ଭାରତୀୟ ଷ୍ଟେଟ୍ ବ୍ୟାଙ୍କର ବିବିପିଏସ ଓ ଇ-ପେ ସଂଯୋଗ କାର୍ଯ୍ୟକ୍ରମ

ଭୁବନେଶ୍ୱର:(ପ୍ରବାହ ନ୍ୟୁଜ୍)ଆଜି ଭାରତୀୟ ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳ ଆନୁକୁଲ୍ଯରେ ବିବିପିଏସ ଏବଂ ଏସବିଆଇ Epay ର ଲୋକପ୍ରିୟତା ବଢାଇବା ପାଇଁ ଏକ ବଣିକ  ସଂଯୋଗ ସମାରୋହ ବ୍ୟାଙ୍କର ଉଚ୍ଚ ପଦାଧିକାରୀ ମାନଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି । ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦର ଶେଖର ଶର୍ମା , ଉପ ମହାପ୍ରବନ୍ଧକ ଶ୍ରୀ ଅମରେନ୍ଦ୍ର କୁମାର ଓ ସଞ୍ଜୟ ଝା ଙ୍କ ଉପସ୍ଥିତିରେ ଏହି ସଭାକୁ ମହାପ୍ରବନ୍ଧକ ଶ୍ରୀ ପୋନ୍ନମବଲମ ମୁରୂଗନ ନିଜ ପ୍ରାରମ୍ଭିକ ଭାଷଣ ଜରିଆରେ ଉଦଘାଟନ କରିଥିଲେ ।

           ଭାରତ ବିଲ ପେମେଣ୍ଟ ସିଷ୍ଟମ , ଭାରତୀୟ ରିଜର୍ଭ ବ୍ୟାଙ୍କର ଏକ ଯୋଜନା ଅଟେ । ଏହା ଦ୍ୱାରା ଗ୍ରାହକ ଅତି ସହଜରେ ଏକମାତ୍ର ପୋର୍ଟାଲରେ ବିଭିନ୍ନ ପ୍ରକାର ଦେୟ ଯେମିତି କି ବିଦ୍ୟୁତ ବିଲ , ଟେଲିଫୋନ ବିଲ , ସ୍କୁଲ ଫିସ , ମୁନିସିପାଲିଟି ଟିକସ ଆଦି ପଇଠ କରିପାରିବେ । ଏହା ଉଭୟ ଗ୍ରାହକ ଏବଂ ବଣିକ ମାନଙ୍କ ପାଇଁ ସୁବିଧାଜନକ ଓ ସୁରକ୍ଷିତ ଅଟେ । ମୁମ୍ବାଇ ରୁ ଆସିଥିବା ମୁଖ୍ୟ ମହାପ୍ରବନ୍ଧକ ଶ୍ରୀ ପାର୍ଥ ସାରଥି ପାତ୍ର ଏହି ବିଷୟରେ ବଣିକ ମାନଙ୍କ ସହ ବିସ୍ତୃତ ଆଲୋଚନା କରିଥିଲେ । ଶେଷରେ ଉପ ମହାପ୍ରବନ୍ଧକ ଶ୍ରୀ ଅମରେନ୍ଦ୍ର କୁମାର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।