ଧାମରା ପୋର୍ଟ ପକ୍ଷରୁ ଉତ୍କଳ ଦିବସ ପାଳିତ

ଧାମରା, ୦୧.୦୪.୨୦୨୬: ଧାମରା ପୋର୍ଟ ପକ୍ଷରୁ ଏପ୍ରିଲ୍ ୧ ତାରିଖରେ ଉତ୍କଳ ଦିବସକୁ ଉତ୍ସାହ ଓ ଗର୍ବର ସହ ପାଳନ କରାଯାଇଛି । ଏହି ଅବସରରେ ଓଡ଼ିଶାର ସମୃଦ୍ଧ ସାଂସ୍କୃତିକ ଐତିହ୍ୟ, ଇତିହାସ ଓ ପରମ୍ପରାକୁ ସ୍ମରଣ କରି ସମସ୍ତ କର୍ମଚାରୀ ଓ ସହଯୋଗୀମାନେ ଉତ୍ସବମୟ ପରିବେଶରେ ଏକତ୍ରିତ ହୋଇଥିଲେ।
ଏହି କାର୍ଯ୍ୟକ୍ରମରେ ଧାମରା ପୋର୍ଟର ସିଇଓ ଶ୍ରୀ ଦେବେନ୍ଦ୍ର ଠକର ମୁଖ୍ୟ ଅତିଥି ଭାବେ ଯୋଗଦେଇ ପାରମ୍ପରିକ ଭାବେ ପ୍ରଦୀପ ପ୍ରଜ୍ୱଳନ କରି ଉତ୍ସବର ଶୁଭାରମ୍ଭ କରିଥିଲେ।

ଏହା ପରେ ଉପସ୍ଥିତ ଅଧିକାରୀମାନଙ୍କ ଦ୍ୱାରା ‘ବନ୍ଦେ ଉତ୍କଳ ଜନନୀ’ର ସମୂହ ଗାନ କାର୍ଯ୍ୟକ୍ରମକୁ ଆହୁରି ଗୌରବମୟ କରିଥିଲା।
ସମାରୋହରେ ଉଦ୍‌ବୋଧନ ଦେଇ ସିଇଓ ଶ୍ରୀ ଠକର ଓଡ଼ିଶାର ଗୌରବମୟ ଐତିହ୍ୟ ଓ ପରମ୍ପରାକୁ ଶ୍ରଦ୍ଧାଞ୍ଜଳି ଜଣାଇଥିଲେ। ଧାମରା ପୋର୍ଟ ସହ ଓଡ଼ିଶାର ଥିବା ଗଭୀର ସମ୍ପର୍କ ଏବଂ ରାଜ୍ୟର ଉନ୍ନତି ଏବଂ ସମାଜ ପ୍ରତି ଥିବା ଏହାର ନିରନ୍ତର ପ୍ରତିବଦ୍ଧତା ବିଷୟରେ ସେ ଉଲ୍ଲେଖ କରିଥିଲେ।