ବେଗୁନିଆ ପୋଷ୍ଟ ଅଫିସ ଛକରେ କାର ବାଇକ ମୁହାମୁହିଁ ଧକ୍କା : ଭିଣୋଇ ମୃତ ଶଳା ଗୁରୁତର

ବେଗୁନିଆ: ୧୬/୦୭(ପ୍ରବାହ ନିଉଜ୍) ବେଗୁନିଆ ପୋଷ୍ଟ ଅଫିସ ଛକରେ ଠାରେ କାର ବାଇକ ମୁହାଁମୁହିଁ ଧକ୍କା ହେବା ଫଳରେ ଦୁର୍ଘଟଣାରେ ଭିଣୋଇଙ୍କର ମୃତ୍ୟୁ ହୋଇଥିବା ବେଳେ ଶଳାଙ୍କୁ ଗୁରୁତର ଅବସ୍ଥାରେ ଖୋର୍ଦ୍ଧା ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।

ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନ ପ୍ରାୟ ୫ଟା ସମୟରେ ଖୋର୍ଦ୍ଧା ବଲାଙ୍ଗୀର ୫୭ନମ୍ବର ଜାତୀୟ ରାଜପଥର ବେଗୁନିଆ ପୋଷ୍ଟ ଅଫିସ ଛକ ଠାରେ ଖୋର୍ଦ୍ଧା ଆଡୁ ଆସୁଥିବା ଏକ ମାରୁତି ୮୦୦ କାର ଏକ ମୋଟର ସାଇକେଲକୁ ଧକ୍କା ଦେବା ଫଳରେ ଦୁଇଜଣ ଯୁବକ ଗୁରୁତର ହୋଇଛନ୍ତି। ଦୁଇ ଜଣ ମଧ୍ୟରୁ ଭିଣୋଇ ମିଟୁ ସାହୁ ଙ୍କ ଘର ସ୍ଥାନୀୟ ଧାନଘର ନୂଆଗାଁ ହୋଇଥିବା ବେଳେ ଓ ଅନ୍ୟ ଜଣକ ତାଙ୍କ ଶଳା ବୋଲି ଜଣାପଡିଥିବା ବେଳେ ସେ ଆରିକିମା ଗ୍ରାମର ଅଶୋକ କୁମାର ସାହୁ ବୋଲି ସୂଚନା ମିଳିଛି। ଦୁର୍ଘଟଣାରେ ବାଇକ ଆରୋହୀଙ୍କ ସମେତ ବାଇକ ପଛରେ ବସିଥିବା ବ୍ୟକ୍ତି ମଧ୍ୟ ଗୁରୁତର ଆହତ ହୋଇଥିଲେ ।

ଖବର ପାଇ ବେଗୁନିଆ ଅଗ୍ନିଶମ ବାହିନୀ ଗୁରୁତର ଆହତଙ୍କୁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଡାକ୍ତର ଭିଣୋଇ ମିଟୁ ସାହୁଙ୍କୁ ମୃତ ଘୋଷଣା କରିଥିବା ବେଳେ ଆହତ ଅଶୋକଙ୍କ ଅବସ୍ଥା ଅଧିକ ଗୁରୁତର ହେବାରୁ ଭୁବନେଶ୍ୱର ସ୍ଥାନାନ୍ତର କରିବାକୁ ପରାମର୍ଶ ଦେଇଛନ୍ତି । ସେପଟେ ଦୁର୍ଘଟଣା ଘଟାଇଥିବା ମାରୁତି କାର ଓ ଚାଳକ ଫେରାର ଥିବା ବେଳେ ବେଗୁନିଆ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।