ଗୋରୁଗାଡ଼ି ଜବତ ସହ ୧୦ଗୋରୁ ବାଘମାରୀ ପୋଲିସ ଦ୍ୱାରା ଉଦ୍ଧାର : ଜଣେ ଅଟକ

ଖୋର୍ଦ୍ଧା : ୦୧/୦୭(ପ୍ରବାହ ନିଉଜ୍) ଗୁରୁବାର ବାଘମାରୀ ଛକ ଉପରୁ ବାଘମାରି ପୁଲିସ ଏକ ଗୋରୁ ବୋଝେଇ ଟାଟା ଏସିଇ ଗାଡିକୁ ଜବତ କରିବା ସହିତ ଗାଡିରେ ଥିବା ୧୦ଟି ଗୋରୁଙ୍କୁ ପୁଲିସ ଉଦ୍ଧାର କରିଥିବା ବେଳେ ଡ୍ରାଇଭରକୁ ଗିରଫ କରିଛି । ଡ୍ରାଇଭର ଜଣକ କେରଙ୍ଗ ଗ୍ରାମର ମୁମତାଜ ଖାନ ବୋଲି ଜଣାପଡିଛି ।

ସୂଚନା ଅନୁସାରେ, ଦିନ ପ୍ରାୟ ସାଢେ ଗୋଟେ ସମୟରେ ମୁମତାଜ OR04-L-5692 ନମ୍ବର ବିଶିଷ୍ଟ ଏକ ଗୋରୁ ବୋଝେଇ ଟାଟା ଏସିଇ ନେଇ କୁଶପଲ୍ଲାରୁ କେରଙ୍ଗ ଅଭିମୁଖେ ଯାଉଥିଲା । ବିଶ୍ୱସ୍ତ ସୂତ୍ରରୁ ଖବର ପାଇ ବାଘମାରୀ ପୁଲିସ ଉକ୍ତ ଗାଡିକୁ ବାଘମାରୀ ଛକ ନିକଟରେ ଅଟକାଇଥିଲା ।

ଏଥିରେ ୧୦ଟି ଗୋରୁ ବନ୍ଧାଯାଇ ନିଆଯାଉଥିବା ପୁଲିସ ଜାଣିବାକୁ ପାଇଥିଲା । ତେଣୁ ଗାଡିକୁ ଜବତ କରିବା ସହିତ ସେଥିରେ ଥିବା ଗୋରୁଙ୍କୁ ପୁଲିସ ଉଦ୍ଧାର କରିଥିବା ବେଳେ ସମସ୍ତ ଗୋରୁଙ୍କୁ ଭୁବନେଶ୍ବର ସିଜୁଆ ସ୍ଥିତ ଗୋଶାଳାରେ ଛଡାଯିବ ବୋଲି ଥାନାଅଧିକାରୀ ଅର୍ଚ୍ଚନା ମଲ୍ଲିକ ସୂଚନା ଦେଇଛନ୍ତି । ବେଆଇନ ଗୋଚାଲାଣ ଅଭିଯୋଗରେ ଡ୍ରାଇଭର ମମତାଜକୁ ଗିରଫ କରାଯାଇଥିବା ବେଳେ  ବାଘମାରୀ ଥାନାରେ ଅଭିଯୁକ୍ତ ନାମରେ କେସ ନମ୍ବର  ୪୭/୨୧ ରେ ଏକ ମାମଲା ରୁଜୁ କାରାଯାଇଛି ।