ସରକାରୀ ଉଦାସୀନତା ବିରୋଧରେ ବ୍ଯାଙ୍କ ଅଫିସର ସଂଘର ରଣ ହୁଙ୍କାର
ପ୍ରବାହ ନ୍ୟୁଜ୍ : ଅଲ ଇଣ୍ଡିଆ ବ୍ୟାଙ୍କ ଅଫିସର୍ସ କନଫେଡେରେସନ୍ (AIBOC) ର କାର୍ଯ୍ୟକାରିଣୀ କମିଟି 12 ନଭେମ୍ବର 2024 ରେ ମୁମ୍ବାଇରେ ଏକ ବୈଠକଠକ ଆୟୋଜନ କରିଥିଲା ଏବଂ ବ୍ୟାଙ୍କ ଅଧିକାରୀଙ୍କୁ ପ୍ରଭାବିତ କରୁଥିବା ବିବିଧ ସମସ୍ୟାର ସମାଧାନ ପାଇଁ ଏକ ଜୋରଦାର ଅଭିଯାନ ଆରମ୍ଭ କରିବାକୁ ନିଷ୍ପତ୍ତି ନେଇଥିଲା। ସାମ୍ପ୍ରତିକ ବ୍ୟାଙ୍କିଙ୍ଗ୍ ପରିସ୍ଥିତିରେ, ଜାତୀୟ କାରଣ ବ୍ଯାଙ୍କ ଗୁଡିକ ମାନବ ସମ୍ବଳର ଘୋର ଅଭାବ ରହିଛି , ଯାହା ସେବା ଗୁଣବତ୍ତା ଉପରେ ପ୍ରଭାବ ପକାଇବା ସହ କର୍ମଚାରୀଙ୍କ ଚାପଗ୍ରସ୍ତ କରିରଖିଛି | ଜାତୀୟକରଣ ବ୍ଯାଙ୍କକର୍ମଚାରୀମାନେ ନିଜ କର୍ତ୍ତବ୍ୟ ସମ୍ପାଦନ କରୁଥିବାବେଳେ ଅଧିକରୁ ଅଧିକ ମୌଖିକ ତଥା ଶାରୀରିକ ନିର୍ଯାତନାର ଶିକାର ହେଉଛନ୍ତି | ଜାତୀୟକରଣ ବ୍ଯାଙ୍କଗୁଡିକ ଅଧିକାଂଶ ସରକାରୀ ଜନକଲ୍ୟାଣ ଯୋଜନା ତୃଣମୂଳ ସ୍ତରରେ କାର୍ଯ୍ୟକାରୀ କରନ୍ତି କିନ୍ତୁ ଅଧିକାରୀମାନେ ନିରନ୍ତର ଚାପରେ ରହିଥା’ନ୍ତି | କାର୍ଯ୍ୟ ଜୀବନ ସନ୍ତୁଳନର ଅନୁପସ୍ଥିତି ସେମାନଙ୍କ ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ଉପରେ ପ୍ରତିକୂଳ ପ୍ରଭାବ ପକାଇଥାଏ | ସମ୍ପ୍ରତି , କର୍ମଚାରୀ ମାନଙ୍କ ଅକାଳ ଅବସର ପାଇଁ କେନ୍ଦ୍ରୀୟ ବିତ୍ତ ମନ୍ତ୍ରଣାଳୟ ନୂତନ ନିର୍ଦ୍ଦେଶନାମା ଜାରି କରିଛି | ଅବସର ପରେ ସାମାଜିକ ସୁରକ୍ଷା ଏବେ ବ୍ୟାଙ୍କ କର୍ମଚାରୀମାନଙ୍କ ପାଇଁ ଏକ ଦୁଃସ୍ୱପ୍ନରେ ପରିଣତ ହୋଇଛି ,କାରଣ ନୂତନ ପେନସନ ଯୋଜନାରେ ଅବସର ପାଣ୍ଠିରେ ବଜାର ଚାଳନା କାରଣରୁ ଅସଙ୍ଗତି ଓ ଅନିୟମିତତା ଦେଖାଦେଇଛି | AIBOC ବ୍ୟାଙ୍କିଙ୍ଗ ଶିଳ୍ପରେ 5 ଦିନିଆ କାର୍ଯ୍ୟ ଦିବସ ତୁରନ୍ତ କାର୍ଯ୍ୟକାରୀ କରିବାକୁ ଦାବି କରୁଛି ଯାହାକି କେନ୍ଦ୍ର ସରକାର, ଆରବିଆଇ, ଏଲଆଇସି ଇତ୍ୟାଦି ଭଳି ଅନେକ ସଂସ୍ଥାରେ କାର୍ଯ୍ୟକାରୀ ହୋଇସାରିଛି । ନିଷ୍ପତ୍ତି ଗ୍ରହଣ ପ୍ରକ୍ରିୟାରେ କର୍ମଚାରୀଙ୍କ ପ୍ରତିନିଧିତ୍ଵକୁ ସୁନିଶ୍ଚିତ କରିବା ପାଇଁ ଆଇନ୍ଅନୁଯାୟୀ ବ୍ୟାଙ୍କବୋର୍ଡରେ କର୍ମଚାରୀ ନିର୍ଦ୍ଦେଶକ ଏବଂ ଅଣ-କର୍ମୀ ନିର୍ଦ୍ଦେଶକ ନିଯୁକ୍ତ କରିବାକୁ ମଧ୍ୟ ସଂଘ ଦାବି କରିଛି।
AIBOC ଓଡିଶା ରାଜ୍ୟ ୟୁନିଟ୍ ଆଜି ଏହାର କାର୍ଯ୍ୟନିର୍ବାହୀ ସମିତିର ଏକ ବୈଠକ ଡକାଇ ସମ୍ପ୍ରତି ପରିସ୍ଥିତିରେ ଭବିଷ୍ୟତ କାର୍ଯ୍ୟପନ୍ଥା ଉପରେ ଆଲୋଚନା କରିଛି। AIBOC କାର୍ଯ୍ୟକାରିଣୀ କମିଟିର ନିଷ୍ପତ୍ତି ସହିତ ଓଡ଼ିଶା ରାଜ୍ୟ ସଚିବ ଶ୍ରୀ ଅମିତାଭ ଦାସ ଏବଂ ରାଜ୍ୟ ୟୁନିଟ୍ ସଭାପତି ଶ୍ରୀ ବୈଲୋଚନ ସାହୁ ଆଗାମୀ ଦିନ ପାଇଁ କାର୍ଯ୍ୟ ପନ୍ଥା ପ୍ରସ୍ତୁତ କରିଥିଲେ । ଏହି ଅବସରରେ, AIBOC ର କେନ୍ଦ୍ରୀୟ କମିଟିର ଉପାଧ୍ୟକ୍ଷ ଶ୍ରୀ ଅରୁଣ କୁମାର ବିଶୋୟୀ ସଦସ୍ୟମାନଙ୍କୁ ଏକଜୁଟ ହୋଇ ଠିଆ ହେବା ଏବଂ ସେମାନଙ୍କର ଉଚିତ୍ ଦାବିକୁ ସୁରକ୍ଷିତ ରଖିବା ପାଇଁ ନିରନ୍ତର ଆନ୍ଦୋଳନ ପାଇଁ ପ୍ରସ୍ତୁତ ରହିବାକୁ କହିଥିଲେ।
