ଜଣେ ସଚ୍ଚା, ନିର୍ଭିକ ଓ ଦକ୍ଷ ପୋଲିସ ପ୍ରଶାସନିକ ଅଧିକାରୀ ଏସପି ରାହୁଲ ଜୈନ

ନିଷ୍ଠା ଓ କର୍ତଵ୍ୟ ର ସହ ଜନସାଧାରଣ ଙ୍କୁ ସେବା ଯୋଗାଇଦେବା ମୋର ଧର୍ମ ଓ କର୍ମ

ଭାପୁର:28/9/23 (ନି ପ୍ର )ନୟାଗଡ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ରାହୁଲ ଜୈନ ଜଣେ ଦକ୍ଷ ପୋଲିସ ପ୍ରଶାସନିକ ଅଧିକାରୀ ଭାବେ ବିଭିନ୍ନ ମହଲ ରେ ବେଶ ପରିଚିତ l ବାଲ୍ୟକlଳରୁ ପାଠ ପଢିବା ସମୟରୁ ଜଣେ ପୋଲିସ ଅଧିକାରୀ ହୋଇ ଜନସାଧାରଣ ଙ୍କୁ ସେବା ଯୋଗାଇଦେବାରେ ଅଦ୍ୟମ ଇଚ୍ଛାଶକ୍ତି ରଖିଥିବା ଶ୍ରୀ ରାହୁଲ ଆଜି ପୋଲିସ ପ୍ରଶାସନିକ ସେବାରେ ଯୋଗଦେଇ ସୁଚାରୁ ରୂପେ କର୍ତଵ୍ୟ ସମ୍ପାଦନ କରୁଛନ୍ତି ବୋଲି ଏକ ସାକ୍ଷାତ କାରରେ ପ୍ରକାଶ କରିଛନ୍ତି l

ସମଗ୍ର ଜିଲ୍ଲା ରେ ଆଇନଶୃଙ୍ଖଳା ପରିସ୍ଥିତିରେ ସୁଧାର ଆଣିବା ତାଙ୍କର ପ୍ରଥମ କର୍ତଵ୍ୟ ବୋଲି ସେ କହିଛନ୍ତି l 2015 ଡିସେମ୍ବର ରେ ପୋଲିସ ପ୍ରଶାସନିକ ସେବାରେ ଯୋଗଦେବା ପରଠାରୁ ଦୀର୍ଘ ଆଠ ବର୍ଷ ଧରି ଏସପି ଭାବରେ ଦେବଗଡ଼,ନୂଆପଡା, ବଡ଼ଗଡ଼ ଓ ଝାରସୁଗୁଡା ଜିଲ୍ଲା ରେ ଦକ୍ଷତା ର ସହ କାର୍ଯ୍ୟ କରି ଆସିଥିବା ଶ୍ରୀ ଜୈନ ଙ୍କୁ ବିଭିନ୍ନ ମହଲ ରୁ ମିଳିଛି ଅନେକ ପ୍ରସଂଶା ଓ ସନମାନ l ସୁଦୂର କଳାହାଣ୍ଡି ଜିଲ୍ଲା ଭବାନୀପାଟଣା ସ୍ଥିତ ବିମଳା କନଭେଣ୍ଟ ସ୍କୁଲରୁ ପାଠ ପଢା ଶେଷ କରିଥିବା ଶ୍ରୀ ଜୈନ ଓଡିଶା ଅଧିବାସୀ ହୋଇଥିବାରୁ ନିଜକୁ ଗର୍ବ ଅନୁଭବ କରନ୍ତି ବୋଲି ପ୍ରକାଶ କରିଛନ୍ତି l ପିଲାଟୁ ବେଳୁ ସେ ଥିଲେ ଜଣେ ମେଧାବୀ ଛାତ୍ର l ନିଜର ସ୍କୁଲ ସମୟରୁ ଆରମ୍ଭ କରି ସ୍ନାତକ ପର୍ଯ୍ୟନ୍ତ ସେ ସବୁଥିରେ ସଦାବେଳେ ଆଗରେ ରହିଆସୁଥିଲେ l

ଗୋଟିଏ ସାଧାରଣ ମଧ୍ୟବିତ୍ତ ପରିବାରରୁ ଜନ୍ମ ଗ୍ରହଣ କରିଥିବା ଶ୍ରୀ ଜୈନଙ୍କ ବାପା ରମେଶ ଜୈନ ଜଣେ ସାଧାରଣ ଲୁଗା ଓ କପଡା ବ୍ୟବସାୟୀ ହୋଇଥିବା ବେଳେ ମା ଶ୍ରୀମତୀ ଶର୍ମିଲା ଦେବୀ ଜୈନ ଜଣେ ସାଧାରଣ ଘରୋଇ ମହିଳା l ବାଣିଜ୍ୟ ରେ ଭବାନୀପାଟଣା ଅଟୋନମୋଶ କଲେଜ ରୁ ସ୍ନାତକ ଡିଗ୍ରୀ ହାସଲ କରିବାପରେ ଚାର୍ଟଡ଼ ଆକାଉଣ୍ଟାଣ୍ଟ(CA) ପାଠ୍ୟକ୍ରମ ରେ ଡିଗ୍ରୀ ହାସଲ କରିଥିଲେ ମଧ୍ୟ ସମାଜ ସେବା ଓ ପୋଲିସ ପ୍ରଶାସନିକ ସେବା ପ୍ରତି ରୁଚି ରଖି ଭାରତୀୟ ପୋଲିସ ପ୍ରଶାସନିକ ସେବାରେ ଯୋଗ ଦେଇ ନିଜର ଦକ୍ଷତା କାର୍ଯ୍ୟଶୈଳୀ ମାଧ୍ୟମରେ ପ୍ରତିପାଦିତ କରିପାରିଛନ୍ତି l ନୟାଗଡ ଜିଲ୍ଲାର ଦାୟିତ୍ୱ ଗ୍ରହଣ ପରଠାରୁ ସମଗ୍ର ଜିଲ୍ଲା ବାସିଙ୍କ ଠାରୁ ପ୍ରସଂଶା ସାଉଁଟିବାରେ ସେ ଲାଗିଛନ୍ତି l

