ନକଲି ପୋଲିସ ଅଧିକାରୀ ଗିରଫ : ଗାଡ଼ିରୁ ଜବରଦସ୍ତ ଚାନ୍ଦା ଆଦାୟ କରୁଥିବା ବେଳେ କୁହୁଡି ଫାଣ୍ଡି ପୋଲିସ ଦ୍ୱାରା ଗିରଫ

ଟାଙ୍ଗୀ : ୨୯/୦୭(ପ୍ରବାହ ନିଉଜ୍) ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ କୁହୁଡି ଫାଣ୍ଡି ନିକଟ ୧୬ ନମ୍ବର ଜାତୀୟ ରାଜପଥ କଇଁଥପଲ୍ଲା ଛକ ନିକଟରେ ଜଣେ ବ୍ୟକ୍ତି ନିଜକୁ ପୋଲିସ ଅଧିକାରୀ କହି ଗାଡ଼ି ମାନଙ୍କରୁ ଜୋର ଜବରଦସ୍ତ ଚାନ୍ଦା ଆଦାୟ କରୁଥିବା ବେଳେ ସ୍ଥାନୀୟ ବ୍ୟକ୍ତି ଯୁବକ ଜଣକୁ କାବୁ କରି କୁହୁଡି ଫାଣ୍ଡି ପୋଲିସର  ଜିମା ଦେଇଛନ୍ତି।

ପ୍ରାପ୍ତ ସୂଚନା ମୁତାବକ ଗଞ୍ଜାମ ଶେରଗଡ଼ ଥାନା ଅନ୍ତର୍ଗତ ଖାସପା ଗ୍ରାମର ସନ୍ତୋଷ ବିଶ୍ୱାଳ ନିଜକୁ ପୋଲିସ ଅଧିକାରୀ କହି ରାଜପଥ ଉପରେ ଯାତାୟାତ କରୁଥିବା ଗାଡି ମାନଙ୍କ ଠାରୁ ଜୋର ଜବରଦସ୍ତ ବଟି ଆଦାୟ କରୁଥିବା ବେଳେ କାଳୁପଡ଼ା ଅଞ୍ଚଳର ଚନ୍ଦ୍ରକାନ୍ତ ପଲେଇଙ୍କର OD33 AB 1542 ନମ୍ବର ବିଶିଷ୍ଟ ଏକ କଙ୍କଡ଼ା ବୋଝେଇ ଡାଲା ଅଟୋ କୁ ଅଟକାଇ ଚାନ୍ଦା ଆଦାୟ କରିବା ସମୟରେ ସମ୍ପୃକ୍ତ ଗାଡି ମାଲିକ ଏବଂ ଡ୍ରାଇଭରଙ୍କର ସନ୍ଦେହ ହେବାରୁ ଯୁବକକୁ କାବୁ କରି କୁହୁଡି ଫାଣ୍ଡିରେ ପୋଲିସ ଜିମା ଦେଇଥିବା ବେଳେ ଫାଣ୍ଡି ଅଧିକାରୀ  ନିରଞ୍ଜନ ରାଉତ ଅଭିଯୁକ୍ତ ବିରୁଦ୍ଧରେ ୨୪୯/୨୧ ରେ ଏକ ମାମଲା ରୁଜ୍ଜୁକରି ଅଭିଯୁକ୍ତକୁ ଅଟକ ରଖି ଅଧିକ ଜେରା କରୁଛନ୍ତି।