ବିଜେପିରେ ମିଶିଲେ ବିଜେଡିର ପୂର୍ବତନ ଜିଲ୍ଲାପରିଷଦ ଅଧକ୍ଷା

ନୂଆପଡ଼ା : ଆଜି ଖଡ଼ିଆଳ ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ହିତେଶ ବଗର୍ତ୍ତୀଙ୍କ ବୋଡ଼େନ ବ୍ଲକ ଅଞ୍ଚଳରେ ନିର୍ବାଚନୀ ପ୍ରଚାର କରିବା ସହ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଆଜିର ଏହି ମିଶ୍ରଣ ପୂର୍ବରେ ବିଜେଡିର ପୂର୍ବତନ ଜିଲ୍ଲାପରିଷଦ ଅଧକ୍ଷା ସହ ବହୁ ଲୋକ ବିଜେପିରେ ମିଶିଛନ୍ତି। ପରେ ଏହି ନିର୍ବାଚନୀ ପ୍ରଚାର ବୋଡ଼େନ, ବିରେଶକେଲା, କେରାପଦର ଓ ବିନୋପୁର ଗାଁରେ ବାଇକ୍ ଶୋଭାଯାତ୍ରାରେ ପହଞ୍ଚି ଘର ଘର ବୁଲି ଭୋଟ ଭିକ୍ଷା କରିଥିଲେ। ଏଥିରେ ବିଜେପି ବରିଷ୍ଠ କର୍ମକର୍ତ୍ତା ଙ୍କ ସହ ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ପୁଷ୍ପାଞ୍ଜଳି ପାଣ୍ଡେ, ଆଦିବାସୀ ନେତା ବାଲକୃଷ୍ଣ ଶବର, ଅତିନ୍ଦ୍ରଜିତ ସିଂ ମଲ୍ଲିକ, ପୃଥିରାଜ ମହାନ୍ତି, କାଶୀନାଥ ବେହେରା , କିଶୋର ନାଗ, ନୀଳାମ୍ବର ମେହେର ଙ୍କ ସହ ବିଜେପିର ଶହ ଶହ କର୍ମୀ ସାମିଲ ରହିଥିଲେ। ଏହି ମିଶ୍ରଣ ପର୍ବରେ ୧୫ ଜଣ ସଦସ୍ୟ ବିଜେପି ଦଳରେ ଯୋଗଦାନ କରିଥିବାରୁ ସେମାନଙ୍କୁ ସ୍ଵାଗତ ସମ୍ବର୍ଦ୍ଧନା କରାଯାଇଥିଲା।