ଖୋର୍ଦ୍ଧାରେ ପାନ ଦୋକାନ ଭିତରେ ବେଧଡକ ଚାଲିଛି ବିଦେଶୀ ମଦ କାରବାର : ପୋଲିସର ଚଢ଼ାଉ ସତ୍ତ୍ୱେ ସୁଧୁରୁନାହାନ୍ତି ମଦ ବେପାରୀ

ଖୋର୍ଦ୍ଧା : ୨୪/୦୬(ପ୍ରବାହ ନିଉଜ୍) ଖୋର୍ଦ୍ଧା ପୋଲିସର ବାରମ୍ବାର ଚଢ଼ାଉ ସତ୍ତ୍ୱେ ସହରରେ ବେଧଡକ ଚାଲିଛି ବେଆଇନ ମଦ କାରବାର ।ଲକ୍‌ଡାଉନ ଯୋଗୁ ରାଜ୍ୟର ସମସ୍ତ ଲାଇସେନ୍ସପ୍ରାପ୍ତ ମଦଦୋକାନରେ ମଦ ବିକ୍ରି କରିବା ପାଇଁ ସରକାରଙ୍କ ତରଫରୁ ସମୟ ସ୍ଥିର କରାଯାଇଥିବା ବେଳେ କିଛି ମୁନାଫାଖୋର ବ୍ୟବସାୟୀ ଅଧିକ ଲାଭ ଆଶାରେ ସହରଠାରୁ ଆରମ୍ଭ କରି ଗ୍ରାମାଞ୍ଚଳ ସବୁଠାରେ କିଛି ଛୋଟକାଟିଆ ମଦ ବେପାରୀ ସୃଷ୍ଟି କରି ସେମାନଙ୍କ ଜରିଆରେ ବେଧଡକ ଭାବେ ବେପାର ଚଲାଇଛନ୍ତି । ଲକଡାଉନ ଓ ସଟ ଡାଉନ ସମୟରେ ଗାହକଙ୍କ ଚାହିଦାକୁ ଦେଖି ମଦ ମାଫିଆ ମାନେ ଚୋରାରେ ମଦ ବିକ୍ରୀ କରି ଲକ୍‌ଡାଉନ୍‌ର ଭରପୁର ଫାଇଦା ଉଠାଇ ମାଲାମାଲ ହେଉଥିବା ବେଳେ ଏବେ ଗ୍ରାମାଞ୍ଚଳ ଠାରୁ ନେଇ ସହରାଞ୍ଚଳରେ ପାନଦୋକାନୀଙ୍କ ଠାରୁ ଆରମ୍ଭ କରି ଜଳଖିଆ ଦୋକାନୀଙ୍କୁ ହାତ କରି ଚୋରାରେ ମଦ ବିକ୍ରୀ କରୁଥିବା ଶୁଣିବାକୁ ମିଳୁଥିବା ବେଳେ ଗୁରୁବାର ବେଇଆନ ଭାବେ ବିଦେଶୀ ମଦ ବିକ୍ରି କରୁଥିବା ବେଳେ ଜଣେ ପାନ ଦୋକାନୀ ପୋଲିସ ହାତରେ ଧରାପଡି ଗିରଫ ହୋଇଛନ୍ତି।

ସୂଚନା ଅନୁସାରେ ଖୋର୍ଦ୍ଧା ଟାଉନ ଥାନା ଅଧିକାରୀ କୌଣସି ଏକ ବିଶ୍ୱସ୍ତ ସୂତ୍ରରୁ ଟି.ଏଲ.ସି ରୋଡର ଏଲ.ଆଇ.ସି. ଅଫିସ ସମ୍ମୁଖ ଏକ ପାନ ଦୋକାନରେ ଚୋରାରେ ବିଦେଶୀ ମଦ ବିକ୍ରି ହେଉଥିବାର ଖବର ପାଇଥିଲେ। ଆଇ.ଆଇ.ସି.ଙ୍କ ନିର୍ଦ୍ଦେଶକ୍ରମେ ଟାଉନ ଥାନା ପୋଲିସର ଏକ ଟିମ ସମ୍ପୃକ୍ତ ପାନ ଦୋକାନରେ ଚଢ଼ାଉ କରି ୨୭.୦୮ ଲିଟର ବିଦେଶୀ ମଦ ଜବତ କରିଥିବା ବେଳେ ପାନ ଦୋକାନୀଙ୍କୁ ଗିରଫ କରିଛି। ଅଭିଯୁକ୍ତ ଜଣକ ହେଲେ ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ବାଶେଳୀ ସାହିର ଲୋକନାଥ ସାହୁଙ୍କ ୨୫ବର୍ଷୀୟ ଗଣେଶ ସାହୁ ବୋଲି ଜଣାପଡିଛି । ଏ ନେଇ ଟାଉନ ଥାନାରେ କେସ ନମ୍ବର ୨୪୭/୨୧ ରେ ମାମଲା ରୁଜ୍ଜୁ କରାଯାଇ ଅଭିଯୁକ୍ତଙ୍କୁ ଆଜି କୋର୍ଟଚାଲାଣ କରାଯିବା ନେଇ ଟାଉନ ଥାନା ଅଧିକାରୀ ସଞ୍ଜୟ କୁମାର ପଟ୍ଟନାୟକ ସୂଚନା ଦେଇଛନ୍ତି।

Leave a Reply

Your email address will not be published. Required fields are marked *