କେବଳ ଛାତ୍ର ସମାଜ କାହିଁକି ଯୁବପିଢ଼ି, ବରିଷ୍ଠ ନାଗରିକ ଓ ସମସ୍ତ ପୋଲିସ କର୍ମଚାରୀ ମାନଙ୍କ ପାଇଁ ସେ ପାଲଟିଛନ୍ତି ପ୍ରେରଣାର ଉତ୍ସ l ତାଙ୍କର କାର୍ଯ୍ୟଦକ୍ଷତା ଓ କାର୍ଯ୍ୟଶୈଳୀ କୁ ନେଇ ଏବେ ସମଗ୍ର ଜିଲାରେ ବେଶ ଚର୍ଚ୍ଚା ଚାଲିଥିବା ବେଳେ ରାଜନୀତି ରୁ ଉର୍ଦ୍ଧ ରେ ରହି ସେ କାର୍ଯ୍ୟ ସମ୍ପାଦନ କରିବାକୁ ବେଶ ପସନ୍ଦ କରନ୍ତି ବୋଲି ପ୍ରକାଶ କରିଛନ୍ତି l
ଦେବଗଡ଼ ଜିଲ୍ଲା ରେ କାର୍ଯ୍ୟରତ ଥିଲାବେଳେ ବାରକୋଟ ଥାନା ଇଲାକା ରେ ଏକ ସଙ୍ଗରେ ମା ଓ ତାର ଦୁଇଟୀ ଝିଅ କୁ ନିଜ ସ୍ୱାମୀ ମାରି ମାଟି ତଳେ ପୋତି ଦେଇଥିବା ଓ ମାସେ ତଳେ ଯାଇ ମୃତ ଦେହ ମିଳିବା ଭଳି ଛାତି ଥରl ଘଟଣା ଯେଉଁଥିରେ ତିନି ତିନୋଟି ମଡ଼ର ହୋଇଥିଲା ନାଁ ଥିଲା କିଛି ସାକ୍ଷ ଓ ସୂତ୍ର ସେଭଳି ଏକ କେଶ ର ପର୍ଦାଫାଶ କରି ଦୋଷୀ କୁ କୋର୍ଟ କୁ ପଠାଇ ନ୍ୟାୟ ଦେବାରେ ତାଙ୍କର ଭୂମିକା ନେଇ ଉଚ୍ଚପଦସ୍ଥ ଅଧିକାରୀ ମାନେ ଶ୍ରୀ ଜୈନ ଙ୍କୁ ପ୍ରସଂଶା କରିଥିଲେ l ଏହା ତାଙ୍କ ଚାକିରୀ ଜୀବନର ଏକ ବଡ ସଫଳତା ବୋଲି ସେ ମତ ରଖିଥିଲେ l 2022 ଏକ ଏପ୍ରିଲ ରେ ଶ୍ରୀ ଜୈନ ନିଜର କାର୍ଯ୍ୟଶୈଳୀ ଓ ଦକ୍ଷତା ପାଇଁ(best work award ) ଓଡିଶା ପୋଲିସ ମହାନିର୍ଦେଶକ ଙ୍କ ଠାରୁ ପାଇଥିଲେ ସନମାନ ଓ ମାନପତ୍ର l

କର୍ତବ୍ୟ ସମ୍ପାଦନ ବେଳେ ସାଧାରଣ ଜନତା ପୋଲିସ କୁ ସହଯୋଗ ର ହାତ ବଢ଼ାଇବାକୁ ସେ ନୟାଗଡ ଜିଲ୍ଲା ବାସିଙ୍କୁ ନେବେଦନ କରିଛନ୍ତି l ଶ୍ରୀ ଜୈନ ଜଣେ ସରଳ, ଶାନ୍ତ ଓ ମିଷ୍ଟିଭାସି ପାରାୟଣ ର ବ୍ୟକ୍ତିତ୍ୱ କହିଲେ ଅତୁକ୍ତି ହେବ ନାହିଁ l ବାସ୍ତବରେ ଜିଲ୍ଲା ଆରକ୍ଷୀ ଅଧିକ୍ଷକ ଙ୍କୁ ନେଇ ନୟାଗଡ ଜିଲ୍ଲାବାସି ଏବେ ଗର୍ବ ଅନୁଭବ କରୁଛନ୍ତି l