କଇଁଥପଲ୍ଲା ଖଣିରେ ଟାଙ୍ଗୀ ପୋଲିସ ଏବଂ ତହସିଲଦାରଙ୍କ ଚଢ଼ାଉ :ତିନି ମେସିନ ଜବତ ସହ ଛଅଜଣ ଅଟକ

ଟାଙ୍ଗୀ:୦୩/୦୮(ପ୍ରବାହ ନିଉଜ୍) ବର୍ଷ ବର୍ଷ ଧରି ଟାଙ୍ଗୀ ତହସିଲ ଏବଂ ଚିଲିକା ତହସିଲ ଅଞ୍ଚଳରୁ ଖଣି ମାଫିଆଙ୍କ ଦ୍ୱାରା ବେଆଇନ ଭାବେ ଖଣି ଖନନ କରାଯାଇ କୋଟି କୋଟି ଟଙ୍କାର ରାଜସ୍ୱ ଲୁଟ କରିବା ସହ କଳା ମୁଗୁନି ସହିତ ମାଙ୍କଡ଼ା ପଥର ଲୁଟ ହେଉଥିଲା। ଏ ସମ୍ପର୍କରେ
ସ୍ଥାନୀୟ ଜନସାଧାରଣ ଠାରୁ ଆରମ୍ଭ କରି  ବୁଦ୍ଧିଜୀବୀ ମାନେ ବାରମ୍ବାର ବିରୋଧ କରୁଥିଲେ ବି ପ୍ରଶାସନର ନୀରବତା ସାଧାରଣରେ ଅନେକ ପ୍ରଶ୍ନବାଚୀ ସୃଷ୍ଟି କରିଥିଲା । କିନ୍ତୁ ଟାଙ୍ଗୀ ଥାନାରେ ନୂତନ ଯୋଗ ଦେଇଥିବା ଦକ୍ଷ ଥାନାଧିକାରୀ ବିଜୟ ମଲ୍ଲିକ ଏବଂ ବାଲୁଗାଁ ଏସ.ଡି.ପି.ଓ ମାନସ ବାରିକଙ୍କର ଏ ସମ୍ପର୍କରେ ପଦକ୍ଷେପ ଗ୍ରହଣ ଯୋଗୁଁ ଖଣି ମାଫିଆଙ୍କ ଭିତରେ କୋକୁଆ ଭୟ ଜାତ ହେବାର ଜଣାପଡିଛି ।

ମିଳିଥିବା ସୂଚନା ଅନୁସାରେ ୧୬ନମ୍ବର ଜାତୀୟ ରାଜପଥ ସଂଲଗ୍ନ କଇଁଥପଲ୍ଲା ଖଣିରୁ ଗତକାଲି ବିଳମ୍ବିତ ରାତିରେ ପଥର ଖନନ ସମ୍ପର୍କରେ କୌଣସି ସୂତ୍ରରୁ ଖବର ପାଇ ଟାଙ୍ଗୀ ଥାନାଅଧିକାରୀ ବିଜୟ ମଲ୍ଲିକ ଏବଂ ଟାଙ୍ଗୀ ତହସିଲଦାର ସ୍ମୃତି ରଞ୍ଜନ ଶତପଥି ପୂର୍ବ ଯୋଜନା ମୁତାବକ ରାତିଅଧିଆ ଖଣିରେ ପୋଲିସ ବାହିନୀ ସହ ପହଞ୍ଚି ଅଚାନକ ଚଢ଼ାଉ କରି ଘଟଣା ସ୍ଥଳରୁ ଗୋଟିଏ ପ୍ରୋକ୍ଲିନ୍ ସହ ଦୁଇଟି କଂପ୍ରେସର କୁ ଜବତ କରି ନିଜ ହେପାଜତକୁ ଆଣିଥିଲେ ଏବଂ ଛଅ ଜଣ ଖଣି ଲୁଟେରାଙ୍କୁ ଗିରଫ କରି ଟାଙ୍ଗୀ ଥାନାରେ ଅଟକ ରଖିଛି ଅଧିକ ତଥ୍ୟ ସଂଗ୍ରହ କରିବା ପାଇଁ ତଦନ୍ତ ଆରମ୍ଭ କରିଛି ।