୧୬ନମ୍ବର ଜାତୀୟ ରାଜପଥ ର ପଞ୍ଚସଖା ଛକ ନିକଟରେ ରାସ୍ତା ଦୁର୍ଘଟଣା : ପିକ-ଅପ ଭ୍ୟାନ ଡ୍ରାଇଭର ମୃତ

ଖୋର୍ଦ୍ଧା : ୦୫/୦୭(ପ୍ରବାହ ନିଉଜ୍) ଖୋର୍ଦ୍ଧା ଶିଳ୍ପାଞ୍ଚଳ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ଗଡଖୋର୍ଦ୍ଧା ଛକ ନିକଟରେ ଏକ ପିକ-ଅପ ଭ୍ୟାନ କୁ ବ୍ରହ୍ମପୁର ଆଡୁ ଆସୁଥିବା ଏକ ଦ୍ରୁତଗାମୀ ଭାରୀଯାନ ଧକ୍କାରେ ପିକ-ଅପ ଭ୍ୟାନ ଡ୍ରାଇଭର ମୃତ ।

ସୂଚନା ଅନୁସାରେ ବ୍ରହ୍ମପୁର ପଟୁ ଆସୁଥିବା OD02-U-8250 ନମ୍ବର ବିଶିଷ୍ଟ ଏକ ପିକ-ଅପ ଭ୍ୟାନ କୌଣସି କାରଣରୁ ଗଡଖୋର୍ଦ୍ଧା ଛକରେ ଜାତୀୟ ରାଜପଥ କଡ଼ରେ ଅଟକାଇ ଥିଲେ, ଠିକ ସେହି ସମୟରେ ପଛରୁ ଆସୁଥିବା ଏକ ଦ୍ରୁତଗାମୀ ଷୋହଳ ଚକିଆ ମାଲ ବୋଝେଇ ଟ୍ରକ ପିକ-ଅପ ଭ୍ୟାନକୁ ଧକ୍କା ଦେଇଥିଲା, ଧକ୍କା ଏତେ ତୀବ୍ରତର ଥିଲା ଯେ, ମୁଖ୍ୟ ରାସ୍ତାରୁ ପ୍ରାୟ ୩୦ମିଟର ଦୂରକୁ ଛିଟିକି ପଡିଥିଲା ଏବଂ ଘଟଣା ସ୍ଥଳରୁ ଦୁର୍ଘଟଣା ଘଟାଇଥିବା ଟ୍ରକଟି ଭୁବନେଶ୍ୱର ଅଭିମୁଖେ ଦ୍ରୁତ ଗତିରେ ପଳେଇ ଯାଇଥିବା ପ୍ରତ୍ୟକ୍ଷଦର୍ଶୀ କହିଛନ୍ତି ।

ଶକ୍ତ ଧକ୍କା ଦ୍ୱାରା ପିକ-ଅପ ଭ୍ୟାନର ଡ୍ରାଇଭର ଏବଂ ଗାଡ଼ି ମାଲିକ ଗୁରୁତର ଭାବେ ଆହତ ହୋଇଥିଲେ। ତୁରନ୍ତ ପୋଲିସ ସହାୟତାରେ ସ୍ଥାନୀୟ ଲୋକ ଦୁର୍ଘଟଣା ଗ୍ରସ୍ତ ଗାଡିରୁ ଉଭୟ ଗୁରୁତରଙ୍କୁ କାଢି ଜାତୀୟ ରାଜପଥ ଆମ୍ବୁଲାନ୍ସ ମାଧ୍ୟମରେ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲକୁ ସ୍ଥାନାନ୍ତରିତ କରିଥିଲେ, କିନ୍ତୁ ଚିକିତ୍ସାଧୀନ ଅବସ୍ଥାରେ ପିକ-ଅପ ଭ୍ୟାନ ଡ୍ରାଇଭରଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣକ ସଦର ଥାନା ଅନ୍ତର୍ଗତ ଜଗନ୍ନାଥପୁର (ବାରଘରପାଟଣା) ଗ୍ରାମର ସୂର୍ଯ୍ୟକାନ୍ତ ବରାଳ ବୋଲି ସୂଚନା ମିଳିଥିବା ବେଳେ ପିକ-ଅପ ଭ୍ୟାନର ମାଲିକ ଭୀମସେନ ସାହୁଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡିଛି । ଏପଟେ ଶିଳ୍ପାଞ୍ଚଳ ଥାନା ପୋଲିସ  ଦୁର୍ଘଟଣା ଗ୍ରସ୍ତ ଗାଡିକୁ ଜବତ କରି ତଦନ୍ତ ଆରମ୍ଭ କରିଛି ।