ବେଦାନ୍ତ ଲାଞ୍ଜିଗଡ ପକ୍ଷରୁ କଳାହାଣ୍ଡି ଓ ରାୟଗଡ଼ାର ୬୪ଟି ଗ୍ରାମରେ ପ୍ରାୟ ୮୦% ମ୍ୟାଲେରିଆ ହ୍ରାସ କରିବାରେ ସହଯୋଗ
ବିଶ୍ୱ ମ୍ୟାଲେରିଆ ଦିବସରେ କମ୍ପାନି ଏହି ଅଂଚଳର ୧୩ଟି ଗ୍ରାମରେ ଜନ ସଚେତନତା ଅଭିଯାନ ପରିଚାଳନା କରିଛି
ଲାଞ୍ଜିଗଡ଼,୧୬ ମେ, ୨୦୨୩ : ଭାରତର ଅଗ୍ରଣୀ ମେଟାର୍ଲଜିକାଲ ଗ୍ରେଡ ଆଲୁମିନା ଉତ୍ପାଦନକାରୀ ବେଦାନ୍ତ ଲିମିଟେଡ ଦ୍ୱାରା କଳାହାଣ୍ଡି ଓ ରାୟଗଡ଼ା ଜିଲ୍ଲାରେ ମ୍ୟାଲେରିଆ ପ୍ରତିରୋଧ ପାଇଁ ଗୋଷ୍ଠୀ ସଚେତନତା ଦିଗରେ ବ୍ୟାପକ ପଦକ୍ଷେପ ଗ୍ରହଣ କରିଛି । ବିଶ୍ୱ ମ୍ୟାଲେରିଆ ଦିବସରେ କମ୍ପାନି ଲାଞ୍ଜିଗଡ଼ର ବେଦାନ୍ତ ହସପିଟାଲର ମେଡିକାଲ ବିଶେଷଜ୍ଞଙ୍କ ନେତୃତ୍ୱରେ ୧୩ ଟି ଗ୍ରାମରେ ସଚେତନତା ଅଭିଯାନ ଆରମ୍ଭ କରିଥିଲା ।
ଏହି କାର୍ଯ୍ୟକ୍ରମରେ ମଶାରିକୁ କିପରି ସଠିକ ଭାବେ ବ୍ୟବହାର କରାଯିବ ସେ ସଂପର୍କରେ ଏକ ପ୍ରଦର୍ଶନୀ ଓ ମଶା ପ୍ରଜନନର ସାଧାରଣ ସ୍ଥାନ ବିଷୟରେ ଲୋକମାନଙ୍କୁ ସୂଚନା ଦିଆଯାଇଥିଲା । ଆଖପାଖକୁ ପରିଷ୍କାର ରଖିବା ଓ ଅଟକି ରହିଥିବା ଜଳ ଓ ବର୍ଜ୍ୟବସ୍ତୁକୁ ମୁକ୍ତ ରଖିବା ଉପରେ ଅଧିବେଶନରେ ଗୁରୁତ୍ୱ ଦିଆଯାଇଥିଲା । ଗୋଷ୍ଠୀର ଲୋକମାନଙ୍କୁ ମଶାରି ବଂଟନ କରାଯାଇଥିଲା ।
ମ୍ୟାଲେରିଆ ଦୂର ପାଇଁ ବେଦାନ୍ତ ଲାଞ୍ଜିଗଡ଼ର ମିଶନ ୨୦୧୦ରେ ଆରମ୍ଭ ହୋଇଥିଲା, ଯେତେବେଳେ ଏହି ଅଂଚଳରେ ମ୍ୟାଲେରିଆ କେଶ ଅତ୍ୟଧିକ ମାତ୍ରାରେ ରହିଥିଲା ଓ ଲୋକମାନଙ୍କ ମୃତ୍ୟୁହାର ଅଧିକ ଥିଲା । ଗୁଣାତ୍ମକ ଚିକିତ୍ସା ପାଇଁ ତତ୍ପରତାକୁ ସ୍ୱୀକାର କରି କମ୍ପାନି ନିୟମିତ ବ୍ୟବଧାନରେ ସ୍ୱାସ୍ଥ୍ୟ ଶିବିର ଓ ଗୋଷ୍ଠୀ ମଧ୍ୟରେ ସଚେତନତା କାର୍ଯ୍ୟକ୍ରମ ଆରମ୍ଭ କଲା ଓ ଦୂର ଅଂଚଳ ଗୁଡ଼ିକ ପାଇଁ ଏମଏଚୟୁ ନିୟୋଜିତ କଲା । ଏହି ସମୟରେ ମଧ୍ୟ ଲାଞ୍ଜିଗଡ଼ରେ ଡାକ୍ତରଖାନା ପ୍ରତିଷ୍ଠିତ ହେଲା । ଯାହା ଆଜି ଏ ଅଂଚଳର ଲୋକମାନଙ୍କୁ ବ୍ୟାପକ ଚିକିତ୍ସା ସେବା ଯୋଗାଉଛି ଓ ପ୍ରତିବର୍ଷ ୬୦,୦୦୦ ଲୋକ ଚିକିତ୍ସା ସେବା ଉପଲବ୍ଧ କରୁଛନ୍ତି । ମିଳିତ ଭାବେ ପ୍ରୟାସ ଦ୍ୱାରା ମ୍ୟାଲେରିଆ ୭୯% ହ୍ରାସ ପାଇଛି ଓ ଆର୍ଥିକ ବର୍ଷ ୨୩ରେ ୨୫୧ଟି ମାମଲା ରେକର୍ଡ଼ ହୋଇଛି ।
