ଚାଷୀଙ୍କ ବୀମା ବାବଦ ଟଙ୍କାକୁ ମିଳିମିଶି ଖାଇଗଲେ ସମବାୟ ସମିତିର ସେକ୍ରେଟାରୀ ଆଉ କିଛି କୁଜି ନେତା

ଖୋର୍ଦ୍ଧା: ୦୫/୦୭(ପ୍ରବାହ ନିଉଜ୍) ଖୋର୍ଦ୍ଧା ଜିଲ୍ଲା ସମବାୟ ସମିତି ଅନ୍ତର୍ଗତ ହଳଦିଆ ସେବା ସମବାୟ ସମିତିର ସେକ୍ରେଟାରୀ ଲଷ୍ମୀଧର ଜେନା ଚାଷୀଙ୍କ ପାଇଁ ଖରିଫ ଫସଲ ବାବଦକୁ ଆସିଥିବା ବୀମାରାଶି ଚଞ୍ଚକତା କରିଥିବା ଅଭିଯୋଗ କରିଛନ୍ତି ଗଡ଼ ହଳଦିଆର ଚାଷୀମାନେ । ଜମି ଥାଇ କାହାକୁ ମିଳିଛି ଦୁଇ ହଜାର ତ…. ଆଉ ମୂଳରୁ ଜମି ନଥାଇ ମିଳିଛି କୋଡ଼ିଏ ହଜାର…. ଏହା ସହିତ ସେକ୍ରେଟାରୀ ବାବୁ ନିରୀହ ଚାଷୀଙ୍କ ବୀମା ବାବଦ ଟଙ୍କା କୁ କୁଜି ନେତା ଆଉ ନିଜ ନିକଟତମ ଲୋକଙ୍କୁ ବାଣ୍ଟିଥିବା ନେଇ ସଙ୍ଗୀନ ଅଭିଯୋଗ ଆଣିବା ସହିତ ଏମିତି ଅନେକ ଅଭିଯୋଗକୁ ନେଇ ସୋମବାର ଦିନ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ଗଡ଼ ହଳଦିଆର ଚାଷୀମାନେ ।

ହଳଦିଆ ସେବା ସମବାୟ ସମିତି ର ସେକ୍ରେଟାରୀ ଲଷ୍ମୀଧର ଜେନା ଚାଷୀ ମାନଙ୍କ ର ୨୦୨୦ ମସିହାର ଋଣ ଉପରେ ୨୭% ବୀମା ବାବଦକୁ କାଟି ଚାଷୀମାନଙ୍କୁ ରସିଦ ପ୍ରଦାନ କରିଛନ୍ତି। ଅନ୍ୟପଟେ ଚାଷୀ ଆକାଉଣ୍ଟକୁ ଧାର୍ଯ୍ୟ ମୂଲ୍ୟ ଠାରୁ କମ ଟଙ୍କା ଯାଇଥିବା ସଂପର୍କରେ ସ୍ଥାନୀୟ ଚାଷୀମାନେ ସଂପାଦକଙ୍କୁ ଯୋଗାଯୋଗ କରିଥିଲେ ମଧ୍ୟ ସେ ଚାଷୀମାନଙ୍କ କଥାକୁ ଏଡାଇଯିବା ସହିତ ଏବେ ଚାଷୀଙ୍କୁ ଲୁଚୁଛନ୍ତି ସେକ୍ରେଟାରୀ ଓ ସଭାପତିଙ୍କୁ ହାତ ବାରିସୀ କରି ଦେହ ଖରାପ ହେବାର ବାହାନା ଦେଖାଇ ଲୋକଙ୍କ ସାମ୍ନାକୁ ଆସୁନାହାନ୍ତି । ଏପଟେ ଅଭିଯୋଗ କଲେ, ସେକ୍ରେଟାରୀ ଙ୍କ ଠାରୁ ନିଜ ସୁବିଧା ହାତେଇ ଥିବା କିଛି କୁଜି ନେତା ଚାଷୀମାନଙ୍କୁ ଭୟଭୀତ କରିବାକୁ ପଛାଉନାହାନ୍ତି ।

ଚାଷୀମାନେ ବୀମା ବାବଦ ରାଶି ପାଇବା ପାଇଁ ବାରମ୍ବାର ଦୌଡ଼ି ଦୌଡ଼ି ନିରାଶ ହେବା ସହିତ ସୋସାଇଟି ସେକ୍ରେଟାରୀ ସେମାନଙ୍କ ସହ ସହିତ ଚଞ୍ଚକତା କରିଥିବା ଜାଣିବା ପରେ ଅନୁନୋପାୟ ହୋଇ ସୋମବାର ଦିନ ଖୋର୍ଦ୍ଧା ଜିଲ୍ଲାପାଳଙ୍କ ସମେତ ଜିଲ୍ଲା ଆରକ୍ଷୀ ଅଧୀକ୍ଷକ ଏବଂ ଖୋର୍ଦ୍ଧା ସମବାୟ ସମିତି ନିବନ୍ଧକଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି ଓ ଏହା ସହିତ ଯଥାଶୀଘ୍ର ସେମାନଙ୍କ ଅଭିଯୋଗ ଉପରେ କୌଣସି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ ନ କରାଗଲେ , ଆଗାମୀ ଦିନରେ ହଳଦିଆ ସେବା ସମବାୟ ସମିତି ଲିଃ କାର୍ଯ୍ୟାଳୟ ଚାବି ପକାଇବା ସହ ପଞ୍ଚାୟତର ସମସ୍ତ ଚାଷୀ ସମୂହ ରାଜରାସ୍ତାକୁ ଓଲ୍ହାଇବାକୁ ବାଧ୍ୟ ହେବେ ବୋଲି ଚେତାବନୀ ଦେଇଛନ୍ତି।