୫୭ ନମ୍ବର ଜାତୀୟ ରାଜପଥ ବାଘମାରୀ ରାସ୍ତାରୁ ଦମ୍ପତିଙ୍କଠୁ ମୂଲ୍ୟବାନ ଅଳଙ୍କାର ଲୁଟ

ଖୋର୍ଦ୍ଧା : ୪/୬ (ପ୍ରବାହ ନିଉଜ୍) ବାଘମାରୀ ସାରୁଅ ରାସ୍ତା ମଝିରୁ ଦମ୍ପତିଙ୍କ ଠାରୁ ଲୁଟି ନେଲେ ଲକ୍ଷାଧିକ ଟଙ୍କାର ସୁନା ଅଳଙ୍କାର । ସୂଚନା ଅନୁସାରେ, ଭୁବନେଶ୍ୱର ସତ୍ୟବିହାର ଅଞ୍ଚଳର ସୁରଜ୍ କୁମାର ପଟ୍ଟନାୟକ ଓ ତାଙ୍କର ଧର୍ମପତ୍ନୀ ନିବେଦିତା ପଟ୍ଟନାୟକ ନିଜ ଗ୍ରାମ ନୟାଗଡ଼ ବାହାଡାଝୋଲା ସିଙ୍ଗାରପଲ୍ଲୀ ଅଭିମୁଖେ ଯାଉଥିବା ବେଳେ ଦୁଇଜଣ ଦୁର୍ବୁର୍ତ୍ତ ଏକ ଆପାଚୀ ମୋଟରସାଇକେଲରେ ତାଙ୍କୁ ପିଛା କରି ସାରୁଅ ବାଘମାରୀ ରାସ୍ତାରୁ ଦିବାଲୋକ ରେ ସୁନା ଅଳଙ୍କାର ଥିବା ଏକ ହ୍ୟାଣ୍ଡବ୍ୟାଗ କୁ ଝାମ୍ପି ନେଇଥିବା ନେଇ ବାଘମାରୀ ଥାନା ରେ ଅଭିଯୋଗ ହୋଇଛି। ଅଭିଯୋଗ ପାଇ ପୋଲିସ ଘଟଣା ସ୍ଥଳକୁ ଯାଇ ଛାନଭିନ ଆରମ୍ଭ କରିଛି ବୋଲି ବାଘମାରୀ ଥାନା ଅଧିକାରୀ ଅର୍ଚ୍ଚନା ମଲ୍ଲିକ ପ୍ରକାଶ କରିଛନ୍ତି ।