୧୯୯୩ ମସିହା ଖୋର୍ଦ୍ଧା ବିଜେବି ହାଇସ୍କୁଲ ସହପାଠୀଙ୍କ ବନ୍ଧୁମିଳନ
ଖୋର୍ଦ୍ଧା : ୦୭/୦୨/୨୦୨୧ : ଆଜିର ବ୍ୟସ୍ତ ବହୁଳ କର୍ମମୟ ଜୀବନ ଶୈଳୀ ହେତୁ ନିଜ ପାଇଁ ସମୟ କାଢ଼ିବା କଷ୍ଟସାଧ୍ୟ ହେଉଥିବା ଅନ୍ୟକଥା ନ କହିଲେ ଭଲ। ପ୍ରତ୍ୟେକ ମଣିଷ ଚାହେଁ ନିଜର ବାଲ୍ୟକାଳକୁ ଫେରି ପୁରୁଣା ସ୍ମୃତିକୁ ସାଉଁଟିବା ପାଇଁ… ଯାହାକି ସମ୍ପୂର୍ଣ୍ଣ ଭାବରେ ଅସମ୍ଭବ ।
ପାରିବାରିକ ଜୀବନଚର୍ଯ୍ୟା ଭିତରେ କେତେ ବର୍ଷ ବିତିଗଲା ତାର ହିସାବ ଖୋଜିବା ମଧ୍ୟ ସମ୍ଭବପର ହୋଇପାରୁନାହିଁ । ଏହା ଭିତରେ ସ୍କୁଲ ଛାଡିବାର ଅଠେଇଶ ବର୍ଷ ହୋଇଗଲାଣି । ହେଲେ ଏବେ ମଧ୍ୟ ସ୍କୁଲରେ ପଢ଼ୁଥିବା ସହପାଠୀଙ୍କୁ ଦେଖିଲେ କେତେ ଯେ ପୁରୁଣା ସ୍ମୃତି ମନେ ପଡ଼ିଯାଏ ତାର ହିସାବ ନଥାଏ । ହେଲେ ବ୍ୟସ୍ତତା ଭିତରେ ବାଲ୍ୟବନ୍ଧୁ ମାନଙ୍କର ସହିତ ସମୟ ଅତିବାହିତ କରିବା ଦୂରର କଥା… ସୁଖଦୁଃଖ ହେବା ପାଇଁ ସମୟ ବାହାର କରିବା ବି କାଠିକର ପାଠ ।
ଯଦି ବା ବର୍ତ୍ତମାନ ସମୟରେ ଯୋଗାଯୋଗ ର ଅନେକ ଆଧୁନିକ ଡିଜିଟାଲ ମାଧ୍ୟମ ରହିଛି ତଥାପି ପରସ୍ପରକୁ ଭେଟି ଖୁସିର କିଛି ମୁହୂର୍ତ୍ତ ବିତାଇବା କେବଳ ଏକତ୍ରିତ ଆଦାନ ପ୍ରଦାନ ରେ ହିଁ ରହିଛି ।
ଆଜି ବକ୍ସି ଜଗବନ୍ଧୁ ବିଦ୍ୟାଧର ଉଚ୍ଚ ବିଦ୍ୟାଳୟ ୧୯୯୩ ମସିହାର ପ୍ରାୟ ୫୫ ଜଣ ସହପାଠୀ ବନ୍ଧୁ ଖୋର୍ଦ୍ଧା ସ୍ଥିତ ମା ବରୁଣେଇ କରୁଣେଇ ପୀଠରେ ଏକତ୍ରିତ ହୋଇ ଅତି ଆନନ୍ଦରେ ବନ୍ଧୁ ମିଳନ କାର୍ଯ୍ୟକ୍ରମ ପାଳନ କରିଥିଲେ l
ଏ ପରିପ୍ରେକ୍ଷୀରେ ସମସ୍ତେ କିଛି ସମୟ ପାଇଁ ନିଜର ବର୍ତ୍ତମାନ ସ୍ଥିତି କୁ ଭୁଲି ପୁରୁଣା କଥା ସବୁକୁ ମନେ ପକାଇ ଛାତ୍ର ଜୀବନ ଆଉ ଆସିବ ନାହିଁ ବୋଲି ଜାଣି ମଧ୍ୟ ଅତି ଆନନ୍ଦଉଲ୍ଲାସର ସହିତ ଆପୋଷ ବାର୍ତ୍ତାଳାପ ଜମାଇବା ସହିତ ଭୋଜି ଭାତର ଆସରରେ ମଜ୍ଜି ରହିଥିଲେ ଏବଂ ଏହା ସହିତ ସମାଜର ମଙ୍ଗଳ ପାଇଁ ଯିଏ ଯେଉଁଠି ବି ରହିଲେ ବି ଅସହାୟଙ୍କୁ ସହଯୋଗ, ରକ୍ତଦାନ, ବୃକ୍ଷରୋପଣ ସହିତ ଘନିଷ୍ଠ ସହପାଠୀମାନଙ୍କ ଅସମୟରେ ଛିଡ଼ା ହୋଇ ସେମାନଙ୍କୁ ସହାୟତା ଯୋଗାଇଲେ ପ୍ରକୃତରେ ଈଶ୍ୱର ପୂଜା ହୋଇଥାଏ ବୋଲି ବନ୍ଧୁମିଳନ କାର୍ଯ୍ୟକ୍ରମରେ ମତ ରଖିଥିଲେ । ତା ସହିତ ଦିବଂଗତ ବନ୍ଧୁ ମାନଙ୍କ ଉଦେଶ୍ୟରେ ଦୁଇ ମିନିଟର ନିରବ ପ୍ରାର୍ଥନା କରିଥିଲେ ।
ଏହି ବନ୍ଧୁମିଳନ କାର୍ଯ୍ୟକ୍ରମ ରେ ୧୯୯୩ ବ୍ୟାଚ ର ସର୍ବଶ୍ରୀ ଆଶିଷ କୁମାର ପଟ୍ଟନାୟକ, ଦେବକାନ୍ତ ମହାନ୍ତି, ଜିତେନ୍ଦ୍ର ସାମନ୍ତରାୟ, ନିରୋଦ ରଞ୍ଜନ ନାୟକ, ବିଶ୍ୱଭୂଷଣ ନନ୍ଦ, ସୁଧାଂଶୁ ରାଉତରାୟ, ରିତ୍ତୁଜ ମହାନ୍ତି, ଶେଖ ଅମୀର ବକ୍ସ, ମନୋଜ ଆଚାର୍ଯ୍ୟ, ସୁମନ୍ତ ଶତପଥୀ, ଅଭିରାମ ଲେଙ୍କା, ହିମାଂଶୁ ଚମ୍ପତିରାୟ, ଡାକ୍ତର ସୌଭାଗ୍ୟ ଛୋଟରାୟ, ଦିନେଶ ସେଠୀ, ଅମିତ ଅଗ୍ରୱାଲ ଓ ହର ପ୍ରସାଦ ମିଶ୍ର ପ୍ରମୁଖଙ୍କ ସହିତ ୧୯୯୩ ବ୍ୟାଚର ପାଖାପାଖି ୫୫ ଜଣ ଛାତ୍ର ଯୋଗଦାନ କରିଥିଲେ ।
