କେବେ ସୁଧୁରିବେ ବାହୁବଳୀ

ଖୋର୍ଦ୍ଧା(ଜିତେନ୍ଦ୍ର କୁମାର ମାନସିଂହ) ପ୍ରବାହ ନ୍ୟୁଜ୍ : ଗଣତନ୍ତ୍ରରେ ଗଣମାଧ୍ୟମର ଭୂମିକା ମହତ୍ୱପୁର୍ଣ୍ଣ । ରାଜନୈତିକ ନେତାମାନଙ୍କ ଉପରେ ଜନସାଧାରଣ ଓ ଗଣମାଧ୍ୟମ ତିକ୍ଷ୍ନ ନଜର ରଖିଥାନ୍ତି । ସାମ୍ବାଦିକ ଓ ରାଜନେତା ଏକ ଏକ୍ଷ୍ମଣ ରେଖା ମଧ୍ୟରେ ରହି କାର୍ଯ୍ୟ କରିବା ଉଚିତ୍ । ରାଜନେତାଙ୍କ ପ୍ରତ୍ୟୋକ କାର୍ଯ୍ୟକୁ ଜନ ସାଧାରଣଙ୍କ ପାଖରେ ସାମ୍ବାଦିକଟିଏ ପହଞ୍ଚାଇଥାଏ । ସମସ୍ତେ ନିଜ ନିଜର ପରିସର ଭିତରେ ରହି କାର୍ଯ୍ୟ କରିଥାନ୍ତି । କିନ୍ତୁ ବାହୁବଳୀ ନେତା ପ୍ରଶାନ୍ତ ଜଗଦେବ ସାମ୍ବାଦିକଙ୍କର କାର୍ଯ୍ୟକଳାପ ଉପରେ ହସ୍ତକ୍ଷେପ କରିବା, ଗୁଣ୍ଡଗର୍ଦ୍ଦୀ ଦେଖାଇବା, ମୁବାଇଲ ଛଡ଼ାଇବା, ଓ ଅଶାଳିନ ମନ୍ତବ୍ୟ ଦେବା ଏହା ଏକ ରାଜନେତାକୁ ଶୋଭା ପାଏନି । ଖୋର୍ଦ୍ଧାର ବରିଷ୍ଠ ସାମ୍ବାଦିକ ପ୍ରକାଶ ହାତୀଙ୍କ ପ୍ରତି ଶ୍ରୀ ଜଗଦେବଙ୍କର ଏଭଳି ବ୍ୟବହାର ଓଡ଼ିଶା ତଥା ଭାରତ ବର୍ଷର ସାମ୍ବାଦିକଙ୍କୁ ଅପମାନିତ କହିଛି । ସବୁଠାରୁ ବଡ଼ ଦୁଖଃ ଓ ପରୀତାପର ବିଷୟ ବିଜେପି ଦଳର ବରିଷ୍ଠ ନେତା ଓ ଖୋଦ୍ ସାଂସଦ ଅପରାଜିତା ଷଡ଼ଙ୍ଗୀଙ୍କ ନୀରବତା ଅନେକ ପ୍ରଶ୍ନବାଚୀ ସୃଷ୍ଟିକରୁଛି । ଯଦିଓ ଏନେଇ ଖୋର୍ଦ୍ଧା ଏସପି ଓ ଓଡ଼ିଶା ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ ହୋଇଛି ତାହାର ପଦକ୍ଷେପ କ’ଣ ନିଆଯାଉଛି ତାହାକୁ ଭାରତବର୍ଷର ସାମ୍ବାଦିକମାନେ ଚାହିଁ ବସିଛନ୍ତି ।