ବିଶ୍ୱ ଜଳ ଦିବସ: ବେଦାନ୍ତ ଆଲୁମିନିୟମ ଆର୍ଥିକବର୍ଷ ୨୪ରେ ୧୫ ବିଲିୟନ ଲିଟର ଜଳ ପୁନଃବ୍ୟବହାର କରିଛି
ଭୁବନେଶ୍ୱର : ବେଦାନ୍ତ ଆଲୁମିନିୟମ ଭାରତର ବୃହତ ଆଲୁମିନିୟମ ଉତ୍ପାଦକ ବିଶ୍ୱ ଜଳ ଦିବସ ଅବସରରେ ଶାନ୍ତି ପାଇଁ ଜଳ ବିଷୟବସ୍ତୁ ଆଧାରରେ ଆର୍ଥିକ ବର୍ଷ ୨୪ରେ ଏହାର କାର୍ଯ୍ୟ ପାଇଁ ୧୫ ବିଲିୟନ ଲିଟରରୁ ଅଧିକ ଜଳ ପୁନଃବ୍ୟବହାର କରିଥିବା ଘୋଷଣା କରିଛି, ଯାହାକି ପ୍ରାୟ ୬,୦୦୦ ଅଲିମ୍ପିକ୍ ଆକାରର ସୁଇମିଂ ପୁଲ୍ ସହିତ ସମାନ ହେବ । ଏହା ସହିତ ଏହି ଅବଧିରେ ୬୦ଟିରୁ ଅଧିକ ଜଳାଶୟର ପୁନଃସ୍ଥାପିତ କରିଛି । କୋରବା, ଛତିଶଗଡ଼ରେ ୪୭ଟି ଝାରସୁଗୁଡ଼ାରେ ୧୦ଟି ଓ ଲାଞ୍ଜିଗଡ଼ରେ ୩ଟି ଜଳର ସ୍ଥାୟୀ ବ୍ୟବସ୍ଥା ପାଇଁ ପଦକ୍ଷେପ ନେଇଛି । ଏହା ବ୍ୟତୀତ ୨୦୩୦ ସୁଦ୍ଧା ନିଟ ୱାଟର ପଜିଟିଭ ହେବା ଦିଗରେ କଂପାନି ମଧ୍ୟ ମଧୁର ଜଳ ଉତ୍ସକୁ ୧୧% କମାଇବାରେ ସକ୍ଷମ ହୋଇଛି ।
ଏହି ଅବସରରେ କମ୍ପାନୀ ବିଶ୍ୱସ୍ତରିୟ ଆଲୁମିନା ବିଶୋଧନାଗାର ଲାଞିଗଡ଼ରେ ଚାଲିଥିବା ତିନୋଟି ପ୍ରମୁଖ ଜଳ ପରିଚାଳନା ପଦକ୍ଷେପକୁ ଓଡିଶାର ସୁନ୍ଦରଗଡର ଜାମଖାନୀ ଠାରେ ଖଣି କାର୍ଯ୍ୟରେ ଏବଂ ଭାରତର ଆଇକନିକ ଆଲୁମିନିୟମ ଉତ୍ପାଦକ ଛତିଶଗଡର କୋରବାରେ ଅବସ୍ଥିତ ବାଲକୋରେ ଉନ୍ମୋଚନ କରିଛି ।
ପ୍ରଥମଟି ହେଉଛି ସଙ୍ଗମ ଏକ ସମନ୍ୱିତ ୱାଟରହେଡ ଓ ଲାଇଭଲିହୁଡ ପ୍ରକଳ୍ପ ଯାହା ଅଂଶଗ୍ରହଣକାରୀ ଆଭିମୁଖ୍ୟ ଅନୁସାରେ ଗ୍ରାମୀଣ ଜୀବିକା ବୃଦ୍ଧି ପାଇଁ ବୈଷୟିକ ସମର୍ଥିତ ଓ ଲାଂଜିଗଡ଼ର ୪୧ଟି ଗ୍ରାମରେ ଜଳ ଭିତିକ ସଂପଦ ସୃଷ୍ଟିରେ ସହାୟକ ହୋଇପାରିବ । ଏହି ପ୍ରକଳ୍ପ ଜଳ ସଂରକ୍ଷଣ ସମ୍ଭାବନା ଓ ଭୂତଳ ଜଳ ଚିଚାର୍ଜ ହାର ବୃଦ୍ଧି କରି ଏହି ଅଂଚଳରେ ୩୫୦୦ଏକରରୁ ଅଧିକ ଜମିରେ ଜଳସେଚନ ସୁବିଧା ଆଣିବ ଯାହାଦ୍ୱାରା ୨୨,୦୦୦ ଲୋକ ଉପକୃତ ହୋଇପାରିବେ ।
ନିରନ୍ତର ଜଳ ପରିଚାଳନାକୁ ଉତ୍ସାହିତ କରିବା ଲାଗି ଜାମଖାନି ମାଇନସ ଟିମ ବର୍ଷକୁ ୧.୪ ଲକ୍ଷ ଘନ ମିଟର କ୍ଷମତାର ୨ଟି ପୋଖରୀ ସହ ବର୍ଷାଜଳ ସଂରକ୍ଷଣ ସୁବିଧା ସୃଷ୍ଟି କରିଛି । ଏହା ଭୂତଳ ଜଳ ରିଚାର୍ଜ ସହ ଗୁରୁତ୍ୱପୂର୍ଣ୍ଣ ଜଳ ଭଣ୍ଡାର ଭାବେ କାର୍ଯ୍ୟ କରିବ ।
ଏହା ବ୍ୟତୀତ ବାଲକୋ ଏହାର କାର୍ଯ୍ୟ ମଧ୍ୟରେ କ୍ଲାରିଫାୟର ଓ ଫିଲଟରେସନ ସିଷ୍ଟମ ସ୍ଥାପନ କରିଛି । ଏହି ପ୍ରଣାଳୀ କୋଇଲା ମିଶ୍ରିତ ଜଳର ଉପଚାର କରିପାରିବ । ୧.୪୬ ନିୟୁତ ଘନମିଟରରୁ ଅଧିକ ଜଳର ଉପଚାର ତଥା ପୁନଚକ୍ରଣରେ ସହାୟକ ହେବ ।