ମ୍ୟାଲେରିଆ ଦୂରୀକରଣ ଲକ୍ଷ୍ୟ ବିଷୟରେ ଶ୍ରୀ ଜି.ଜି ପାଲ ଡେପୁଟି ସିଇଓ, ଆଲୁମିନା ବିଜିନେସ, ବେଦାନ୍ତ ଲିମିଟେଡ କହିଛନ୍ତିଯେ ଲାଞ୍ଜିଗଡ଼ର ବେଦାନ୍ତ ଲିମିଟେଡ ପାଇଁ ଗୋଷ୍ଠୀର ସ୍ୱାସ୍ଥ୍ୟ ସର୍ବଦା ପ୍ରମୁଖ ବିଷୟ ହୋଇ ରହିଛି । ଦୀର୍ଘସ୍ଥାୟୀ ଉନ୍ନତି ଓ ବ୍ୟାପକ ସ୍ୱାସ୍ଥ୍ୟ ସେବା ପ୍ରଦାନ ଆମର ଲକ୍ଷ୍ୟ । ଆମର ଡାକ୍ତରୀ ଦଳ, କର୍ମଚାରୀ, ସ୍ୱେଛାସେବୀ ଓ ଏସଏଚଜି ସହଭାଗୀମାନେ ସର୍ବଦା ଧ୍ୟାନ ପ୍ରଦାନ କରୁଛନ୍ତି ଏହି ଅଂଚଳକୁ ସଂପୂର୍ଣ୍ଣ ମ୍ୟାଲେରିଆ ମୁକ୍ତ କରିବା ପାଇଁ ଆମେ ଲକ୍ଷ୍ୟ ରଖିଛୁ ।
ଗୋଷ୍ଠୀ ଉପରେ ପ୍ରକଳ୍ପର ପ୍ରଭାବ ସଂପର୍କରେ ମତ ଦେଇ ଶ୍ରୀ ସଞ୍ଜୀବ ନାଏକ, ଉପାଧ୍ୟକ୍ଷ, ଲାଞ୍ଜିଗଡ଼ ବ୍ଲକ କହିଛନ୍ତିଯେ-ପୂର୍ବରୁ ଆମର ଦୂରବର୍ତି ଅଂଚଳର ଲୋକମାନଙ୍କ ପାଇଁ ସ୍ୱାସ୍ଥ୍ୟ ସେବା ମିଳୁନଥିଲା । ବେଦାନ୍ତ ଦ୍ୱାରା ଲାଂଜିଗଡ଼ରେ ହସପିଟାଲ ପ୍ରତିଷ୍ଠା ହେବା ଦ୍ୱାରା ଏଠାରେ ସବୁ ପ୍ରକାର ଚିକିତ୍ସା ସୁବିଧା ମିଳିପାରୁଛି । ମୋବାଇଲ ହେଲଥ ୟୁନିଟ ଗୁଡ଼ିକ କ୍ରମାଗତ ଭାବରେ ଗ୍ରାମକୁ ଆସି ଲୋକମାନଙ୍କୁ ସ୍ୱାସ୍ଥ୍ୟସେବା ଯୋଗାଉଛନ୍ତି ଓ ସଚେତନତା କାର୍ଯ୍ୟକ୍ରମ ଆୟୋଜିତ ହେଉଛି । ବର୍ତମାନ ଆମେ ଆଗ ଅପେକ୍ଷା ଉନ୍ନତ ସ୍ୱାସ୍ଥ୍ୟସେବା ସୁବିଧା ପାଇପାରୁଛୁ ।
ବେଦାନ୍ତ ହସପିଟାଲ ଲାଞ୍ଜିଗଡ଼ରେ ୨୦ ଶଯ୍ୟା ବିଶିଷ୍ଟ ସେବା ସୁବିଧା ମାଗଣାରେ ଉପଲବ୍ଧ ହୋଇଥାଏ । ୬୦ କିମି ମଧ୍ୟରେ ଥିବା ଲୋକମାନେ ଏହି ଡାକ୍ତରଖାନା ଉପରେ ନିର୍ଭର କରନ୍ତି । ଏହା ବ୍ୟତୀତ ଗ୍ରାମାଂଚଳରେ ଆମର ଶିକ୍ଷା, ଜୀବିକା, ତୃଣମୂଳ ସ୍ତରୀୟ କ୍ରୀଡ଼ା ବିକାଶ, କଳା ଓ ସଂସ୍କୃତିର ବିକାଶ ପାଇଁ ବିଭିନ୍ନ ପ୍ରୋତ୍ସାହନ ମୂଳକ କାର୍ଯ୍ୟପନ୍ଥାମାନ ରହିଛି ।
