ଖୋର୍ଦ୍ଧା ପୁରୁଣା ସଦର ଥାନା ଅଞ୍ଚଳରୁ ଯୁବକଙ୍କ ମୃତଦେହ ଉଦ୍ଧାର
ଖୋର୍ଦ୍ଧା :୦୬/୦୭(ପ୍ରବାହ ନିଉଜ୍) ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ପୁରୁଣା ସଦର ଥାନା ନିକଟବର୍ତ୍ତୀ ଭାଲିଆବାଡ଼ି ଗ୍ରାମର ନାରାୟଣ କର ନାମକ ଜଣେ ବ୍ୟକ୍ତିଙ୍କ ଘରେ ଭଡା ସୂତ୍ରରେ ରହୁଥିବା ଜଣେ ଯୁବକଙ୍କ ମୃତ ଦେହକୁ ଟାଉନ ଥାନା ପୋଲିସ ଉଦ୍ଧାର କରିଛି |
ମୃତ ଯୁବକ ଜଣକ ହେଲେ ଗଞ୍ଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ନଥିପୁର ଗ୍ରାମର ସ୍ବର୍ଗତ ଗିରିଧାରୀ ପ୍ରଧାନଙ୍କ ବତିଶି ବର୍ଷୀୟ ଏକମାତ୍ର ପୁଅ ରାଜେଶ କୁମାର ପ୍ରଧାନ ବୋଲି ଜଣାପଡିଛି | ସୂଚନା ଅନୁସାରେ ରାଜେଶ ଦୀର୍ଘଦିନ ଧରି ଭାଲିଆବାଡ଼ି ଅଞ୍ଚଳରେ ଭଡ଼ା ସୂତ୍ରରେ ରହିବା ସହ ଖୋର୍ଦ୍ଧାରେ ଏକ ଘରୋଇ ଫାଇନାନ୍ସ କମ୍ପାନୀରେ କାର୍ଯ୍ୟ କରି ଆସୁଥିଲେ | ତେବେ କୌଣସି କାରଣ ହେତୁ ରାଜେଶ ଗତ ସୋମବାର ବିଳମ୍ବିତ ରାତିରେ ଆତ୍ମହତ୍ୟା କରିଥିବା ନେଇ ଘର ମାଲିକ ଜାଣିବା ପରେ ପୋଲିସକୁ ଖବର ଦେଇଥିଲେ ।
ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଘରର କବାଟ ତାଡି ମଙ୍ଗଳବାର ସକାଳୁ ଝୁଲନ୍ତା ଅବସ୍ଥାରେ ଥିବା ମୃତ ରାଜେଶର ଶବକୁ ଉଦ୍ଧାର କରି ବ୍ୟବଛେଦ ନିମନ୍ତେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିବା ସହ ଶବ ବ୍ୟବଛେଦ ପରେ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିଥିବା ଜଣାପଡିଛି । ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ଏନେଇ ପୋଲିସ ଟାଉନ ଥାନା କେସ ନମ୍ବର ୪୮/୨୧ ରେ ଏକ ଅପମୃତ୍ୟୁ ମାମଲା ରୁଜୁ କରିଛି ।
