ଭାରତୀୟ ଜାତୀୟ ମୋଟରସାଇକଲ୍ ରେସିଂ ଚାମ୍ପିଆନ୍ସିପ୍ରେ ଆଇଡେମିସୁ ହୋଣ୍ଡା ଏସ୍କେ୬୯ ରେସିଂ ଟିମ୍ର ରାଜୀବ ସେତୁଙ୍କ ଚମ୍ତ୍କାର ପ୍ରଦର୍ଶନ
ବନେଶ୍ୱର: ଚେନ୍ନାଇର ମାଡ୍ରାସ ମୋଟର ରେସ୍ ଟ୍ରାକ୍ରେ ଚାଲିଥିବା ଭାରତୀୟ ଜାତୀୟ ମୋଟରସାଇକଲ୍ ରେସିଂ ଚାମ୍ପିଆନ୍ସିପ୍ରେ ଆଇଡେମିସୁ ହୋଣ୍ଡା ଏସ୍କେ୬୯ ରେସିଂ ଟିମ୍ର ରାଜୀବ ସେତୁ ଚମତ୍କାର ପ୍ରଦର୍ଶନ କରିଛନ୍ତି । ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ରେ ନୂଆ ଚାଳକମାନେ ମଧ୍ୟ ଘରକୁ ଚାମ୍ପିଆନ୍ସିପ୍ ଟ୍ରଫି ନେଇଛନ୍ତି ।
ଜାତୀୟ ଚାମ୍ପିଆନ୍ସିପ୍ର ୨୦୨୧ ସିଜନ୍ରେ ପ୍ରୋ ଷ୍ଟକ୍ ୧୬୫ ସିସି ବର୍ଗରେ ଆଇଡେମିସୁ ହୋଣ୍ଡା ଏସ୍କେ୬୯ ରେସିଂ ଟିମ୍ର ଚାଳକମାନେ ମୋଟ ୯ଟି ପୋଡିୟମ୍ ହାସଲ କରିଛନ୍ତି । ସଦ୍ୟତମ ରେସ୍ରେ ତୃତୀୟ ସ୍ଥାନରେ ରହିଥିବା ରାଜୀବ ସେତୁ ଜାତୀୟ ଚାମ୍ପିଆନ୍ସିପ୍ର ପ୍ରୋଷ୍ଟକ୍ ୧୬୫ ସିସି ବର୍ଗରେ ତୃତୀୟ ସ୍ଥାନ ଦଖଲ କରିଛନ୍ତି ।
ମୋଟୋ୩ ମେସିନ୍ର ବାସ୍ତବ ଶକ୍ତିକୁ ପ୍ରଦର୍ଶନ କରି ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ର ଏନ୍ଏସ୍ଏଫ୍୨୫୦ଆର୍ ଓପନ୍ କ୍ଲାସ୍ରେ ୯ ଜଣ ପରବର୍ତି ପିଢ଼ିର ଚାଳକ ରେସ୍ ଟ୍ରାକ୍ରେ ନିଜର ଶ୍ରେଷ୍ଠ ପ୍ରଦର୍ଶନ କରିବାରେ କୌଣସି ଉଦ୍ୟମକୁ ହାତଛଡ଼ା କରିନାହାନ୍ତି । ସାରା ସିଜନ୍ରେ ନିଜର ଶାନ୍ତ ସ୍ୱଭାବକୁ ବଜାୟ ରଖି କେଭିନ୍ କ୍ୱିଂଟାଲ୍ ଚାମ୍ପିଆନ୍ସିପ୍ର ଟାଇଟଲ୍ ହାସଲ କରିଥିବା ବେଳେ ପୁନେର ସାର୍ଥକ ଚଭନ୍ ଦ୍ୱିତୀୟ ଓ ଭାଲେନଚେରି ର ମୋହସିନ୍ ପି ତୃତୀୟ ସ୍ଥାନରେ ରହିଥିଲେ ।
