ଗୋରୁଗାଡ଼ି ଜବତ ସହ ୨୦ଗୋରୁଙ୍କୁ ଉଦ୍ଧାର : ଜଣେ ଅଟକ

ଖୋର୍ଦ୍ଧା : ୨୨/୦୬(ପ୍ରବାହ ନିଉଜ୍) ସୋମବାର ବିଳମ୍ବିତ ରାତିରେ ବେଗୁନିଆ ଥାନା ଅନ୍ତର୍ଗତ ଚଟୁଆ ଗ୍ରାମରୁ ଏକ ଗୋରୁ ବୋଝେଇ ଆଇଚର କଣ୍ଟେନର ଗାଡିକୁ ଜବତ କରିବା ସହିତ ଗାଡିରେ ଥିବା ୨୦ଟି ଗୋରୁଙ୍କୁ ପୁଲିସ ଉଦ୍ଧାର କରିଥିବା ବେଳେ ଡ୍ରାଇଭର କୁ ଗିରଫ କରିଛି।

ସୂଚନା ଅନସାରେ, ବିଶ୍ୱସ୍ତ ସୂତ୍ରରୁ ଖବର ପାଇ ଗତକାଲି ବିଳମ୍ବିତ ରାତିରେ OR02-BH-3493 ନମ୍ବର ବିଶିଷ୍ଟ ଏକ ଗୋରୁ ବୋଝେଇ ଆଇଚର ଗାଡ଼ି କଡବ ଗ୍ରାମରୁ କଲିକତା ଅଭିମୁଖେ ଯାଉଥିବାର ଖବର ପାଇ ପୁଲିସ ଉକ୍ତ ଗାଡିକୁ ଚଟୁଆ ନିକଟରେ ଅଟକାଇଥିଲା । ଏଥିରେ ୨୦ଟି ଗୋରୁଙ୍କୁ ପଶ୍ଚିମବଙ୍ଗର କଲିକତାକୁ ଚୋରାଚାଲାଣ କରାଯାଉଥିବା ପୁଲିସ ଜାଣିବାକୁ ପାଇଥିଲା ।

ତେଣୁ ଗାଡିକୁ ଜବତ କରିବା ସହିତ ସେଥିରେ ଥିବା ଗୋରୁଙ୍କୁ ପୁଲିସ ଉଦ୍ଧାର କରି ଉଦ୍ଧାର ଗୋରୁଙ୍କୁ ଭୁବନେଶ୍ବର ସିଜୁଆ ସ୍ଥିତ ଗୋଶାଳାରେ ଛଡାଯାଇଛି। ବେଆଇନ ଗୋଚାଲାଣ ଅଭିଯୋଗରେ ପୁଲିସ ଏକ ମାମଲା ରୁଜ୍ଜୁ କରି କଣ୍ଟେନର ଡ୍ରାଇଭର ବାବୁଲା ଲେଙ୍କାକୁ ଗିରଫ କରିଛି।