ହିନ୍ଦୁସ୍ତାନ ଜିଙ୍କ୍ ଏସିଆର ପ୍ରଥମ ଲୋ କାର୍ବନ ‘ଗ୍ରୀନ୍’ ଜିଙ୍କ୍ ଇକୋଜେନ୍ ଶୁଭାରମ୍ଭ
ଭୁବନେଶ୍ୱର,ପ୍ରବାହ ନ୍ୟୁଜ୍ : ଭାରତର ସର୍ବବୃହତ ତଥା ବିଶ୍ୱର ଦ୍ୱିତୀୟ ବୃହତମ ସମନ୍ୱିତ ଜିଙ୍କ୍ ଉତ୍ପାଦନକାରୀ ସଂସ୍ଥା ହିନ୍ଦୁସ୍ତାନ ଜିଙ୍କ୍ ଲିମିଟେଡ୍ ଆଜି ଏହାର କମ୍ କାର୍ବନ \’ଗ୍ରୀନ\’ ଜିଙ୍କ୍ ବ୍ରାଣ୍ଡ୍ ଇକୋଜେନ୍ କୁ ଉନ୍ମୋଚନ କରିଛି । ଏସ ଆଣ୍ଡ ପି ଗ୍ଲୋବାଲ ସିଏସଏ ଅନୁଯାୟୀ ବିଶ୍ୱର ସବୁଠାରୁ ସ୍ଥାୟୀ ଧାତୁ ଏବଂ ଖଣି କମ୍ପାନୀ ଭାବରେ ସ୍ୱୀକୃତି ପାଇଥିବା କମ୍ପାନୀ ବିଶ୍ୱବ୍ୟାପୀ ଏହାର ଗ୍ରାହକଙ୍କ ପାଇଁ ଏସିଆର ପ୍ରଥମ ଲୋ କାର୍ବନ \’ଗ୍ରୀନ\’ ଜିଙ୍କ ଅଫର ଶୁଭାରମ୍ଭ କରିଛି । ଇକୋଜେନ୍ କୁ ଏକ ପ୍ରସିଦ୍ଧ ବିଶ୍ୱ ସ୍ଥାୟୀତ୍ୱ ପରାମର୍ଶଦାତା ସଂସ୍ଥା ଲାଇଫ୍ ସାଇକେଲ୍ ଆସେସମେଂଟ (ଏଲସିଏ) ମାଧ୍ୟମରେ କମ୍ କାର୍ବନ ଜିଙ୍କ୍ ଭାବରେ ସାର୍ଟିଫିକେଟ୍ ଦେଇଛି ଏବଂ ଉତ୍ପାଦିତ ଜିଙ୍କର ଟନ୍ ପିଛା ଏକ ଟନ୍ ରୁ କମ୍ କାର୍ବନ ଫୁଟପ୍ରିଂଟ ରହିଛି । ଅକ୍ଷୟ ଶକ୍ତି ବ୍ୟବହାର କରି ନିର୍ମିତ ଇକୋଜେନ୍ ର କାର୍ବନ ଫୁଟପ୍ରିଂଟ ବିଶ୍ୱର ହାରାହାରି ତୁଳନାରେ ପ୍ରାୟ ୭୫% କମ୍ ।
ଇକୋଜେନ୍ ହିନ୍ଦୁସ୍ତାନ ଜିଙ୍କ୍ ର କାର୍ଯ୍ୟକୁ ଡିକାର୍ବୋନାଇଜ୍ କରିବା ସହିତ ଏହାର ଗ୍ରାହକମାନଙ୍କୁ ଅଧିକ ସ୍ଥାୟୀ ବିକଳ୍ପ ପ୍ରଦାନ କରିବା ପାଇଁ ଏକ ଅତୁଳନୀୟ ପ୍ରତିଯୋଗିତାମୂଳକ ସୁବିଧା ପ୍ରଦାନ କରିବାକୁ ପ୍ରତିଶ୍ରୁତିବଦ୍ଧତାକୁ ଦର୍ଶାଏ । ହିନ୍ଦୁସ୍ତାନ ଜିଙ୍କ୍ ର ଇକୋଜେନ୍ ସହିତ ଏକ ଟନ୍ ଇସ୍ପାତ ଉତ୍ପାଦନ କରିବାରେ ଏହି ନୂତନ ଅଫର