ଦକ୍ଷ ଜଳ ପରିଚାଳନା ପାଇଁ କମ୍ପାନିର ପ୍ରତିବଦ୍ଧତା ବିଷୟରେ ମତ ଦେଇ ବେଦାନ୍ତ ଆଲୁମିନିୟମର ସିଇଓ ଜନ ସ୍ଲାଭେନ କହିଛନ୍ତି ଯେ ଆମେ ଏକ ସ୍ଥାୟୀ ଭବିଷ୍ୟତ ଲାଗି ଜଳ ଭଣ୍ଡାରକୁ ସୁରକ୍ଷିତ ରଖିବା ପାଇଁ ବିଶେଷ ଧ୍ୟାନ ଦେଉଛୁ । ଏଥିପାଇଁ ଆମେ ୨୦୩୦ ସୁଦ୍ଧା ନିଟ ଜଳ ସକାରତ୍ମକତା ହାସଲ କରିବା ଲାଗି ଏକ ନିରନ୍ତର ପ୍ରୟାସ ଜାରୀ ରଖିଛୁ । ଜଳ ସଂରକ୍ଷଣ ତଥା ଆମର ବିଦ୍ୟମାନ ପୋଷଣ ଆବଶ୍ୟକତା ଉପରେ ଅଧିକ ସଚେତନତା ବିସ୍ତାର କରି ଜଳ ସୁରକ୍ଷା କାର୍ଯ୍ୟ ପ୍ରତି ସଚେତନ ଅଛୁ ।
ଉତମ ଜଳ ପରିଚାଳନା ପାଇଁ ବିଶ୍ୱସ୍ତରୀୟ ଆହ୍ୱାନ ସହିତ ସିଙ୍କରେ ବେଦାନ୍ତ ଆଲୁମିନିୟମ ଦାୟିତ୍ୱପୂର୍ଣ୍ଣ ଜଳ ପରିଚାଳନା ଓ ଏହାର କାର୍ଯ୍ୟରେ ଜଳ ସଂରକ୍ଷଣର ଆବଶ୍ୟକତା ଉପରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଛତିଶଗଡ଼ ଓ ଓଡ଼ିଶାରେ ଏହାର କାର୍ଯ୍ୟସୂଚୀ ଅନୁସାରେ କମ୍ପାନି ଏହି ବର୍ଷ ୬ଟି ଚେକ ଡ୍ୟାମ ସହ ୬୦ଟି ଗୋଷ୍ଠୀ ପୋଖରୀ ଖନନ, ସଫା କରିବା ପ୍ରଭୃତି କାର୍ଯ୍ୟ କରିଛି ।
ଏହା ବ୍ୟତୀତ ଜଳ ପରିଚାଳନା ଦିଗରେ ଏକ ବିଶେଷଜ୍ଞଙ୍କ ନେତୃତ୍ୱରେ ୱେବିନାର ପରି କାର୍ଯ୍ୟକ୍ର୍ରମ, କର୍ମଶାଳା ଆୟୋଜନ କରାଯାଇଥିଲା । କର୍ମଚାରୀ ସ୍ୱେଛାସେବୀ ଗୋଷ୍ଠୀରେ ଥିବା ବ୍ୟକ୍ତିମାନେ ପୋଖରୀ ପୁନରୁଦ୍ଧାର କାର୍ଯ୍ୟରେ ଯୋଗ ଦେଇ ବର୍ଷାଜଳ ଅମଳ ସଂରଚନାକୁ ନବୀକରଣ କରିଥିଲେ । ଏହା ସହିତ ଗୋଷ୍ଠୀ, ବିଦ୍ୟାଳୟର ସ୍କୁଲ ଛାତ୍ର ଛାତ୍ରୀଙ୍କୁ ଜଳ ସଂରକ୍ଷଣର ମହତ୍ୱ ଉପରେ ସଚେତନ କରାଯାଇଥିଲା ।
ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୩ ରେ ୨.୨୯ ନିୟୁତ ଟନ୍ ଆଲୁମିିନିୟମ ଉତ୍ପାଦନ କରିଥିବା ସଂସ୍ଥା । ବେଦାନ୍ତ ଆଲୁମିନିୟମ ଏସଆଣ୍ଡପି ଗ୍ଲୋବାଲ କର୍ପୋରେଟ ସସଟାନବିଲିଟି ଆସସମେଂଟ ୨୦୨୩ରେ ଆଲୁମିନିୟମ ଉଦ୍ୟୋଗ ପାଇଁ ପ୍ରଥମ ର୍ୟାଙ୍କ ଧାରୀ ଆଖ୍ୟା ଅର୍ଜନ କରିଛି ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା । ବେଦାନ୍ତର ବିଶ୍ୱ ଶ୍ରେଣୀୟ ଆଲୁମିନିୟମ ସ୍ମେଲଟର, ଆଲୁମିନିୟମ ରିଫାଇନାରୀ ଓ ପାୱାରପ୍ଲାଂଟର ଅତ୍ୟାଧୁନିକ ସୁବିଧା, ଦକ୍ଷ ଇଂଜିନିୟରିଂ ଶକ୍ତିକୁ ନେଇ ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।