ସେହିପରି ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ ସିବିଆର୧୫୦ଆର୍ ନୋଭିସ୍ କ୍ଲାସ୍ରେ ୧୨ ଜଣ ଚାଳକ ରେସ୍ ଟ୍ରାକ୍ରେ ବିଶ୍ୱାସ ଓ ଅଭିଳାଷର ସହିତ ସେମାନଙ୍କ ଶ୍ରେଷ୍ଠ ପ୍ରଦର୍ଶନ ଦେଖାଇଥିଲେ । ଏହି ଶ୍ରେଣୀର ବୋକାରୋ ର ପ୍ରକାଶ କାମାତ୍ ଶ୍ରେଷ୍ଠ ସ୍ଥାନ ହାସଲ କରିଥିବା ବେଳେ ଚେନ୍ନାଇର ଦୁଇ ଚାଳକ ରକ୍ଷୀତ ଏସ୍ ଡାଭେ ଓ ଥିଓପଲ୍ ଲିଆଣ୍ଡର ଯଥାକ୍ରମେ ଦ୍ୱିତୀୟ ଓ ତୃତୀୟ ସ୍ଥାନରେ ରହିଛନ୍ତି ।
ରେସ୍ ସମ୍ପର୍କରେ ଶ୍ରୀଯୁକ୍ତ ପ୍ରଭୁ ନାଗରାଜ୍, ବରିଷ୍ଠ ଉପସଭାପତି-ବ୍ରାଣ୍ଡ୍ ଆଣ୍ଡ୍ କମ୍ୟୁନିକେସନ୍, ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ କହିଛନ୍ତି ଯେ, “ଆମ ଚାଳକ ରାଜୀବ ସେତୁଙ୍କ ପ୍ରଶଂସାଯୋଗ୍ୟ ପ୍ରଦର୍ଶନକୁ ନେଇ ମୁଁ ବହୁତ ଖୁସି ଯିଏ ଆମର ଲକ୍ଷ୍ୟ ହାସଲ କରିବା ଏବଂ ଜାତୀୟ ଚାମ୍ପିଆନ୍ସିପ୍ରେ ତୃତୀୟ ସ୍ଥାନ ହାସଲ କରିବା ରାସ୍ତାରେ ରଖିଥିଲେ । କେଭିନ୍ କ୍ୱିଂଟାଲ୍ ଓ ପ୍ରକାଶ କାମାତ୍ ଙ୍କୁ ଦେଖି ମୁଁ ବହୁତ ଖୁସି ଯେଉଁମାନେ ବାସ୍ତବ ପ୍ରତିଭା ପ୍ରଦର୍ଶନ କରି ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ର ଏନ୍ଏସ୍ଏଫ୍ ୨୫୦ଆର୍ ଓ ସିବିଆର୍୧୫୦ଆର୍ ବର୍ଗରେ ବିଜୟୀ ହୋଇଛନ୍ତି । ନୂତନ ଭାବେ ଉପସ୍ଥାପନ କରାଯାଇଥିବା ଆମର ହୋଣ୍ଡା ହର୍ନେଟ୍ ୱାନ୍ ମେକ୍ ରେସ୍ ୨.୦ ପ୍ରତି ମଧ୍ୟ ଆମେ ଜବରଦସ୍ତ ସମର୍ଥନ ହାସଲ କରିଥିଲୁ । ନିଜର ଶ୍ରେଷ୍ଠ ପ୍ରଦର୍ଶନ କରିଥିବା ଚାଳକମାନଙ୍କୁ ମୁଁ ଅଭିନନ୍ଦନ ଜଣାଉଛି ଏବଂ ୨୦୨୨ ସିଜନ୍ରେ ଆମେ ଆହୁରି ରୋମାଂଚ ନେଇ ପୁଣି ଥରେ ଫେରିବୁ ।’’