ସେମାନଙ୍କ ମୂଲ୍ୟ ଶୃଙ୍ଖଳାରେ ପ୍ରାୟ ୪୦୦ କିଲୋଗ୍ରାମ ଅଙ୍ଗାରକାମ୍ଳ ନିର୍ଗମନକୁ ହ୍ରାସ କରିବ । ହିନ୍ଦୁସ୍ତାନ ଜିଙ୍କ୍ ର ନୂଆ ଅଫର, ଲୋ କାର୍ବନ \’ଗ୍ରୀନ୍\’ ଜିଙ୍କକୁ ଇକୋଜେନ୍ ବ୍ରାଣ୍ଡ୍ କରାଯାଇଛି । ପ୍ରଡକ୍ଟ ସର୍ବୋଚ୍ଚ ଗୁଣବତା, ସ୍ଥାୟୀ ନିମ୍ନ-କାର୍ବନ ଉତ୍ପାଦର ପରିବେଶ-ସମ୍ବେଦନଶୀଳତା ଏବଂ ମାନସିକ ଶାନ୍ତିକୁ ସୂଚିତ କରେ ଯାହା ସମୟ ଉପଯୋଗୀ ଅଟେ ।
ହିନ୍ଦୁସ୍ତାନ ଜିଙ୍କ୍ ର ଅଧ୍ୟକ୍ଷା ତଥା ବେଦାନ୍ତ ଗ୍ରୁପ୍ ର ଅଣ-କାର୍ଯ୍ୟନିର୍ବାହୀ ନିର୍ଦ୍ଦେଶିକା ପ୍ରିୟା ଅଗ୍ରୱାଲ ହେବର କହିଛନ୍ତି, ‘‘ଆମର ସମସ୍ତ ବ୍ୟବସାୟିକ ନିଷ୍ପତିର ମୂଳରେ ସ୍ଥାୟୀତ୍ୱ ରହିଛି । ହିନ୍ଦୁସ୍ତାନ ଜିଙ୍କ୍ ଏସ୍ ଆଣ୍ଡ୍ ପି ଗ୍ଲୋବାଲ୍ କର୍ପୋରେଟ୍ ସଷ୍ଟେନେବିଲିଟି ଆସେସମେଂଟରେ ୧ ହୋଇଥିବାରୁ ଏହା ଏକ ସ୍ଥାୟୀ ଭବିଷ୍ୟତ ଗଠନ ପାଇଁ ଆମର ପ୍ରତିବଦ୍ଧତାର ପ୍ରମାଣ । ଆଜି ଇକୋଜେନ୍ ର ଶୁଭାରମ୍ଭ ହେଉଛି ୨୦୫୦ ସୁଦ୍ଧା ନେଟ୍ ଜିରୋ ହେବା ର ଆମର ଯାତ୍ରାରେ ଆଉ ଏକ ପଦକ୍ଷେପ । ଇଏସଜି କ୍ଷେତ୍ରରେ ବିଶ୍ୱସ୍ତରୀୟ ମାନଦଣ୍ଡ ସ୍ଥାପିତ କରି ବେଦାନ୍ତର ହିନ୍ଦୁସ୍ତାନ ଜିଙ୍କ ସୁରକ୍ଷିତ, ସ୍ମାର୍ଟ ଏବଂ ଅଧିକ ସ୍ଥାୟୀ ପରିଚାଳନା ଏବଂ ଉତ୍ପାଦ ସୃଷ୍ଟି କରି ପ୍ରାକୃତିକ ସମ୍ପଦ ଶିଳ୍ପରେ ବିପ୍ଳବ ଆଣିଛି ।’’
ଏହି ପ୍ରଡକ୍ଟ ଶୁଭାରମ୍ଭ ଅବସରରେ ହିନ୍ଦୁସ୍ତାନ ଜିଙ୍କ ଲିମିଟେଡର ସିଇଓ ଅରୁଣ ମିଶ୍ର କହିଛନ୍ତି ଯେ ‘‘ଇକୋଜେନର ଶୁଭାରମ୍ଭ ଆମର ଡିକାର୍ବୋନାଇଜିଂ ଅପରେସନର ଯାତ୍ରାରେ ଏକ ଐତିହାସିକ ମାଇଲଖୁଂଟ, ପରିବେଶ ସଚେତନ ଗ୍ରାହକମାନଙ୍କୁ ସେବା ପ୍ରଦାନ କରୁଛି ଯେଉଁମାନେ ସେମାନେ ବ୍ୟବହାର କରୁଥିବା କଂଚାମାଲର ଉତ୍ପତି ବିଷୟରେ ଜାଣିଛନ୍ତି ଏବଂ ସେମାନଙ୍କ ଯୋଗାଣ ଶୃଙ୍ଖଳାକୁ ଡିକାର୍ବୋନାଇଜ୍ କରିବାକୁ ଲକ୍ଷ୍ୟ ରଖିଛନ୍ତି । ହିନ୍ଦୁସ୍ତାନ ଜିଙ୍କ୍ ର ନେଟ୍-ଜିରୋ ଲକ୍ଷ୍ୟ ଅନୁଯାୟୀ ଏହା ଆମର ଉତ୍ପାଦ ରଣନୀତିରେ ଏକ ପ୍ରମୁଖ ମାଇଲଖୁଂଟ ।’’
ହିନ୍ଦୁସ୍ତାନ ଜିଙ୍କ ୨୦୩୦ ସୁଦ୍ଧା ଏହାର କାର୍ବନ ନିର୍ଗମନକୁ ୫୦% ହ୍ରାସ କରିବା ପାଇଁ ଏହାର ଭେରିଫାଏଡ ଏସବିଟିଆଇ (ବିଜ୍ଞାନ ଭିତିକ ଟାର୍ଗେଟ ଇନିସିଏଟିଭ୍) ଲକ୍ଷ୍ୟ ଅନୁଯାୟୀ କାର୍ବନ ଫୁଟପ୍ରିଂଟ ହ୍ରାସ କରିବା ପାଇଁ ପ୍ରୟାସ କରୁଛି । ଏହି ପଦକ୍ଷେପଗୁଡ଼ିକ ହିନ୍ଦୁସ୍ତାନ ଜିଙ୍କକୁ ୨୦୨୦ ରୁ ୨୦୨୪ ଆର୍ôଥକ ବର୍ଷରେ ଏହାର ଜିଏଚଜି (ଗ୍ରୀନ୍ ହାଉସ୍ ଗ୍ୟାସ୍) ନିର୍ଗମନ ତୀବ୍ରତାକୁ ୧୪% ହ୍ରାସ କରିବାରେ ସାହାଯ୍ୟ କରିଛି ।
ହିନ୍ଦୁସ୍ତାନ ଜିଙ୍କ୍ ବିଶ୍ୱର ସବୁଠାରୁ ବଡ଼ ଜିଙ୍କ୍ ପ୍ରଡକ୍ଟ ପୋର୍ଟଫୋଲିଓ ପ୍ରଦାନ କରେ ଏବଂ ଉତ୍ପାଦ ଉଦ୍ଭାବନ ପାଇଁ \’ଗ୍ରାହକ-ପ୍ରଥମ\’ ଆଭିମୁଖ୍ୟ ଉପରେ ଧ୍ୟାନ କେନ୍ଦ୍ରିତ କରେ । କମ୍ପାନୀ ୟୁରୋପ, ଦକ୍ଷିଣ ଆମେରିକା, ଓସେନିଆ ଏବଂ ମଧ୍ୟପ୍ରାଚ୍ୟର ୪୦ ରୁ ଅଧିକ ଦେଶକୁ ଯୋଗାଣ କରିଥାଏ । ସର୍ବୋଚ୍ଚ ଗୁଣାତ୍ମକ ଉତ୍ପାଦ ପ୍ରଦାନ କରିବା ପାଇଁ ପ୍ରତିଶ୍ରୁତିବଦ୍ଧ, କମ୍ପାନୀର ଜିଙ୍କ ଅଫର ଗୁଡିକ ଗୁଣବତା ପାଇଁ ଆଇଏସଓ ଏବଂ ବିଆଇଏସ (ବ୍ୟୁରୋ ଅଫ୍ ଇଣ୍ଡିଆନ ଷ୍ଟାଣ୍ଡାର୍ଡସ) ସାର୍ଟିଫିକେଟ ସହିତ ଉତ୍ପାଦର ପରିବେଶ ଫୁଟପ୍ରିଂଟ ଉପରେ ତୁଳନାତ୍ମକ ତଥ୍ୟ ପ୍ରଦାନ କରୁଛି ।
