ଜଟଣୀ ବିଜେପି ପକ୍ଷରୁ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ

ଭାରତୀୟ ଜନତା ପାର୍ଟି ଜଟଣୀ ଶାଖା ପକ୍ଷରୁ ନୂତନ ବର୍ଷ ଅବସରରେ ଏକ ବନ୍ଧୁ ମିଳନ କାର୍ଯ୍ୟକ୍ରମ ସ୍ଥାନୀୟ ବାରବାହି ଖଣ୍ଡୁଆଳ ଠାକୁରାଣୀଙ୍କ ପୀଠ ପରିସରରେ ପାଳିତ ହୋଇଯାଇଛି ।
ନଗର ସଭାପତି ତିରୁପତି ଶତପଥୀଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଖୋର୍ଦ୍ଧା ଜିଲ୍ଲା ବିଜେପି ସଭାପତି ଶ୍ରୀ ରଶ୍ମିରଞ୍ଜନ ମହାପାତ୍ର, ସମ୍ମାନୀତ ଅତିଥିଭାବେ ଜଟଣୀ ଵିଧ୍ୟାୟକ ପ୍ରାର୍ଥୀ ତଥା ରାଜ୍ୟସ୍ତରୀୟ ଯୁବ ସଂଗଠକ ବିଶ୍ୱରଞ୍ଜନ ବଡ଼ଜେନା, ପୂର୍ବତନ ଜିଲା ସଭାପତି ନିକୁଞ୍ଜ କିଶୋର ପଟ୍ଟନାୟକ, ଜିଲ୍ଲା ବିଜେପି ମହିଳା ମୋର୍ଚ୍ଚା ସଭାନେତ୍ରୀ ପ୍ରବୀଣା ପ୍ରିୟଦର୍ଶିନୀ ଭଞ୍ଜଦେଓ, ଜିଲ୍ଲା ମହିଳା ମୋର୍ଚ୍ଚା ର ଉପ-ସଭାନେତ୍ରୀ ରୋଜିନା ରାଣୀ ଦାଶ, ସାଂସଦ ପ୍ରତିନିଧି ପଦ୍ମଚରଣ ପ୍ରଧାନ, ପୂର୍ବତନ ମଣ୍ଡଳ ସଭାପତି ନିରଞ୍ଜନ ପଣ୍ଡା, ଜିଲ୍ଲା ସମ୍ପାଦକ ଶକ୍ତି ପ୍ରସାଦ ମିଶ୍ର ପ୍ରମୁଖ ଯୋଗଦେଇ ନିଜ ନିଜର ଅଭିଭାଷଣରେ ଉପସ୍ଥିତ କର୍ମୀମାନଙ୍କୁ ଏକଜୁଟ ହୋଇ ଆସନ୍ତା ପୌର ନିର୍ବାଚନରେ ସଂଖ୍ୟା ଗରିଷ୍ଠତା ହାସଲ କରି ଜଟଣୀ ପୌରପରିଷଦ ଦାଖଲ ପାଇଁ ଆହ୍ୱାନ ଦେଇଥିଲେ ।

ଅନ୍ୟତମ ଅତିଥିଭାବେ ଚନ୍ଦକା ମଣ୍ଡଳ ପ୍ରଭାରୀ ମନୋରଞ୍ଜନ ମାର୍ଥା, ଭୁଆଶୁଣୀ ମଣ୍ଡଳ ସଭାପତି ଭୀଷ୍ମ ନାରାୟଣ ଜେନା ପ୍ରମୁଖ ସଭାରେ ଯୋଗ ଦେଇଥିଲେ ।
ଏହି ପରିପ୍ରେକ୍ଷୀରେ ଯୁବ ସଂଗଠକ ବିଜୟ କୁମାର ସ୍ବାଇଁଙ୍କୁ ଭୁବନେଶ୍ୱର ସାଂସଦ ଶ୍ରୀମତୀ ଅପରିଜିତା ଷଡ଼ଙ୍ଗୀଙ୍କ ଅନୁମୋଦନ କ୍ରମେ ଜଟଣୀ ନଗର ପ୍ରଭାରୀ ପଦବୀରେ ଅବସ୍ଥାପିତ କରାଯାଇ ସମ୍ବର୍ଦ୍ଧିତ କରାଯାଇଥିଲା ।

ଏହି କାର୍ଯ୍ୟକ୍ରମକୁ ପରିଚାଳନା କରିବାରେ ରୋଶନ ସାହୁ, ଗୌତମ ମହାପାତ୍ରଙ୍କ ସମେତ ଅନ୍ୟ ସହଯୋଗୀ ମାନେ ସହଯୋଗ କରିଥିଲେ ।
ପରିଶେଷରେ ପୂର୍ବତନ କାଉନସିଲର ପ୍ରତାପ କେଶରୀ ବିରାଜ ଧନ୍ୟବାଦ ଅର୍ପଣ କରିଥିଲେ।