ଭିର୍ଣ୍ଣକ୍ଷମ ବାପା-ମାଆ ଛେଉଣ୍ଡ ସୁକୁରମୁନି ସମାଜ ପାଇଁ ସାଜିଛି ବୋଝ

ବଡ଼ବିଲ:(ପ୍ରବାହ ନିଯୁଜ୍) ବୟସ ୩୫ ହେଲେ ଉଚ୍ଚତା ମାତ୍ର ୨ ଫୁଟ। ବଡ଼ବିଲ ପୋୖରାଞ୍ଚଳ, ୧୩ ନମ୍ବର ୱାର୍ଡ, ମନ୍ଦିରହଟିଂରେ, ମାମୁଁ ପୁଅ ଅର୍ଜୁନ ମୁଣ୍ଡାଙ୍କ ପାଖରେ ଆଶ୍ରୟ ନେଇଛି ନିରାଶ୍ରୟ ବାପା-ମାଆ ଛେଉଣ୍ଡ ୩୫ ବର୍ଷର ଶାରୀରିକ ଭିର୍ଣ୍ଣକ୍ଷମ ଅବିବାହିତା ମହିଳା ସୁକୁରମୁନି ମୁଣ୍ଡା। ଦିନମଜୁରିଆ ଭାବେ ମୂଳଲାଗି ତାର ଦୁଇ ସନ୍ତାନ, ସ୍ତ୍ରୀ କୁ ଦିଓଳି ଦୁଇମୁଠା ଖାଇବା ଯୋଗାଡ଼ କରିବାରେ ଅସମର୍ଥ ଥିବା ମାମୁଁ ପୁଅ ଭାଇ ଅର୍ଜୁନ ପାଇଁ ବୋଝ ଉପରେ ନଳିତାବିଡା ସାଜିଛି ସୁକୁରମୁନି।

ସୁକୁରମୁନି ୫ ବର୍ଷର ହୋଇଥିବାବେଳେ ସେ ତା ବାପା ମାଆକୁ ହରାଇଥିବାବେଳେ, ଶରୀରର ଉଚ୍ଚତାରେ ଆଉ ବୃଦ୍ଧି ହୋଇନଥିଲା। ଫଳରେ ଏବେ ସେ ବାମନ ଭଳି ଦେଖାଯାଉଥିବାବେଳେ କେହି ତାକୁ ଦେଖିଲେ ୫/୬ ବର୍ଷର ଶିଶୁକନ୍ୟା ଭଳି ପ୍ରତୀୟମାନ ହେଉଛି। ଯଦିଓ ସେ କଥାବାର୍ତ୍ତା କରିପାରୁଛି ଓ ଚଲାବୁଲା କରିପାରୁଛି ସାଧାରଣ ଲୋକଙ୍କପରି କରିପାରୁନଥିବାବେଳେ ବସିବା ଓ ବସିବା ସ୍ଥାନରୁ ଉଠିବାରେ ମଧ୍ୟ ତାକୁ ଅସୁବିଧା ହେଉଥିବା ଦେଖିବାକୁ ମିଳିଛି। ଯୋଉଥି ପାଇଁ ସେ ମୂଲ ଲାଗି ନିଜର ଭରଣ ପୋଷଣ କରିବାକୁ ସମର୍ଥ ହୋଇପାରୁନାହିଁ।

ଅନ୍ୟପଟେ ତାର ମାମୁଁ ପୁଅ ହୁଅନ୍ତୁ କିମ୍ବା ତାର ମାଉସୀ , ସବୁ ଦିନିଆ ବୋଝ ଉଠାଇବାକୁ ସେମାନେ ସମ୍ପୂର୍ଣ୍ଣ ଅସମର୍ଥ। ଏଭଳି ପରିସ୍ଥିତିରେ ନିଜେ ସୁକୁରମୁନି କୌଣସି ଅନାଥାଶ୍ରମକୁ ଯିବାପାଇଁ ଆଗ୍ରହ ପ୍ରକାଶ କରୁଥିବାବେଳେ, ତାର ମାଉସୀ ଓ ମାମୁଁ ପୁଅ ମଧ୍ୟ ସୁକୁରମୁନିର ବୋଝରୁ ମୁକ୍ତ ହେବାପାଇଁ ଗୁହାରି କରିଛନ୍ତି। ବିଭାଗୀୟ ଅଧିକାରୀ ଏଥିପ୍ରତି ଧ୍ୟାନଦେଇ ସୁକୁରମୁନିକୁ ସରକାରୀ ସହାୟତା ସହ ଥଇଥାନ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି।