଷଣ ଓ ଯତ୍ନ ନେବା ସୁନିଶ୍ଚିତ କରିବ ବୋଲି ଇଫକୋର ଅଧ୍ୟକ୍ଷ ଶ୍ରୀ ଦିଲୀପ ସଂଘାନୀ କହିଛନ୍ତି। ସେ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ କୃତଜ୍ଞତା ଜ୍ଞାପନ କରିଥିଲେ ଯାହାଙ୍କ ମାର୍ଗଦର୍ଶନରେ ପ୍ରଥମ କେନ୍ଦ୍ର ସମବାୟ ମନ୍ତ୍ରୀ ଶ୍ରୀ ଅମିତ ଶାହା ‘ସହକାର ସେ ସମୃଦ୍ଧି’ ଲକ୍ଷ୍ୟ ନେଇ ଅକ୍ଳାନ୍ତ ପରିଶ୍ରମ କରୁଛନ୍ତି । ଏହା ଏକ ଐତିହାସିକ ପଦକ୍ଷେପ ଯାହା ଆଗାମୀ ବର୍ଷଗୁଡ଼ିକ ପାଇଁ ସମବାୟ କ୍ଷେତ୍ରର ବିକାଶ ସୁନିଶ୍ଚିତ କରିବ ବୋଲି ସେ କହିଛନ୍ତି।
ସମବାୟ କ୍ଷେତ୍ରର ବିକାଶ ଓ ସମ୍ପ୍ରସାରଣ ପାଇଁ ଆବଶ୍ୟକ ତାଲିମପ୍ରାପ୍ତ ମାନବ ସମ୍ବଳ ପ୍ରସ୍ତୁତ କରିବା ଦିଗରେ ତ୍ରିଭୁବନ ସହକାରୀ ବିଶ୍ୱବିଦ୍ୟାଳୟ କାର୍ଯ୍ୟ କରିବ। ବିଶ୍ୱବିଦ୍ୟାଳୟ ଗଠନ ହେବା ପରେ ଏହାର ଡିପ୍ଲୋମା ଓ ଡିଗ୍ରି ଛାତ୍ରଛାତ୍ରୀଙ୍କୁ ଚାକିରି ମିଳିବ। ବିଶ୍ୱବିଦ୍ୟାଳୟ ପାଇଁ ପାଠ୍ୟକ୍ରମ ବିକାଶ କରାଯିବ ଯାହାକୁ ଦେଶର ସମସ୍ତ ସମବାୟ ସମିତି ଏବଂ ସମବାୟ ମନ୍ତ୍ରଣାଳୟ ସହ ଆଲୋଚନାରେ ପ୍ରସ୍ତୁତ କରାଯିବ। କୋଅପରେଟିଭ ମାର୍କେଟିଂ ଉପରେ ସ୍ୱତନ୍ତ୍ର ପାଠ୍ୟକ୍ରମ ରହିବ।
କେନ୍ଦ୍ର ସମବାୟ ମନ୍ତ୍ରୀ କହିଥିଲେ ଯେ ସ୍ୱାଧୀନତାର ୭୫ ବର୍ଷ ପରେ ସମବାୟ କ୍ଷେତ୍ରକୁ ସମର୍ପିତ ଦେଶର ପ୍ରଥମ ବିଶ୍ୱବିଦ୍ୟାଳୟ ନିର୍ମାଣ ହେବ ଏବଂ ପ୍ରତିବର୍ଷ ପ୍ରାୟ ୮ ଲକ୍ଷ ପ୍ରାର୍ଥୀଙ୍କୁ ଗ୍ରାଜୁଏସନ୍‌, ଡିଗ୍ରୀ କିମ୍ବା ସାର୍ଟିଫିକେଟ୍ ସହିତ ଡିପ୍ଲୋମା କରିବାର କ୍ଷମତା ଥିବା ବେଳେ ସମବାୟ ଆନ୍ଦୋଳନରେ ନୂତନ ନିବେଶ କରାଯିବ।
ଇଂଟରନ୍ୟାସନାଲ କୋଅପରେଟିଭ ଆଲାଏନ୍ସର ମହାନିର୍ଦ୍ଦେଶକ ଶ୍ରୀ ଜେରୋନ୍ ଡଗ୍ଲାସ୍ ଏକ ଭିଡିଓ ବାର୍ତା ମାଧ୍ୟମରେ କହିଛନ୍ତି ଯେ ଏହା ଏକ ପଦକ୍ଷେପ ଯାହା କେବଳ ଭାରତୀୟ ସମବାୟ ଆନ୍ଦୋଳନକୁ ସୁଦୃଢ଼ କରିବ ନାହିଁ ବରଂ ଜ୍ଞାନ ବିନିମୟ ଏବଂ ପ୍ରଶିକ୍ଷଣ କାର୍ଯ୍ୟକ୍ରମ ମାଧ୍ୟମରେ ଏହି ପଦକ୍ଷେପ ବିଶ୍ୱ ସମବାୟ ଆନ୍ଦୋଳନରେ ଏକ ମୂଳଦୁଆ ଭାବରେ କାର୍ଯ୍ୟ କରିବ ଏବଂ ଏହାର ଶକ୍ତି ବୃଦ୍ଧି କରିବ। ମିଳିତ ଜାତିସଂଘ ଦ୍ୱାରା ସମବାୟର ମଧ୍ୟସ୍ଥତା ବର୍ଷ ଭାବେ ମାନ୍ୟତା ପାଇଥିବା ଏହି ଘୋଷଣା ପାଇଁ ସେ ଭାରତୀୟ ନେତୃତ୍ୱଙ୍କୁ ଧନ୍ୟବାଦ ଜଣାଇଛନ୍ତି ।