ଦୁର୍ଲଭ ମଣ୍ଡିବା ସଂକ୍ରମଣରେ ଭୋଗୁଥିବା ଗୃହଣୀଙ୍କ ମୁହଁରେ ଫେରିଲା ହସ
ଭୁବନେଶ୍ୱର ,ପ୍ରବାହ ନ୍ୟୁଜ୍ : ୫୦ ବର୍ଷ ବୟସରେ ଶ୍ରୀମତି ଗୀତା ରାଣୀ (ନାମ ପରିବର୍ତ୍ତନ) ଏକ ସୁସ୍ଥ, ସୁନ୍ଦର ଓ ଖୁସି ପୂର୍ଣ୍ଣ ଜୀବନ ଅତିବାହିତ କରୁଥିଲେ । ଭୁବନେଶ୍ୱରରେ ଜନ୍ମ ଓ ବଡ଼ ହୋଇଥିବା ଗୀତା ଜୀବନର ବଡ଼ ଅଂଶ ଗୃହଣୀ ଭାବରେ ତାଙ୍କ ପରିବାର ପାଇଁ ନିରବଛିନ୍ନ ଭାବେ ସେବା କରିଥିଲେ । କିନ୍ତୁ ଜୀବନ ଏକ ଅପେକ୍ଷିତ ମୋଡ଼ ନେଲା ଯେତେବେଳେ ତାଙ୍କ ସ୍ୱାସ୍ଥ୍ୟ ଜଟିଳତା ଆରମ୍ଭ ହେଲା—ପ୍ରଥମେ COVID-19 ଆକ୍ରାନ୍ତ ହେବା, ତା’ପରେ Mucormycosis (କଳା ଫୁଙ୍ଗସ୍ ସଂକ୍ରମଣ ) ରୋଗରେ ଆକ୍ରାନ୍ତ ହୋଇ ଅପରେସନ୍ କରାଇବାକୁ ପଡ଼ିଲା । ଏହାର କିଛି ଦିନ ମଧ୍ୟରେ ତାଙ୍କର ପୁଣି ଏକ ନୂଆ ସ୍ୱାସ୍ଥ୍ୟ ସମସ୍ୟା ଦେଖାଦେଲା । ତାଙ୍କର ଉପର ମାଢ଼ିରେ ଭୀଷଣ ଯନ୍ତ୍ରଣା ହେବା ସହିତ ଅନବରତ ର୍ଦୁଗନ୍ଧ ହେଉଥିଲା ଯାହା ଫଳରେ ସେ କାହାଁ ସହିତ ମିଶିବାକୁ ଇଛା କରୁନଥିଲେ ।
ସମୟ ବଢ଼ିବା ସହିତ ତାଙ୍କ ସ୍ୱାସ୍ଥ୍ୟବସ୍ଥା ଅଧିକ ଖରାପ ହୋଇଗଲା ଯେ ସେ ନିଜ ଦୈନିକ କାମ ମଧ୍ୟ କରି ପାରିପାରୁ ନଥିଲେ ଏବଂ ସମ୍ପୂର୍ଣ୍ଣ ଭାବେ ବିଚ୍ଛିନ୍ନ ହୋଇପଡ଼ିଲେ । ଫଳରେ ତାଙ୍କ ପରିବାର ସଦସ୍ୟ ମାନେ ଅଧିକ ସମୟ ନଷ୍ଟ ନକରି, ଭୁବନେଶ୍ୱର ଖଣ୍ଡଗିରି ସ୍ଥିତି ମଣିପାଲ ହସ୍ପିଟାଲର ଡେଣ୍ଟାଲ ଓ ମ୍ୟାକ୍ସିଲୋ-ଫେସିଆଲ୍ ସର୍ଜନ ଡାକ୍ତର ହର୍ଷ ମୋହନ ପାଠକଙ୍କ ସହିତ ପରାମର୍ଶ ନେଲେ । ଡାକ୍ତରୀ ପରୀକ୍ଷା ପରେ ଜଣା ପଡିଥିଲା ଯେ, ତାଙ୍କର ବାମ ପାର୍ଶ୍ୱର ଉପର ମଣ୍ଡିବା ହାଡ଼ (ଲେଫ୍ଟ୍ ମ୍ୟାକ୍ସିଲା) ସଂକ୍ରମଣ ଦ୍ୱାରା ସଂପୂର୍ଣ୍ଣ ଭାବେ ନଷ୍ଟ ହୋଇଯାଇଛି, ଯାହାରୁ ପୁଜ ପଡ଼ୁଥିଲା ଏବଂ ମ୍ୟାକ୍ସିଲା ଓ ମ୍ୟାକ୍ସିଲେରୀ ସାଇନସ୍ ରୁ ଡ୍ରେନ୍ ହେଉଥିଲା । ସେ ହେମୋଲିଟିକ୍ ଆନିମିଆ ରୋଗରେ ମଧ୍ୟ ଭୋଗିଥିଲେ — ଏହା ଏକ ଏମିତି ଅବସ୍ଥା, ଯେଉଁଠି ଦେହ ନିଜ ରକ୍ତର ଲାଲ ରକ୍ତ କଣିକା (RBC)) ଉପରେ ଭୁଲ୍ ବାବରେ ଆକ୍ରମଣ କରେ, ଫଳରେ ସେମାନଙ୍କର ଅପେକ୍ଷାକୃତ ଆଗରୁ ମୃତ୍ୟୁ ଘଟେ ଓ ହେମୋଗ୍ଲୋବିନ୍ ର ତଳ ସ୍ତରକୁ ନେଇଯାଏ । ଏହି ଅବସ୍ଥା ତାଙ୍କ ସ୍ୱାସ୍ଥ୍ୟକୁ ଅଧିକ ଗୁରୁତର କରିଦେଲା ଡାକ୍ତର ମାନେ ଏକ ନିଷ୍ପତ୍ତିମୂଳକ ଚିକିତ୍ସା ଯୋଜନା ନେବାକୁ ଚାହିଁଥିଲେ, ଯାହା ଏହି ସମୟର ଆବଶ୍ୟକତା ଥିଲା ।
ରୋଗୀଙ୍କର ଯଥେଷ୍ଟ ଜଟିଳତା ସତ୍ୱେ, ଡାକ୍ତର ପାଠକ ଓ ତାଙ୍କ ଦଳ ରୋଗୀଙ୍କ ଜୀବନ ରକ୍ଷା କରିବା ପାଇଁ ଏକ ସର୍ଜରୀ ପ୍ଲାନ୍ କରିଥିଲେ । ଏହା ଏକ ସଂପୂର୍ଣ୍ଣ ବାମପାର୍ଶ୍ୱୀୟ ମ୍ୟାକ୍ସିଲେକ୍ଟୋମି , ତାପରେ ଦୁଷିତ ହାଡ଼ ଓ ଇନଫେକ୍ସନ୍ ସଫା କରିବା ପାଇଁ ଡିବ୍ରାଇଡମେଣ୍ଟ୍ କରାଯାଇଥିଲା । ଏହି ଶଲ୍ୟ ଚିକିତ୍ସା ବିଶେଷ ଜଟିଳ ଥିଲା ଏବଂ ପ୍ରତ୍ୟେକ ପଦକ୍ଷେପରେ ଅତ୍ୟନ୍ତ ସାବଧାନିତା ଅବଳମ୍ବନ କରାଯାଇଥିଲା । ମାଢ଼ିର କାର୍ଯ୍ୟ ଓ ସୌନ୍ଦର୍ଯ୍ୟ ପୁନଃସ୍ଥାପିତ କରିବା ପାଇଁ, ଗାଲର (buccal) ତନ୍ତୁ ବ୍ୟବହାର କରାଯାଇ ସର୍ଜିକାଲ୍ ଏରିଆକୁ କାଢ଼ି ଓ ପୁନଃନିର୍ମାଣ କରାଯାଇଥିଲା, ଯାହା ତାଙ୍କୁ ଭଲ କରିବାକୁ ସାହାର୍ଯ୍ୟ କରିଥିଲା
ଡାକ୍ତର ହର୍ଷ ମୋହନ ପାଠକ କହିଲେ, “ଏହି ମାମଲା ଅସାଧାରଣ ଭାବରେ ଦୁର୍ଲଭ ଓ ଚ୍ୟାଲେଞ୍ଜିଂ ଥିଲା, କାରଣ ଏଠାରେ ଆମେ ହେମୋଲିଟିକ୍ ଅନିମିଆ ଓ ପୋଷ୍ଟ-ମୁକରମାଇକୋସିସ ଜଟିଳତା ସହିତ ବହୁ ପ୍ରଣାଳୀ ଗତ ସମସ୍ୟା ଗୁଡିକୁ ଧ୍ୟାନରେ ରଖିବାକୁ ପଡ଼ିଥିଲା । ତଥାପି, ସାବଧାନ ଯୋଜନା ଓ ସଠିକ୍ ଅପରେସନ୍ ଦ୍ୱାରା ଆମେ ତାଙ୍କର ମାଢ଼ିକୁ ପୁନଃସ୍ଥାପିତ କରିପାରିଛୁ ।”
ଅପରେସନ୍ ପରେ, ରୋଗୀ ସୁସ୍ଥତା ଅନୁଭବ କରିଥିଲେ । ଯାହା ତାଙ୍କ ଦୀର୍ଘଦିନ ଧରି ଥିବା ଇନଫେକ୍ସନ୍କୁ ଠିକ୍ କରିବା ସହିତ , ଜଣେ ସାଧାରଣ ବ୍ୟକ୍ତିଙ୍କ ଭଳୀ କଥା ହେବା ଓ ଖାଦ୍ୟକୁ ଚୋବାଇ ଖାଇବା ଓ ଖାଦ୍ୟକୁ ଉପଭୋଗ କରିପାରୁଛନ୍ତି । ବର୍ତ୍ତମାନ ସେ ଏକ ଯନ୍ତ୍ରଣାକୁ ଜୀବନ ଅତିବାହିତ କରିବା ସହିତ ପୂର୍ବଭଳି ସମସ୍ତ ସହିତ ମିଳିମିଶି ପାରୁଛନ୍ତ ।
